From - Mon Feb 23 13:42:14 1998
To: taigu@formosa.org, morrison@cc.ndhu.edu.tw
Subject: Khaikang 01 (Ungian)
Takke ho, goasi Ungian, inui chin ku bo ti banglou tengbin
kah takke lianlok, soui goa tiam chia kantan ka takke poko
chittoaN sikan goa e chengheng.
1996 ni, taikhai 3geh choiu, goa khaisi tui ti Taipak e sengoah
kamkah chin iasian, siuNbeh likhui chite souchai. goa khaisi
keng souchai, longchong soan : Taitang, Lamtau kah Hoalian
3e souchai. Soantek e goanchek tohsi : chujian khoankeng.
Aulai goa seng chiong Taitang khitiau, inui kamkah hitpeng e
i-liau chugoan peng bo chhiongchiok ( goa kholu tioh tan thoehiu
gun laupe laubu ma goani lai toa e souchai), Lamtau kah
Hoalian, goa khi hia chhittho, khi kamkah, kamkah Hoalian
u toasoaNtoachui e khise, soui koatteng soan Hoalian.
Gun bou chitkoan thongke, tansi gun laupe laubu chin boetang
chiapsiu. Inui in kamkah goa ti Taitai chiah thaulou chiah kah
ho ho, Hoalian ma msi u ho thaulou chhiaN3 li khi, na beh
cho chitkhoan e koatteng ?
Goa kesiok goa e keoe. Goa chhi Hoalian e Tonghoa taihak(koklip e),
lang boai goa, chhi Mng5lok8 piNiN, ma boai goa, chhi
Chuche piNiN, kangkhoan e kiatko. Hoalian e kangchok kihoe
chio, thaulou sitchai chin phai chhe, goa simchi uitioh beh khi
Hoalian, khi pousippan pousip, inui thiaNkong Hoalian chuilihoe
ai 2elang.
Ungian 98'0223
From - Wed Feb 25 09:37:34 1998
Subject: Khaikang 02(Ungian)
Takke ho:
Chin phaise, goa chang khangkhe khah boeng, soui bo sia,
chitma kesiok.
Beh khi pousippan pousip e sichun, mna gun laupe laubu,
lian gun bou ma chiok hoantui e. Goanin chin kantan,
1kogeh sinsui kiam 2ban, gun bou mng goa i-au kam uchiN
thang boe2 chhu3? uchiN thang chhi gina ? Goa kanna ka i
kong, nasi etang jipkhi,chiah siuNpanhoat chhe kitha e hugiap.
Taipak tiongsanpaklou hia u 1keng Cheng-hoa5 chiutiam
(icheng kiochoe Le7cheng) kholeng takke pat thiaN ke.
In ansng ti Taioan ikip sekai kok souchai khi lianso e
lukoan, Taioan e pouhun in ti Hoalian e Thian-Siong5
khi 1keng 5chhiNkip e lukoan, hia beh ai 1elang, goa
to sui kia Resume(lulekpio) khi.
Kengke biantam ( biantam e sichun, goa che hechhia kau
Hoalian, inui hia kheh-un hethong bo hoattat, kethengchhia
e oupeh khui ke3, soui goa chiau toetou, kiaN 1tiamcheng e
lou, kau in e Bi2lun5 pansuchhu ), khakteng beh ai goa
liauau, goa chin hoaNhi, Taitai chitpeng to kin ka thaulou
si5tiau7.
==============Kesiok====================
ps : Liongkng hiaN, tan goa na chong sia oan, goa chiahkoh
teng chengli 1pian. Goa kholeng seng tau khi Taibunbongpo.
Nasi tau khi binsengpo kam msi koh ai hoan choe PakkiaNoe ?
From - Wed Feb 25 13:35:30 1998
To: taigu@formosa.org, morrison@cc.ndhu.edu.tw
Subject: Khaikang 03(Ungian)
Takke ho, goa kesiok.
Khakteng likhui Taitai e sichun, goa siuN, tui gun chhulai e lang
si 1e chin toa e taNkek, gun laupe laubu pitsu ai chiapsiu chite
susit, gun bou ma ai kaki 1elang sengoah, koh mchaiiaN tiangsi
chiah etang chhengtiau khi Hoalian ( i si kok-hau-a e lausu).
Tui goa lai kong, khah huikhi e si, inui goa toa e souchai chhaputto
16pheng, siuN soe3 keng, soui goa chincheng si chiong goa e chu
toapohun khng ti hak-hau e pankongsek kah 1keng goa chhetioh
e chhngkhou. Goa liiong pangka e sichun khi Taitai chengli
chitkoa chu, aulai chhiaN tongsu iong chhia chai3 tngkhi gun tau,
longchong chai 4chhia, 1siuN 1siuN e chu toh khng ti gun tau e
piahpiN. Te2hang, ti Hoalian nasi bo chhia toh nachhiuN bo kha,
soui koh khi boe 1tai 2chhiu e kiochhia.
Khakteng likhui Taitai kau khi Hoalian kengke 3lepai, goa simlai
suijian chin hoaNhi, goa e goanbang chongsng sit-hian a, tansi
goa chaiiaN, gun bou simlai chin kankhou.
96/11/16, lohhou thiN, gun laupe hoanlo goa 1elang lohkhi Hoalian
(cheng 1lepai, Hoalian inui loh toahou, chhikhu choe toachui),
i beh kah goa chohe saichhia khi Hoalian, chiahkoh che hechhia
tnglai, goa kiaN i siuN thiam, to phian i kong goa u 1e pengiu
beh tui Gilan khi Hoalian, i beh che goa e pianchhia. Soui tih khoan
hengli esi, goa thiaukang chiong kasu piN--a hit-e ui lau khilai
bo khng mihkiaN.
Ianlou lohhou, itit sai kau Lam5O3 e si, chiah khaisi khoaNtioh jitthau.
ke Taroko liauau khaisi si piNtoe, goa na sai, khoaNtioh loupiN e
chhanhng
kah toasoaN, hionghiong kamkah nachhiuN tih binbang.
=============Kesiok===================
ps : Kholeng chinchoe lang e jinui hittangsi goa chiamsi beh likhui
Taigubang e goanin si ti banglou tengbin kah Chonggak hiaN oanke
e koanhe. Kisit, ma bo oanchoan si anne. Goa takkang siongpan
te1kiaN taichi si khoaN Email, hitchun kamkah khah boeng, soui
goa ma bo hibang 1kang e simcheng inui khoaN Email soah pianchoe
chin bai. Aulai, tiohsi uitioh beh lai Hoalian e koanhe, soui tih
boeng 1koa u-e-bo-e, choaN bo tnglai. Lai Hoalian i-au, thaucheng
3e khangkhe ma bo Email Account. Soui thoa kau chitchun.
From - Thu Feb 26 14:00:49 1998
Subject: Khaikang 04(Ungian)
Goa sai 5tiamcheng e chhia laikau Hoalian e Bi2lun5a2
(Hoaliankang hukun), lukoan e oankang soksia ti chia.
Goa thehtioh sosi, khoan mihkiaN, khi chhiacham nia
khongbengchhia (iong hechhia thok-un) koh khi chhe pengiu.
Seng lai siaukai Thiansiong Chenghoa. Icheng takke na khi
Tiongpou hengkoan konglou, Thiansiong chhittho e sichun,
etang khoaNtioh hia u 1keng "Tiongkok luhengsia, Thiansiong
chiauthaisou", kouchakoucha chincheng to u e 1keng pngtiam,
Sionghai sionggiap gunhang sou kengeng e. Aulai Tang1te3su7
(Tuntex) chipthoan ti 1pian chiahpng e kihoe, kah Sionghai
sionggun e thaulang khaikang, inui chite sichun Thiansiong ikeng
ti Taroko kokka konghng e hoanui lai, Tangtesu e thaulang to
ka in kong, li chhut toe7, gun chhutlat, lan tiam chia khi 1keng
5chhiNkip e toapngtiam. Sianghong tongi.
Kipun siong, goa siongsin Tangtesu si liauchiN teh kengeng chitkeng
lukoan, tansi Chenghoa lianso pngtiam u Thiansiong chitkeng liauau
e khah oancheng ( i ti Taipak, Taitiong, Kohiong si siongbu7 lukoan,
thanchiN na than chui), i si uiit ti Taroko kokka konghng laitoe e
5chhiNkip pngtiam, Taroko e toeheng, kengti koh si Taioan uiit liat8mia5
ti sekai umia e hongkeng laitoe.
ThiaNkong uitioh khi chitkeng lukoan, chiN1 chiokchoe angpau hou
Thai3koan2chhu3(Taroko kokka konghng koanlichhu), kisit, nasi tui
khoanpo buntoe khah koansim elang, long e hoantui ti hit-e souchai
khi 1keng chiahni chhiahoa e lukoan. ( Tailam e 7khin tosi Tangtesu
e sugiap, goa lai in thaulou e si, khoanpo thoanthe ma tng tih hoan
7khin,
hou goa simlai siokhoa mautun).
================Kesiok==================
Date: Fri, 27 Feb 1998 17:06:47 +0800
Subject: Khaikang 05(Ungian)
Takke ho, goa kesiok kang2.
Tui chite sin thaulou, goa long chinliong siuN ho e hongbin,
siuNkong ti hite souchai, chiiau goa khah phahpiaN, beh
seng khili e kihoe khah toa; takkang che kauthongchhia,
etang khoaNtioh sekaikip e hongkeng sitchai si chin hiongsiu...
Soksia toa 1am, te2kang chaikhi 7:15 ti soksia mngkhau che
kauthongchhia, kau siongpan e souchai, hoathian toapouhun e
lang long tih khun ( Bilun kau Taroko si 26khilo, sng khah piN5
e lou, Taroko kau Thiansiong si 19 khilo, si soaNlou, chhia ai
sai 1tiamcheng choiu). Kau liauau, lukoan iahkoh si kangtoe,
piansou ma iahbe khi ho, na beh khi piansou, gun ai kiaN 300
kongchhioh hng khi kongiong piansou (Mkoh goa tianto khah ai
anne, etang chhutlai so5 1e)
Kokka konghng laitoe e kiantiokbut u koantou e hanche, soui
lukoan si toesiong 2chan, toeha 3chan, u View e souchai
tongjian si ai iong lai thanchiN, soui gun toapouhun e oankang
long ai ti siong ekha hit chan. Inui khongtiau(Air Conditioned)
tianthui long iahbe oanseng, soui laitoe engia eng kah chin
lihai, beh khi piansou kiaN lauthui, chia teng3 hia khok.
Tiannau tu-a sang lai soaNteng, beh pun hou kitha e poumng,
to kiaN chhia-to7, laitoe engia, chekchui, bo tianhe....
Siong hai e si, inui iahkoh si kangtoe to poaN lai chia,
tiannau e siumia 1teng e kiamchio kuilotang.
Koh u, inui lukoangiap iahbe lap jip lo5kihoat, soui kongsi
iaukiu takkang siongpan 8tiampoaNcheng. ( 1lepai 5kang poaN,
longchong 46.5hr )
Goa 96/11/18 jipkhi, in poaN beh ti 12 geh khuibou (aulai
ian kau chiaNgeh, koh ian kau 2geh, liauau goa to likhui,
thiaNkong chengsek khuibou si 3geh ).
Goa tak-am kha tianoe tng Taipak hou gun bou( laupe laubu hitpeng
to 2, 3kang chiah kha 1pian) goa chiah chaiiaN, goa tu lai e
chitkuikang, gun bou amsi long bih ti binchhngteng khau, i siuNkong
goa simsi bo-ai i a, nabo, na e ti kiathun 1tang liauau to kaki 1elang
chau khi Hoalian.
Te1pian pangka (gun cho 6e kuikang e, te 2 lepai cho 5kang, thangho
tng Taipak) , inui 1kang nania, goa saichhia khi chhe Hoalianchhi
i pak e kok-hau, khi mng khoaN chite hak-hau kam u khiam choanjim
e lausu, sinsoa liaukai hakhau e khoankeng. Siong toakeng e hakhau
1e nikip 3pan, kitha toapouhun e hakhau long si 1pan nania.
===============Kesiok================
From - Mon Mar 02 16:16:01 1998
Date: Mon, 02 Mar 1998 13:39:33 +0800
Subject: Khaikang 06(Ungian)
Takke ho :
Pang 2kang ka, tih piaN chhulai kah chiaukou gina. Chitma
koh kesiok.
Thiansiong Chenghoa e chusinsek, lian goa longchong
3e lang, lai chia cho e te 2 lepai, lenggoa 2e to ka goa kong,
in kholeng koh bogoaku to beh si thaulou (beh tngkhi Taipak
lenggoa chhe thaulou) hai goa chhoah 1tio.
Te 2 kiaN hougoa kiaN--tioh e taichi si, chiah cho bo 1kogeh,
gun hiapli ka gun kong, tihbeh khuibou a, tiannau hethong iahbe
sia ho, uitioh ai kin chinjip chonghong, iaukiu gun 2e (inui lenggoa
1e si chabou e) amsi toa soaNteng. Toa soaNteng tongjian msi
toa lukoan e thopang, inui hitchun iahbe khi2 ho, chhiau kuipou,
si chio Tai5khi3 kheh-un7 e soksia, inui bo Lo5kihoat e chehan,
tengkoan annoa iaukiu li ma ai chinliong phoehap,tuhui piNbin.
Koh 1tiam chin hai e si, Tangtesu si chaithoan, in cho taichi u in e
panhoat, tansi goa siong khoaNboechoe e si, in e tan kiantiok
chipchiau sinchheng lohlai liauau, chiahkoh piankeng siatke,
piankeng siatke e boktek si beh than chiN. Soui, i chiong 1keng
toeha 2lau e pankongsek e oankang poaN khi toeha 3lau,
inui toeha 2lau hitkeng etang enggiap, gun pankongsek e
khongkan to pian khah chio a. Koh lai, mui 1e lauchan long
u 1koa to5seng siatpi, inui pankong e khongkan kiamchio,
soui chinchoe toseng e chhutkhau long tin chinchoe mihkiaN,
chengkeng hoatseng taichi kunpun to chau boe khi.
Tan laitoe e piansou cho ho liauau, koh khah hiauheng, kuiteng
gun siongpan sikan putchun chhut toamng 1pou ( gun kisit
msi kiaN toamng, inui gun sng au7khun5 e lang, bo chheng
chehok, soui kanna etang kiaN oankang e sio2mng5 ) Hongkeng
ho u siaNme louiong? KuiN ti laitoe 1kang, chhutlai e sichun
to ikeng ambinbong a!
Koh 1tiam siong khiongpou e taichi si, Thiansiong ti soaNlai,
Tiongheng konglou tengbin, thianjian chaihai e buntoe, goa
96ni 11geh lai siongpan, chincheng ti 8geh e si, hitchun u 1pai
hongthai, sikang e pausiong saichhia tnglai e loutiong, chiohthau
lak lohlai, 1si 1siong. SiuNtioh chia, goa to kamkah goa 1teng
ai ti te 2 tang e hongthai kuichiat chincheng likhui, nabo
siNmia u huihiam.
================Kesiok====================
From - Thu Mar 05 09:41:31 1998
Date: Thu, 05 Mar 1998 09:20:57 +0800
Subject: Khaikang 07(Ungian)
Takke ho, inui chitkuikang khangkhe khah boeng, soui
chhian5 kah chitchun.
Ti kong e 1e thaulou chincheng, seng lai kong 1koa
khah ho e pouhun. Ti Thiansiong chenghoa siongpan e
hochhu si, 1kang u 2 tng etang chiah kongsi e, toa si
toa soksia (4elang 1keng) soui khah seng chiN.
Lukoangiap e liutonglut chin koan, goa siuN, che masi
1e okseng e sunkhoan, kongsi tu ioankang e thaitou bo
chuntiong, oankang chujian siuNbeh chau, inui anne,
kongsi koh e teng 1koa panhoat lai hanche oankang,
ibian kongsi chiahkhui (khopi kong chiN nia nia e
to chau khi, iahsi kitha e buntoe).
Nasi toa ti Bilun(soksia) e sichun, inui 7:10 kauthongchhia
lai, soui goa chinliong 6tiam khichhng, khia khongbengchhia
chhutkhi, 5huncheng to e kau haipiN, ian haipiN khia 1toaN
chiahkoh tnglai. Nasi khah oaN khilai, to ti chhubeteng
sio tintang 1e, khoaN soaN, khoaN hng hng e toahai.
Toa ti Thiansiong e sichun, u 2tiau lousoaN thang kiaN,
1tiau si Pek8Iong5 chuichhiang e pou7to7, 1tiau si
hat8(?)jian5teng5[豁然亭] pouto, kiaN kauui, ti hia cho
thechhau, chiahkoh goan lou tnglai, ai tiampoaNcheng e
sikan. goa long 6tiampoaN chhuthoat, 8tiam tnglai koaN
8tiampoaN e siongpan.
U-si-a kapan, tosi kui am bothang khun. Soui sinthe iongi
phah phai.
==============Kesiok===============
From - Thu Mar 05 10:39:44 1998
Date: Thu, 05 Mar 1998 10:21:28 +0800
Subject: Khaikang 08(Ungian)
Takke ho, ti kong lenggoa 1e thaulou chincheng, goa seng lai
pouchhiong 1koa mihkiaN.
Lukoan si 24 siosi enggiap e, soui oankang 1poaN si hun 3pan,
susit siong mui 1e poumng e chengheng bo kang, sitche kholeng
u 10 kui chiong pan, soui in ka Hoalian khehun chou chhia, takkang
Hoalian --> Thiansiong 4pan, lohlai ma 4pan. 1kang kanna
kauthongchhia e khaisiau si 22000 khou. Beh teng mihkiaN,
kio lang sang lai soaNteng, sikan siong khah ku, un7hui3 ma
khah koan. Soui goa kong in pan chitkeng lukoan engkai
si chunpan beh liauchiN e.
Ti chia u chinchoe goanchubin. Chuiau si Taroko chok e.
Goa lai chincheng u 1koa siuNhoat, hibang chitkeng lukoan
etang chhekoe 1koa iukoan goanchubin e oahtong, khopi kong
chhe 1koa Taroko e laulang lai lukoan, muikang amsi 8:00--
10:00 to chhiaN i kong kousu hou langkheh thiaN, iahsi
cho 1koa kah goanchubin iukoan e tianlam. Chongsi, goa
msi huchek hit pouhun e lang, jichhiaN koaN beh khuibou,
tengkoan hitkoa lang long busasa, na-u kholeng siuN7tioh8
chitkoa mihkiaN ?
Kipun siong, Taioan 1koa chaithoan longsi te3 Litenghui e
isu tih kiaN5. Tangtesu masi 1e chin benghian e le. Goa khi
Thiansiong siongpan hitchun, chhaputto si Lamhui kah lan
tng7kau e sichun, Tangtesu punchiaN u 1e 30kui ek e tauchu-an
ti hia, inui chite koanhe kuie long thiat tiau. Lenggoa, chiau
Litenghui e siuNhoat, i beh chhoa chaithoan 1e chhutlou, tansi
goakau hongbin sitpai, tisu Tai5siong e tauchu siu7tioh 1koa
chougai, houtauhui koh boe hongsim in chaukhi Tiongkok
tauchu, Taioan sepou koh ikeng chhaputto a, soui Taioan e
tangpou pianchoe si houtauhui kamkah hou chaithoan siongho e
1e chhutlou. Kisit, ma hokachai khaihoat khah oaN, ti chitma
khoanpo isek giathau e chengheng ha, na u sin e khaihoat an,
ko ujian e miha engkai khah chio (Tongjian, inui Hoalian koantiuN
e KBT e, soui lanbian iahkoh chin u guiki, chhinchhiuN chuinichhiuN,
helek hoattianchhiuN, IC chhiuN tengteng ) chongsi chiau bokchian
e panse khoaNkhilai, chaithoan iahkoh bosiaN kah-i ti chia hoattian
koankonggiap igoa e sangiap, te1 si chhiaN3lang oh chhiaN3, te2
si, in iahkoh kamkah kauthong kiansiat bo ho (10 kuini liauau kholeng
to e u 1koa kaipian) in ai huchhut e sengpun khah koan.
Houtauhui chisi Kengkian3hoe7 ai liat8koan2 tuichong tangpou e 1koa
khaihoat-an, chuiau longsi koankong hongbin e, liatkoan e khaihoat an,
ti hitchun (1996 nitoe) u 6e, paukoah (1) Thiangsiong Chenghoa (khai
15ek
5000 ban, sitchai siong koh e tuika 5000ban chi 1ek) ti Thiansiong
(2) Lek8Ou5 5chhiNkip lukoan (ti Li2hi5tham5, Hoalian Siu7hong)
(3) Lisiong toukachhoan (ti Hoalian Siuhong, tosi chin umia e Kim-tun7
an)
(4) Oantang chipthoan e haiiuN sekai ( toe nahchiuN 200 kongkheng
choiu, ti Hoalian Siuhong e chuilian (haipiN) (5) Chionggoan haichui
ektiuN (ti Taitang Tiongpin e Chiong-goan5 (haipiN)) te6 e boeki a,
paukoah Tipun lauia chiutiam chipthoan, Julionga hite chipthoan
long u chhamu chit 6e khaihoat an.
==============Kesiok================
From - Fri Mar 06 09:31:21 1998
Date: Fri, 06 Mar 1998 09:09:11 +0800
Subject: Khaikang 09(Ungian)
Takke ho.
Tuliau chincheng kong e 1koa chaithoan e khaihoatan igoa,
Tangtesu punsin, Thiansiong Chenghoa igoa ma iahkoh u
kitha e keoe, huitit in long ikeng khoaNtioh bilai takke
e julaiju tiongsi hiu-hian5 luiu, in na etang khaihoat kuiloe
tiam, anne sengpun ma etang kangke.
Kitiong siong toa e keoe si beh ti Sin-siaN5(新城) cho 1e
Disneyland iuloktiuN, SinsiaN ti Taroko kokka konghng lampeng
e chhutkhau, keoe ttiong si beh khian 200ek lai cho. Iahkoh u
Siong5hng5 lukoan, ti Bi2lun7soaN(美崙山, oa Hoaliankang e
1liap sio soaNluna, 110 kongchhiok choiu) 1te Bikun (USA military)
e te7. Lenggoa, chenghu pangchhut hongsiaN kong beh khaihong
SamSianTai5, PatSianTong7 (long ti Taitang Tiong5pin hiong e
haipiN) e kong-iu2 thoutoe khaihong binkan ti hia khi lukoan,
che masi ti in e keoe laitoe. Isiong kong e, tuliau Sionghng lukoan
ikeng siatketou long oe ho, kong kah chhaputto, u beh khaisi cho
igoa, kitha e long iahbe khaisi.
Goa 96ni 11/18 khi Thiansiong Chenghoa. Keni sichun si chiong 1koa
taichi kautai liauau, thauchau tnglai Taipek keni (chhoe 3 amsi tngkhi)
jianau siongpan chiah tan hou chukoan ma7. kulek chiaNgeh 10kui e
sichun u 1pian lou tngkhi (chiohthau lak lohlai). 2gehtoe si5 thaulou,
oaN khi lenggoa 1e chiok bai e souchai : ChengChiong siongchoan
(精鍾商專), aupai chiah lai kong.
Ungian 98'0306
ps: Thiansiong hia si khoaN chiau-a, iah-a(butterfly) e ho souchai.
From - Sat Mar 07 09:57:58 1998
Date: Sat, 07 Mar 1998 09:19:39 +0800
Subject: Khaikang 10(Ungian)
Takke ho, goa kesiok.
Goa khi Thiangsiong Chenghoa chhaputto 1kogeh liauau, to
siuNbeh lang3kang2 a. Pengkun 2lepai etang tngkhi Taipak
khoaN laupe laubu kah gun bou, lenggoa 1e pai6 lepai tosi
ti soaNteng siongpan ( inui lukoan si 24 siosi enggiap, soui
in iaukiu ai ulang ti tengbin ). Takpai che hechhia ui Taipak
tng Hoalian, suijian thanggoa e kengti chin ho, tansi 1 siuNtioh
beh khi siongpan, simcheng long chiok utchut e...
Tansi goa na beh oaN thaulou, beh chhe siaNme thaulou ?
SiuN etioh e tosi ka3 chu, goa kah Bengteng lianlok tioh,
i ti Tonghoa taihak thak Chokkun giankiusou, lenggoa u ti
goakhau e pousippan ka Engbun, thauke Iau7Hong5(Abon)
lianlok tioh Bengteng, i kio goa seng chhoan lulekpio (Resume),
i etang ka goa tan khoaNmai, uitioh che, goa ma tng Taipak khi
boe 1koa kotiong e souhak khopun kah liankho e toebok lai
khoaN. Goa koh chhi Hoalian e sulip kotiong( longchong 4keng),
na u tongsu seksai ti hia kachu e lang, to chhiaN in ka goa sang,
nabo, goa to kaki kia.
Iahkoh 1keng sulip e choankho hak-hau, goa u 1e pengiu ti hia,
hak-hau chin bai, takni long chau chhaputto 1poaN e lausu,
tansi goa kanna siuNbeh likhui chitma chite thaulou, siuNkong
khi hia chichio pangka e khah chengsiong, goa etang tak lepai
tngkhi Taipak. Suijian pengiu ittit ka goa kong, khi hia goa
choattui e hiohoe, chong--si kunpun boe khi siuN hiah choe,
chichio si 1e kihoe.
============Kesiok================
From - Tue Mar 10 12:53:38 1998
Date: Tue, 10 Mar 1998 12:06:37 +0800
Subject: Khaikang 11(Ungian)
1997ni 2geh, gun laupe laubu kah Giokleng lai
Hoalian chhittho, tu-a-ho lai e hitkang goa ai
khi 1keng sulip kochit (Kokkong siongkang,國光商工)
kah hit-keng sulip e Chengchiong siongchoan(精鍾商專)
bianchhi. Kokkong siongkang khah oa chhikhu,
hak-hau bo toa, Chengchiong ti Siuhong, li Hoalianchhi
chhaputto 20 khilo. UisiaNme hanka e sichun e khiam
lausu ? goanin chin kamtan, lausu cho bo ku, keni liauau
to langkang a.
Seng lai kong Kokkong, khochhi si seng pitchhi, jianau
1e 1e jipkhi bianchhi,
1koa lausu che ti ekha ian2 hakseng, chhut 1koa
chonghong hou li chhuli. In chhut hou goa e chonghong
si , tu khaisi siongkho, hakseng gaihchhiu kong beh
chhutkhi, lang to chau chhutkhi a. Aulai 1e chapou lausu
ka goa kong, hitkeng msi senghak e hak-hau, jichhiaN
u 1koa hakseng si na chiah thaulou na thakchu, siahoe
kenggiam kholeng pi lan khah choe. I kong i te 1 pai
siongkho, to ka u 1e chabou gina chhiong lai kangtai thaucheng,
ka i kong :" Li simsi chaisek e? Kasu si, goa kinajit amsi
to chiong goa e te 1 mi5 hian hou li. " I kong liau, goa
tih siuN, goa na khi hia taikhai e hou hakseng khihu
kaukau.
Chengchiong siongchoan, bai hak-hau, 1ni long chau
1poaN isiong e lausu, goa e pengiu ka goa kong,
keni (sitche siong in bo hanka, kanna keni hioh
chhaputto 1 lepai) tnglai e sichun, koh chau 4e,
soui chin khiam lausu , kho3 bosiaN pai e chhutlai.
Goa ti khaihak cheng 1 lepai kia lulekpio, koh ke
2kang, tosi goa bianchhi e sichun. Koh ke 2kang,
to chaiiaN in beh ai goa a.
Sitoalang tongjian jinui choankho khahho kokchit,
goa tongjian ma kamkah choankho e hakseng
khah ho ka3.
Chincheng goa koh u kongtioh chhe pousippan e
thaulou, Bengteng tausaNkang e, kia khi liauau
u 1keng u hoe siausit, hite thauke khoaNkhilai
chin kho-thau5, bianchhi e sichun Bengteng kah goa
chohe khi, goa phian i kong icheng u kah pat-e
lausu chohe "chhi7ah-a2", kholeng goa koseng
khah pisu, thauke tui goa siokhoa hoaigi, aulai
koh sutoeha kha tianoe hou Bengteng mng goa
e chengheng. Aulai i ai goa khi Taitang ka,
hiauheng! 1lepai chiah 1kang, goa nasi khi
Taitang, goa ai epou che hechhia, siongkho
liauau, che tnglai Hoalian ikeng poaNmi
1tiam. Be--a goa siuNsiuN leh msi panhoat,
to ka kuchoat.
Goa khakteng Chengchiong siongchoan beh
ai goa e sichun, goa to kin ka gun hiapli kong
beh si thaulou, koh ke 1lepai, goa to poaN
likhui goanlai ti Bilun e soksia, pengchhiaN
ti Siuhong, hak-hau hukun chou 1keng pangkeng.
97' 2/24 to khi hakhau poto.
Ungian 98'0310
From - Fri Mar 13 14:48:02 1998
Date: Fri, 13 Mar 1998 13:15:46 +0800
Subject: Khaikang 12(Ungian)
Takke ho, chin phaise, khangkhe khah boeng, soui theng 2kang bo sia.
Goa tu khi poto, suijian goasi Chusin koanlikho e lausu, tansi
Chukoankho pankongsek peng bo goa e ui, khochujim ma bo
kah goa lianlok. Inui goa ehiang sia Program, in kaubuchhu
suiau ulang cho chithongbin e taichi, soui ma bo tengkiu goa e
tongi, goa e pankongsek to ti kaubuchhu.
Chite hakhau e lausu long ai chiap hengcheng e khangkhe,
sionghapan long ai "shoa kha", 8:05 icheng , 17:00 i-au "shoa",
nabo, to ai chhengka. PiN7ka3 bo khauchiN, su7ka3 khau 1kang
sinsui e 2/3, nasi piNka kah suka chhiauke 5kang, koh chhengka
to long ai khau 1kang e chiN.
1poaN e kangsu, kauiokpou kuiteng si 1lepai 12tiamcheng.
Kauiokpou e siatke, i hibang li mai inui chhiau chengtiam
lai enghiong li e kauhak phinchit, soui kuiteng mui 1e lausu
kanna esai 1lepai chhiau 4chiatkho, na chhiau 5chiatkho isiong,
masi kanna sng 4chiatkho e chiN. Konglip hak-hau e chunchiau
chite kuiteng, sulip hakhau in khah hibang lausu chhiau chengtiam,
chhiau 8tiamcheng to hou i 8tiamcheng e chiN, inui anne masi
pi koh chhiaN 1e lausu khah seng chiN. Chite hakhau e chohoat
si, i ai li chhiau chiauke 4chiat e kho, tansi kanna beh hou li
4chiatkho e chiN. Soui, 1khaisi si ka goa pai 12chiatkho(chengsiong),
khi poto e te 1 kang, to kong inui lausu bokau, soui ka goa ka 5chiat,
poto e te2kang, in koh ka goa kong, inui beh pan thuikong kauiokpan,
soui koh hou goa 5chiatkho, soui punlai 12chiatkho, khi hia 2kang
liauau sui pianchoe 22chiatkho ( mkoh thuikong kauiokpan u lenggoa
e chiN, suijian juchhu, hesi Lo5ui2hoe7 pouchou e, pouchou e chiN
laitoe, hakhau koh chiah 1koa liauau chiah pun hou gun )
Gun siongpan e sochun itteng ai cho hengcheng e khangkhe, boesai
iong lai chunpi kauchai, 22chiatkho laitoe, u 8chiatkho si ti
iakanpou (Hoalianchhi, onghoe e kauthonghui kaki hutam),
soui goa etang chunpi kauchai e sikan sitchai chin chio, koh khah
hai e si, u 1koa kho, goa ti siongkho 10huncheng icheng chiah
thehtioh kaukhosu (anne, takke taikhai etang chaiiaN chitkeng hakhau
e kauhak phinchit.)
Chengtiamhui, kauiokpou kuiteng jitkan 575, iakan 615, in ma phahchiat,
pianchoe, 430/450, tansi in po khi kauiokpou e chuliau koh si 575/615,
aulai 4geh e sichun kauiokpou si si7chhat, in chiah ui hite sichun kai
choe
575/615, tansi 615 koh si ke2 e, inui chhiau chengtiam e pouhun i long
ka
li sng ti jitkanpou e pouhun.
Koh lai kong sinsui, chengsiong e hakhau kangsu e sinsui si 49000 choiu,
in kiam 1ban, (taiiok u 70e lausu, 1elang 1kogeh ka than 1ban, 1ni to
840ban )
===========Kesiok==================
From - Tue Mar 17 11:56:15 1998
Date: Tue, 17 Mar 1998 11:46:31 +0800
Subject: Khaikang 13(Ungian)
Takke ho, goa kesiok.
Mui 1e lausu ti hakhau laitoe long ai choe hengcheng. Goa jipkhi
e teng 1e hakki hoatseng 1kiaN taichi, tosi u 4e chabou lausu
in si ti bokang tanui cho hengcheng, tansi housiong kamcheng
boe bai, soui takkang tiongtau long choetin chhutkhi goakhau
e tiam-a chiahpng. Bogoaku, chitkeng hakhau e chhongpanjin
to pang oe, kong chit 4e chabou lausu si Homo(tong5seng3loan5).
Kiatko, kitiong 2e lausu hiohkoaN liauau to bo koh tnglai
hakhau.
Hoanthau tnglai kong chite chhongpanjin, i kiochoe Na5Siu3khim5
(藍秀琴), Hoalian lang, kok-hau thak bo pitgiap, aulai khi cho
bi2iong5su. Koh aulai mchai annoa, soah tnglai boe 1koa toe,
kasiong lenggoa 1e chapou e koan 1koa toe, to senglip chitkeng
Chengchiong siongchoan, ti Hoalian Siuhonghiong Hongsanchhoan
(壽豐鄉豐山村), Hongsanchhoan e leksu, aupiah chiah lai kong.
In ang siN Song3(宋), siN 4e chabou gina, toahan e bokchian ti
Bikok thak phoksupan, chunpi i-au beh tnglai chiap hautiuN,
te 2e seksu pitgiap, bokchian choe Hun3to7 chujim, te 3 e punlai
thak Bengthoan koanli hak-iN, mchai annoa hong thoehak, liauau
khi thak Tamkang ( gun siongsin si u am3poaN5 e) ti hakhau koa
1e choukau e mia nia sinsui(suijian long bo lai), te 4e mchai.
U 1e tangsu siN Chiong(鍾) si lau-ou-a, takkang ti hakhau chhoa
1chiah kau2a2 sanpou, i tosi koan toe e lang, Lam5 lusu tosi kah i
tau3 (toa chohe), i icheng long kalang kong i si tiauchakiok chhutsin,
ma bat saichhia chai ke ChiuNkengkok (aulai chin ku i-au,
kengke gun e chha5cheng3, chiah chaiiaN i kunpun bo toa ke
taiuchakiok, kanna pat ti Hoalian koanchenghu cho ke unchiang,
soui chai ke ChiuNkengkok )
In kah kauiokpou e koanhe putchi-a ho, iuki si chhu3tiuN2 IuN5tiau5
siong5(楊朝祥)(chitma ikeng oaN lang), thiaNkong IuNtiausiong
u Chengchiong e kouhun (am3kou2).
Chite hakhau bo hibang 1e lausu toa siuNku, inui ni5chu na
ju koan, i to ai hu khah choe e sinsui. Goa jipkhi e 2nicheng
(1995), u 1pai hakni kiatsok liauau, chau 45e lausu (hitchun
longchong chhaputto 60 e lausu ), kitiong u-e si kaki siuNbeh
chau, u-e si pek chau e(Chhongpanjin thauke khochujim
pangoe, kio li ho likhui a )
Lai chia e hochhu si, goa 1lepai siongpan 5e kuikang (pai2--pai6
8:00--17:00) soui tak lepai etang tngkhi Taipak khoaN gun bou
kah laupelaubu.
Goa 1jipkhi to ansng beh chau, than chit hakki chhe sin e thaulou,
soui goa 1jipkhi to khaisi sng "manthou", aulai kaubuchhu e
tiannau 1 khui ki, long e chhuthian "kinajit si xx geh xx jit, li
7geh 31 iahkoh u xx kang "
===========Kesiok ===============
From - Tue Mar 17 14:29:00 1998
Date: Tue, 17 Mar 1998 13:42:58 +0800
Subject: Khaikang 14(Ungian)
Takke ho, kesiok.
Goa tu kekhi chitkeng hakhau, te 1 iaukin e tosi toa e
buntoe, chincheng kong goa u 1e pengiu ti hia kachu,
i kong in kehpiah u 1e kaukoaN choekun beh poaNchau.
Goa khi khoaNkhoaN e liauau, goa to koatteng poaN
khi hitkeng toa, si thauthiNchhu, 3lau e 1keng thopang,
u piansou, iuNtai, chhaputto 10pheng, 1kogeh 3850,
laukha e khehthiaN kah tupang si kongiong e. Chitkoa
chiamchhiaN anha.
Buntoe si, chite kaukoaN uisiaNme beh chau ? aulai
goa chiah chaiiaN, goanlai i kah 2 chaboukiaN kiaN
chin oa2, aulai mchai annoa 2e hunchhiu, chite kaukoaN
e jitchi to khaisi phai ke a, niami khuihoe e sichun
hou chite 2chaboukiaN (hunto chujim) ma7 kah chhauthau,
niami ti bou 1e kongkhai e tiuNhap, 2chaboukiaN kong
chite kaukoaN ka i kiongkan... (chite kaukoaN chin siaulian,
pi goa khah soehan e khoan) huitit in si kauiokpou
kunhunchhu koan2 e, mbian chhiuN kitha e lausu
hoanlo bo thaulou, soui i to si tiau a. Taichi iahbe soah,
hakhau hongbin kio 1e lausu ko3 i, ko i thautheh
hakhau e mihkiaN, anne esai ka ke khau 1koa chiN,
si aulai hite lausu bo anne cho. Tansi hakhau hitpeng
masi 1tit ka thoa, hou i pan lichit chhiusiok pan
chiokku long pan boe chhutlai, aulai kaukoaN chhiaN
in laupe (masi kunjin chhutsin) ui sepou kelai, in laupe
aulai kong : Na u hakhau pan 1e lichit chhiusiok pan
chiahni ku !
Koh lai kong tiannau e pouhun, inui mui 1e lausu ai
cho hengcheng, chite hakhau na beh khaihoat siaNme
hethong, tosi kio lausu cho, cho liauau koh kiaN
lausu chiong chitkoa sia ho e mihkiaN theh chau.
Ti goa lai chincheng, u 1e lang huchek kaubuchhu
e Program, kiatko hong koaN chau, i bo chiong
Program lau lohlai ( tongjian, nasi goa, goa ma bo beh
lau ), chuchiong hitelang chau liauau, 1koa Routine e
khangkhe bolang cho, paukoah teng7ki5 Backup
chuliau, kiatko goa lai chincheng, tosi chhaputto
hanka chittoaN sikan, goa siuN (kitha lang ma anne siuN)
kholeng ulang thiaukoui beh lai piN, khaihak lai hakhau
liauau hoathian kaubuchhu e tiannau tiongtok, inui bo
cho Backup, soui u 2e hakki e hakseng chuliau (
soankho e chuliau, sengchek e chuliau tengteng ) long
bo khi (tui 1e hakhau laikong, kisit chesi chin giantiong e
taichi, tansi tengkoan peng bo tih koan che ). Goa lai
chitkeng hakhau, in chin hoaNhi, chhetioh 1elang
etang lai huchek chitkoa tiannau hethong.
Goa lai e sichun, ku e Program, etang iong e to kesiok iong,
boetang iong e to kaki sia ( iong Clipper) goa na suiau
1koa nngthe, kaubuchujim to ka goa kong : Li kaki siuN
panhoat khi iong. Kisit paukoah in e tiannau kausek sou
suiong e nngthe, bo 1e si khi boe2 chengsek e pankoan,
longsi lausu kaki ui "toa7pou2thiap" koan jiplai e.
===========Kesiok=======================
From - Tue Mar 17 17:08:17 1998
Date: Tue, 17 Mar 1998 14:55:38 +0800
Subject: Khaikang 15(Ungian)
Goa ma mchaiiaN si unkhi ho iahsi unkhi bai,
goa 1997 2geh khi, tuho 4geh kauiokpou beh lai
hokcha, inui chincheng 2tang, kauiokpou u lai
phengkam, kiatko u kui e tanui bo hapkeh,
soui ai lai hokcha. Kitiong Chukoan(資管)kho
masi bo hapkeh, tuliau siatpi bo ho igoa,
hit ni, Chukoankho 1ni-a(chitkeng hakhau si 2choan)
u 5e hakseng ti kauiokpou e lang lai e sichun,
tngbin kau 1hun chuliau hou in, kong soksia
bo siochui, khopun chiN hou hakhau chiah khi....
tengteng, kiatko, kauiokpou kunpun bo chhap
chitkiaN taichi, hakhau seng ka chitkoa hakseng
ki3 ko3, bo masiong ka in thoehak, tansi tan
in 2ni e sichun, kio 1koa lausu ka in tng tiau
(chongsi u 1koa lausu goani thiaN in e, soui
chiiau u 2, 3 e lausu goani, hakseng to bohoattou a)
kiatko iahbe thak pitgiap to hou hakhau thoehak.
Inui kaubuchhu masi siu phengkam e tanui, chite
kaubu chujim khaisi kautai ti kaubuchhu e
lausu khaisi pian hoegi kiliok, to ui 2tang cheng khaisi.
Hiauheng! takni chau chiahni choe lausu, hitchun u
siaNme lausu ti chia long ma mchai, i koh chhoan
chiokchoe ki goanchupit, kio gun mai iong kang 1ki
sia.
U 1e Chukoankho e lausu, i ti Chukoankho pankongsek
cho hengcheng, i beh chhitham Chukoankho khochujim
simsi hou hakhau boe2siu, soui ti kho pankongsek pang3oe7,
kong phengkam e lang u kui e i seksai, i e kong 1koa taichi
hou in chai, kiatko phengkam hitkang, chite lausu to hong tiau
khi pat-ui. Ti kauiokpou lai chincheng, hakhau koh khui
1pai hoe, kio mui 1e lausu lai chhamka, ka gun kautai nasi
in mng siaNmeoe, li ai kong siaNme.
Gun kaubuchhu u 1e chitoan, kanna 1e, tansi kan2po3 e
chuliau sia u 2e choanjim e chitoan, goa chiah tih siuN
kong kauiokpou elang lai e sichun in beh annoa bu2?
Kiatko hitkang chinchiaN ke 1elang lai kaubuchhu
pankongsek che, i si iakanpou e chitoan.
Tansi, tosi inui kauiokpou lai, hakhau po hou kauiokpou
e lausu Chengtiamhui longsi 575/615(sitche si 430/450),
soui ma ti chite sichun Chengtiamhui u tiaucheng kelai.
=====Kesiok===========
From - Wed Mar 18 10:22:01 1998
Date: Wed, 18 Mar 1998 10:21:55 +0800
Subject: Khaikang 16(Ungian)
Takke ho.
Ti beh kong gun tui hakhau e khongcheng chincheng,
seng lai kong ho e pouhun.
Siuhong Hiong e Hongsanchhoan, hukun koh u Hongli2
(=C2=D7=B8=CC)chhoan kah Hongpheng5(=C2=D7=A9W)chhoan, hap khilai
kiochoe Hongtian(=C2=D7=A5=D0)toekhu. Kam u kamkah chite mia
chin u Jitpun bi ? Bo mtioh, i ti Jitpun sitai si 1e i5bin5
chhoan (Hoalian lenggoa 1e ibinchhoan si Kiatan(=A6N=A6w),
hitchun kiochoe kiat-ia2(=A6N=B3=A5) ), takke etang bakchiu
kheh khilai, siuNkhoaNmai ibinchhoan siNchoe siaNme
khoan, 1toaphiN e chhan, lou ma khah tit, koh u kok-hau,
iupiankio tengteng e siatsi. Hongtian ti Hoatang chhiongkok
(=C1a=A8=A6)laitoe, tangpeng si 5, 600 kongchhioh e haihoaN
soaNmeh, saipeng si 1000 kongchhioh isiong e tiongiong
soaNmeh. 1970 nitai, oa tiongiong soaNmeh chitpeng
u po2chioh8, kiochoe Hongtiangiok (=C2=D7=A5=D0=A5=C9), soui hitchun
chin laujiat, lian hi3iN7 ma u, chongsi aulai lang koh chiamchiam
soaNkhi, hi3iN ikeng kaichoe kitha e iongtou, kanna chhun
Taitonghi3iN7(=A4j=A6P=C0=B8=B0|) 4ji iahkoh ti hia. Inui choankho
hakhau siat ti chia, soui lang koh pianchoe khah choe tampoha,
(hakseng u 2000 goa lang, taikhai koh 1,2 tang, to e chhiauke
3000lang, inui hakhau na ke siu hakseng, i to than khah choe.)
Hongsanchhoan si ti Hoatang konglou e sepeng ( lenggoa 2e chhoan
ti tangpeng), hakhau ikeng ti tiongiongsoaNmeh chitpeng e
soaNkha, inui oa soaN, soui epou tiaNtiaN long e ouimthiN
iahsi lohhou, u-si-a chitpeng ouimthiN, tansi li etang khoaNtioh
haihoaN soaNmeh hitpeng e thiNteng iahkoh khoaN etioh thiN.
Nasi lohhou ke, soaNio hia e u hun5, tngtng 1tiau, nachhiuN
1tiau io-toa3, jichhiaN putsi e khoaNtioh pehlengsi banbana
pe kekhi. hakhau goakhau tosi 1tiau khoe-a2, chui chin chheng.
koh lai to long chhan, tuliau tiu7a2, ma-u cheng bokkoe,
kinchio, pu5a2,pinnng, Thamato, muikuihoe, chhiu7a2,
.... ma-u chhi hi5a2, ah-a2.
Goa toa e souchai li hakhau chhaputto 1kongli (ti konglou kah
hakhau tiongng) piN--a 1khu chhan cheng ThianTng5Chiau2
( Hawaii chhutsan e hoe), cheng elang 2, 3kang lai 1pian, chiong
khui e hoe ka lohlai thehkhi boe7.
Goa toa e thopang, amsi goakhau longsi thang5a2 tih kio e siaN,
chaikhi 5tiamthong, chiau2a2 to chha2silang (chuiau si chhekchiaua),
chhangamng goabin khoaNtioh e tosi 1phiNsoaN, na khia
khongbengchhia chhutlai, u-si-a long e hou ouchhiu kongkek.
Goa chaikhi toapouhun longsi khi chhubeteng cho thechhau, khoaN
2peng e soaN, thiaN chiaua tih chhichhichhahchhah. Nasi sikan
khah bo hiah koaN e sichun, goa si khia khongbengchhia, seh 1toalin
e lou chiah khi hakhau. Amsi nasi bo iakanpou e kho, goa masi e ti
chiahpng pa e si sinsoa khia khongbengchhia ti goakhau lau lau e,
khoaN loupiN e ia2chhau2, ia2hoe, khoaN 1koa chiaua (tongjian
msi kanna chhekchiaua kah ouchhiu). Chitsilang kau bokchian uichi,
tosi hittoaN sikan e sengoah siong songkhoai .
From - Wed Mar 18 11:42:53 1998
Date: Wed, 18 Mar 1998 11:42:46 +0800
Subject: Khaikang 17(Ungian)
Takke ho.
Ti kong khongcheng chincheng, koh ai ka
takke kong i si annoa thanchiN.
(1) Hakseng in ti khaihak e sichun ai kau chuchhehhui,
1ni-a tuiteng long ai toa hakhau, soui tui 1ni-a e
hakseng lai kong, i suiau kau sioksia e chiN kah
chiahpng e chiN. Soksia e chiN chin hapli, tansi
chiahpngchiN ... Goanlai i seng sng li siongkho
kikan toa ti chia goaku, takkang long ka li seng sng
110 e chiahpng chiN (chatng 16, tiongtau kah amtng
si 47 * 2 = 94 ) buntoe si, nasi iong hiankim khi
siauhui, chatng 15, tiongtau kah amtng 45, 15+45*2
= 105, isu si kong, 1kang hakhau hian than hakseng
5khou, kasu 1hakki 120kang (sitche siong putchi)
2500 e hakseng, 5 * 2500 * 120 = 150ban, jichhiaN
si seng siuchiN, iahkoh u lisek chiN ho than.
Kasu hakseng bo siuNbeh ti hakhau laitoe chiah
beh annoa ? Phaise, li kaki hongkhi koanli, mkoh
esai oaN laitoe hoklisia boe7 e mihkiaN (tansi ma
bo siok)
(2) chuchheh e sichun masi ai siu chupun e chiN.
Khopi kong seng siu 3000 khou, chite pan ai 5pun
chu, chiau tengke( chu-i, si tengke ) sng khilai longchong
2200 khou, soui ai thoe hakseng 800 khou, che 800khou i
e ti hakki beh kiatsok e sichun haiN li, mkoh, chit kuikogeh
i koh esai than lisek chiN.
Khopun peng msi lausu chiteng e, si tengbin elang kah
chu siong tam e, soantek khopun msi khoaN loeiong, si
khoaN chusiong simsi etang u khah choe e chiatkhau,
gun mchaiiaN sitche siong chu siong boe in goachoe,
tansi siongsin si 65chiat iha, tiongng e chiN hakhau than khi.
kasu chu chiN 1e hakseng 1hakki hou hakhau than 700khou
( iong 2000, 65chiat kesng), 1hakki hakhau than 700 * 2500
= 175ban
Bat u hakseng (iakanpou e , ti Hoalianchhi siongkho) kaki hiong
chusiong boe2 chu, chiN ma ikeng hou chusiong a, kiatko chin
putheng, chusiong chiong chu kia khi hakhau, hakhau to chiong
chu siu khilai, iaukiu hakseng na beh theh tioh chu, koh ai
chiau tengke chiong chiN kau hou hakhau.
(3) Soksia e pouhun. Nasi tutioh 3kang e kaki, in to soanpou kong
pangka cheng 1am e 10tiam icheng ai kuiN soksia, soui
mui 1e hakseng long ai likhui ( anne i etang seng tian chiN),
hakseng lian siuNbeh lau tiam chia thakchu iahsi chhittho e
koanli ma bo, iuki u toa Kimmng, Machou e, 3kang bokau tng,
bosiaN kholeng tngkhi, in chiho siuNpanhoat toa khi pengiu
tau. Soksia e mng iahsi siatpi nasi u hai khi, boesai kio goakhau
e lang siuli, 1teng ai chhe Chongbuchhu e 1e lang (si Na5Siu3Khim5
e sioti) , mng siokhoa hai khi, kuiN boe ba, hou i siuli ai 1000
goakhou.
(4) Haksengcheng nasi phangkiN, sinchheng 1tiuN ai ka hakseng theh
500khou.
(5) U e hakseng khah sanchhiah, sinchheng chouhak taikhoan, tansi
hakhau iugoan ai li seng kau chitpitchiN chiah etang chuchheh,
bochiN li kaki siuN panhoat, tan hakki kiatsok e si, chiah chiong
chiN thoehaiN hou hakseng, inui anne, koh etang than lisek chiN.
Iahkoh u chinchoe bo hapli e souchai. Chongkong 1ku, si haktiam, msi
hakhau. Lausu e pouhun chincheng ikeng kong ke. Tongjian si mna
goa kong e chitkoa mihkiaN nia.
===========Kesiok============
From - Thu Mar 19 09:07:06 1998
Date: Thu, 19 Mar 1998 09:06:55 +0800
Subject: Khaikang 18(Ungian)
Takke ho, kesiok.
Kong sitchai, chite hakhau chiong lausu hunsoaN ti
bokang e tanui, jichhiaN bo hibang takke housiong
kongoe, soui hoantui hakhau e lekliong 1khais
bohoattou chohe, goa si 1e sin lausu, in tui goa
e chengheng ma bo liaukai, ma bo kholeng tui
goa kong siaNme. Goa etang chiahni kin to
chinjip chonghong, chuiau tosi inui goa u 1e pengiu
ti hia ( taihak sitai seksai e chabou gina, chitma goa bo tui i
cho khah choe e biausia, tansi goa na i-au teng koh
chengli e sichun, kholeng e sia khah choe koanhe
i e taichi )
Hittangchun kia Resume(lulekpio) e sichun, i u ka goa
kong, u 1koa ikeng likhui e lausu, laitoe ulang si thak
hoatlut chhutsin e, in siuNbeh kiathap bokchian iahkoh
ti hakhau e lausu, laitoe e lausu siuchip chuliau, in
huchek khi chhe Liphoat-uioan, takke lai chiong chitkoa
taichi piak chhutlai. Chite pengiu ti chia te 2 tang, inui
goakhau thaulou ma phai chhe, soui i ma chin hibang
chitkeng hakhau e theche pian hou ho, i chiah etang ti chia
toa khah kutng (Chitma i ma ikeng likhui).
Soui chinchoe taichi, tuliau goa kaki koanchhat e, kah
hakseng ka goa kong e (ti chite khoankeng ha, kisit
hakseng ma mkaN oupeh ka lausu kong siaNme mihkiaN,
inui in ma kiaN lausu si oa hakhau hitpeng e, kausichun
ka in tng3 tiau. Si goa khah hotaN, kaN ti siongkho e
sichun kongtioh 1koa hakhau e buntoe, aulai to u chinchoe
hakseng ka goa kong hakhau e taichi, goa te 1 pian kah
kitiong 1pan e hakseng kongtioh chitkoa taichi e sichun,
hitchun ti tiannau kausek, in ulang soesiaN ka goa kong,
siong ho ma ti chia kong, inui hakhau u lok8iaN2 kah
lok8im, in ki2 piahteng e 1e kam3si7khi3 hougoa khoaN)
igoa, tosi goa chite pengiu ka goa kong chinchoe icheng
beh hoatseng e taichi.
Aulai, ti 3geh toe, inui hakhau e 1koa lausu ti i toa e
hia chuhoe, goa inui toa ti kehpiah, i chio goa chohe
chhamka. Khaikang e sichun, takke kongtioh hakhau
chiongchiong bo hapli e taichi, ju kong ju khi, tansi
kang sichun ma khaisi tholun beh annoa cho. Siong
tiongiau e tosi siuchip chuliau, u 1koa kah goa khah bo
seksai e, paukoah piNpiN ti kaubuchhu 1e lausu,
ma kamkah goa na e chiah lihai, lai 1kogeh to
chinjip chonghong.
Gun khaisi chhe chuliau, kaubuchhu hia to u boe chio,
gun hoathian bengbeng hakhau e kangsu chiah 70 e choiu,
tansi po khi kauiokpou e u 99e, iahkoh chiongtiamhui
tengteng e buntoe, huitit kaubuchhu hia lau lohlai e chuliau,
chiiau u kah sitche bo kangkhoan e souchai, goa long than
kaubu chujim bo ti e sichun, chhe kihoe ka in3 lohlai,
gun kaubuchhu tu-a ho u 1tai iaNinki. Chite pouhun
koh ai siokhoa kong 1e. Huntochhu si in chaboukiaN tih
koan, soui khah khunlan, gun kaubuchhu suijian ti huntochhu
tuibin, tansi goa khi hia 1hakki, jipkhi bo chhiauke 3pian,
chongbuchhu hitpeng, inui chongbu chujim khah lau, siokhoa
khah soaNheng, soui Na5Siu3khim5 i boe hongsim, tiaNtiaN
chau khi hia, jichhiaN in titi khng ti hia cho subu choutiuN,
kaubuchhu chitpeng, kaubuchujim suijian msi i e chhinchiaN,
tansi chite kaubu chujim, si chiok imthim e lang, jichhiaN
inui i siuNbeh ong tengkoan peh, soui i tui Na5Siukhim
chin si2tiong, kah chusiong kong kaukhochu e chiatkhau
tengteng tosi i cho e, i koan ekha e lang ma chin gau koan,
huitit ti kaubuchhu e lausu 1tit long u cho boe oan e
hengcheng khangkhe. Inui anne, Na5Siukhim hantit jiplai
kaubuchhu, chittiam chin tiongiau, na bo, goa bosiaN
kholeng etang in chinchoe chuliau chhutlai.
==============Kesiok================
From - Thu Mar 19 13:40:47 1998
Date: Thu, 19 Mar 1998 13:40:42 +0800
From: "Iunn Ungian, Morrison"
Subject: Khaikang 19(Ungian)
Takke ho:
Aulai, u 1e theiok lausu, i si goanchubin (Amis),
binchintong e, pat soan ke bin5i3-taipiau, i
lianlok tioh TanEngheng isu, i si Hoaliankoan
soan chhutlai e lip-ui, koh si kauiok uioan,
to khaisi tholun khui kichiahoe e taichi. Kantan kong,
gun chaiiaN boesai chhe kauiokpou, inui chiu gun sou
chaiiaN e, kauiokpou kah hakhau u kaukiat, nasi
tau5su hou kauiokpou, hakhau bo taichi, kauiokpou koh
e chiong tau5su e lang po hou hakhau chai. Soui gun
siuNbeh chhe e si liphoat-uioan, kamchhat uioan
iahsi tiauchakiok e lang, tongjian, 1 khaisi liahchoe
kah Na5siukhim toa chohe hite Chiong siansiN si
tiauchakiok chhutsin e, ma bosiaN kaN chhi tiauchakiok
chittiau soaN.
Chongsi, chiamsi ulang chhe tioh liphoatuioan, to
seng chhi chittiau soaN. Lianlok e pouhun kisit goa bo
chhut siaNme lat. Chuiau si goa tu lai Hoalian, chitpeng
peng bo seksai siaNme lang, punlai u lausu hibang
kangsichun hou kuilo e liphoatuioan lai cho, anne lianhap
hiong kauiokpou chitsun, kholeng hauko e khah ho, inui
anne, goa thauke Tan5Bun5Pin (陳文彬,Sitchian Taigiansia
e chhongsia siatiuN, hitchun tih cho Ong5thok e chouli,
Ongthok masi kauiok uioan ) Bunpin putchi jiatsim, tu-a-ho
in lupengiu KangPhekJu siochia ti "sin Taioan chapchi" cho
pianchip, soui gun chiong chuliau hou Kang siochia, aulai
ti sintaioan chapchi tengbin chiong gun hakhau e taichi po
chhutlai. Bunpin koh khansoaN, kio goa lianlok Jin5pun2
kauiok kikimhoe, iahkoh 410kau3kai2 lianbeng (chongsi
chitkoa tanui, aulai bo lianlok hose).
Aulai, 1koa lichit e lausu hoantui kang sichun chhe
chiahni choe lip-ui, in jimui lip-ui masi u giap8chek
e buntoe, soui kijian Tan isu ti Hoalian, etang ka gun
tausaNkang siong choe, soui chong hou i huchek khah
thotong. Soui goa chitpeng e konghian kanna si hou
chite siausit khan ti Sintaioan chapchi.
Hakhau e lausu siongpan sikan hun choe 2chiong,
1chiong si siong pai 1--pai 5, lenggoa e si siong
pai 2--pai 6 e ( in chite siatke goa to kamkah khah u
jin5seng3, kipun siong, 2ni-a e hakseng e kho si pai
ti pai 2--pai 6, pai 1 bo pai kho, hongpian in na u suiau
khi in thaulou esai liiong pai 1, inui si pakkhu lianchiau
jiplai e, hakseng chuiau si toa Taipak, Gilan, Thohng, Sintek)
4/12 pai 6 si kauiokpou e phengkam, koh lai hite lepai
kitiongkho, inui khochhi longsi pai 1 -- pai 5, soui
lausu pai 6 hitkang pangka, Tan5Eng2heng isu khui
kichiahoe tosi ti 4/19 pai 6 chaikhi.
4/17 pai 4 u lausu cho ho 1koa thoantoaN, tengbin taiioka
si sia : kokui tongoh, 4/19 pai 6 Tan5Engheng lip-ui beh
khui kichiahoe, li na tui hakhau u siaNme putboan, chhiaN
kha tianoe khi ka Tan5 isu hoaneng, tianoe si xxx-xxxx
Gun pai 5 tiongtau chau khi goakhau chiahpng, gun ti Siuhong
(壽豐)chhiathau hukun chiah chuchouchhan, liauau, seng khi
Siuhong chhiathau tah chittiuN thoantoaN, koh khi Hongtian
(豐田) chhiathau ( Gun hakhau tosi ti Hongtian chhiathau
saipeng 2 khilo, tansi Hongtian si sio cham, khoaichhia hantit
theng, Siuhong ti Hongtian pakpeng 4 khilo choiu, Siuhonghiong
e hengcheng tiongsim, chia si toa cham ) tah, liauau beh tngkhi
hakhau siongpan e tiongtou, tosi ti goa toa e souchai hukun, ti
konglou kah hakhau tiongng ( thihkilou masi ti konglou piN),
hia u 1keng choanmng khi2 hou hakseng toa e kong-u2
(a-pha-to), 5chanlau e, inui u 2ki tianthui, gun ma ti tianthui
laitoe tah.
Epou, koh thauke u ka3 1ni-a hakseng e lausu, chiong kuitiuN
thoantoaN kau hou in, chhiaN in theh khi hakhau soksia e
piansou tah (inui bohoattou tah ti kongkhai e souchai )
Gun ma chaiiaN hakseng chiah tu kho soah, itteng siuNbeh khi
chhittho, kholeng boe khi koansim chite buntoe, jichhiaN in
chiah ti chia 2tang, in e kamkah bo suiau khi kah hakhau tuikhong,
nabo, si5kau3 theh boe tioh pitgiap cheng3su to hiauheng.
4/18 pai 5, tah thoantoaN hitkang, tu-a-ho si goa e sinlek siNjit.
punlai pai 6 pangka, goa esai tngkhi Taipak, tansi gun bou
4/20 beh kho Hoalian suhoan hak-iN e giankiusou (aulai kongku),
soui lau tiam hia.
Amsi khi sun, kong-u2 tianthui laitoe e thoantoaN ikeng hou lang
liah 1tiuN tiau (aulai hoathian si hakhau hitpeng liah e, nabo
tosi u jiaupe-a hakseng liah lohlai kau hou hakhau ).
Chhiacham e pouhun, epou 5tiampoaN choiu u 1pan hechhia
ti Siuhong, beh tngkhi pakpou e hakseng toapouhun long e che
hitpang chhia, chhiaN hakseng tau chu3i3 e kiatko si, u lausu
(oa hakhau hitpeng e) khoaNtioh hittiuN thoantoaN, inui lang
chinchoe, mkaN khi liah hittiuN thoantoaN, soui i khia ti hia
chah8 tiau5 e, boai hou hakseng khoaNtioh.
Kong sitchai, kui-e5 kengke nachhiuN si kai3gian5 sitai
tih cho hoantui untong e kamkah. Chengkeng hite khihun
tosi anne. Chhamu e lausu taikhai 10 kuie, khah hek8sim e
chhaputto 5, 6 e, goa punsin icheng ti Taipak u khongcheng
e kenggiam, tansi goa tak lepai ai tngkhi Taipak, koh ti
hoanlo i-au thaulou e buntoe, koh si sin khoankeng ai
sek-eng3, goa kamkah goa kaki bosiaNme chiantaulat,
kitha e lausu, kunku goa sou chai long bo khongcheng
e kenggiam. 4/18 hitkang amsi simcheng chin loan,
chittoaN sikan takke liau chiahni choe sikan, mchai
miachai kichiahoe e chengheng si annoa.
===============Kesiok==============
From - Thu Mar 19 16:55:38 1998
Date: Thu, 19 Mar 1998 16:55:33 +0800
Subject: Khaikang 20(Ungian)
Takke ho, goa kesiok.
4/19 hitkang, si chaikhi 10tiam, Tanengheng ti
i Hoalian e hokbuchhu khui kichiahoe, 1e ikeng
likhui , chitma ti Chui2be2 koktiong(=B7=E7=C1J=B0=EA=A4=A4)
kachu e lausu chhutsek kichiahoe, kitha e lausu
toapouhun long bo ti Hoalian, goa khi 1e lausu
in tau. I si Hoalian lang, 2geh e sichun, inui
hakhau beh pan te 2 choan-tiong5pan, ka Lo5ui2hoe7
chheng 1koa chiN, tongjian, hakhau koh beh tui chia
than 1koa, inui si tiannau kho, in to phai 1koa
hakhau Chukoankho e lausu khi ka, 1khaisi e sichun
khuihoe, u 1e lausu ti hoegi tiong pangphau,
liauau, chhamka e hakseng u 1e tui hakhau
e 1koa taichi chhuli hongsek ma u ikian, kiatko
hakhau ngi beh ka kong tosi chite lausu khi
siantong hite hakseng, soui ansng beh ka hakseng
thoehak, jichhiaN koh ti khuihoe e sichun, hunto chujim
(2 chaboukiaN) kong : ChhiuN chitkhoan lausu,
bo chukeh tiam hakhau cho lausu ! Punlai ansng beh
ti hoegi tiong koatteng beh ka chite lausu si5 tiau,
chite lausu chincheng thiaNtioh hongsiaN, ma
khaisi tih khoan pauhok-a , mkoh hoegi tiong, chite
lausu to iong hoe sitle e thaitou, kong che kholeng si
gouhoe.... tengteng e oe, aulai chiah bo taichi.
Kichiahoe khui e sichun, goa to ti hite lausu in tau.
I u chhinchiaN ti Hoalian cho gi7oan5, jichhiaN
u seksai 1koa kichia. Sitche siong, ti chia bo cho
siaNme taichi, chia teng2u5 si 1e lianlokcham,
chhamka kichiahoe hite lichit e lausu to thauke chite
lausu in tau e tianoe cho lianlok.
Kichiahoe u thoa, gun punlai hibang Taipak e 1koa
muithe, paukoah TVBS tengteng ma etang lai, chongsi
in peng bo lai, kanna chaitoe e posia, iusoaNtiansitai
e kichia lai. 10:30 choiu chiah khaisi, khui bo goaku,
aulai koh houlang hipsiong, mng buntoe, to kiatsok
a.
11:50 choiu, chhamka kichiahoe e lausu kha tianoe lai,
iok kong beh chohe chiahpng, jichhiaN i kong, i pengbo
khoaNtioh hakhau hitpeng ulang chhuthian. Kichiahoe ti
Hoalianchhi, gun iok ti hakhau hukun chiahpng.
Gun kolang sai kaki e chhia, chite lausu kholeng siuNsiuN e
bosiaN tioh, soui be--a i peng bo lai, goa chunsi kau,
te 1 pai kah chite chhamka kichiahoe e lausu kiNbin.
Koh lai lenggoa 1e lausu ma u lai chiahpng, i tosi kah
Tanengheng lianlok e hite theiok lausu, inui i chhamka
binchintong, hakhau kah kokbintong e koanhe
chin ho (2 chaboukiaN si "kekbeng sitchian giankiu iN
chhutsin e )soui i punlai to chin ou a, tansi chhiuN chitchiong
lang hakhau ma mkaN titchoe i, soui bo ka i si5 tiau7.
Longchong gun 3elang ti hakhau hukun e mi7tiam3a2
chiah : chhamka kichiahoe hite ikeng likhui e lausu,
theiok lausu, kah goa 3e.
Chiah bo goaku, u 1e hakseng jiplai boe2 mi7 beh
chah tngkhi chiah, i si iakanpou e hakseng, tansi
jitsi ti huntochhu cho chit-oan, i jiplai boe2 mi7,
sinsoa kah gun chitkoa lausu sio chiohmng, lenggoa
2e lausu long pat i, tansi goa kanna khoaNke i,
kah i peng bo sek.
Chitchun goa to khaisi kamkah koaikoai, inui hitchun
ikeng chhaputto epou 1tiam, nasi bo taichi, engkai boe
chite sichun lai boe2 mihkiaN chiah tioh.
Aulai, goa tngkhi khun tau, siuNkong thiam chiahni
choe kang, seng hiohkhun 1e, epou 4tiam ai koh
chong5 khi Hoalian chhiathau chai3 gun bou.
Goa tiampoaN khun, 2tiam choiu, hionghiong ulang lai
chhih tianleng, goa insiaN, kiatko kengjian si gun
kaubuchujim , kio goa kin ka i khuimng.
Aulai goa chiah chaiiaN, goanlai hakhau e lang u khi
kichiahoe, tansi si ti goakhau, in beh kamsi hite
chhamka kichiahoe e lausu, liauau i saichhia lai chiahpng,
in ma saichhia te3 i aupiah( kichiahoe hiantiuN kau chiahpng
e souchai chhaputto ai sai poaN tiamcheng), tan kau i
jipkhi mi7tiam3, gun 3elang si bo kang sicchun jipkhi e,
theiok lausu kholeng in chaiiaN, tansi goa si khachiahphiaN
tui mng5, soui kholeng in mchaiiaN goa si siaNlang,
chiah kio hite iakanpou e hakseng jiplai khoaN.
Khakteng si goa liauau, thongpo e hakhau, inui goa si
kaubuchhu e, in kau hou kaubuchujim chhuli, kaubuchujim to
toa ti goa hia hukun, tansi i mchaiiaN goa toa to 1keng,
uitioh che, i kha tianoe khi Taipak, Gilan, khi chhe
kaubuchhu kitha e lausu, mng goa toa ti toui, jianau
to lai chhe goa.
From - Fri Mar 20 09:12:20 1998
Date: Fri, 20 Mar 1998 09:11:51 +0800
Subject: Khaikang 21(Ungian)
Takke ho .
Goa hitchun sitchai si thiam kah beh si, chongsi simlai
iu2sou3, chaiiaN kaubuchujim beh chhong siaN.
I mng goa chaikhi u khi toui bo ? Goa iothau, i koh
mng goa tiongtau khi toui chiahpng, goa to kong khi
konglou piN e mi7tiam3, i koh mng goa u tutioh
siaNme lang, goa to kong u theiok lausu kah 1e
ikeng likhui e lausu. I koh mng goa in u kong siaNme
bo, goa to kong, goa jipkhi chiahpng, khoaNtioh
theiok lausu, goa to kah i che chohe, aulai lichit hite
lausu lai, inui theiok lausu pat i, to takke che chohe,
to kanna khaikang nia.
Goa tiNchhiN, ka i mng kong chaikhi Hoalian kam u
hoatseng siaNme taichi, i punlai bo beh ka goa kong,
i ittit kong i jimui goa chin koai, na-e kah in chitkoa lang
tautin ? Goa to kiat 1e chin bu5kou e bin7, mng i tautoe
hoatseng siaNme taichi, i aulai chiah ka goa kong, u
1koa lausu beh phohoai hakhau, ti Hoalian khui kichiahoe.
I hoaigi goa uisiaNme bo tngkhi Taipak, goa kong si
inui gun bou beh lai. I koh mng goa uisiaNme chau khi
konglou hia khi chiahmi, bo ti chia hukun chiah ? goa
kong goa tiaNtiaN chiah chuchouchhan, 1poaNpai-a
siuNbeh oaN 1e khaubi, i koh mng goa annoa khi, inui
goa e chhia bo theng ti konglou piN, goa ioh in peng bo
khoaNtioh goa sai chhia, soui kong si khia khongbengchhia,
(inui nasi saichhia khi hitkeng mi7tiam3, sitchai si u
khah ham. )
I khan chin choe, aulai ka goa kong theioksek u 2e lausu,
kio goa mai kah in chohe, goa to kong, kinajit tutioh chite
theiok lausu si Amis e, goa tui goanchunbin buntoe khah
u chhubi, u-si-a chin siuNbeh kah i khaikang, anne kam
boesai ? I to kong, na anne, ti hakhau khaikang to ho,
hapan i-au mthang chohe. I koh kong i si ui goa ho,....
Kong kau be--a, i to kong, e lepai 1 nasi hakhau u ka li
kio khi mng, li to chiau3 sit8 ka in kong, kitha e, goa e
thoe li hiong hakhau kaiseh.
I ti chia kong 1tiamcheng choiu, liauau chiah likhui.
Takke kholeng e kamkah chhiokhe, goa long ikeng 30
kui he3 a, kengjian suiau i lai ka goa kong, boesai kah
to 1e lausu laiong. Mkoh, hia e khihun khaksit tosi
anne. I jiplai liauau, kisit ittit siuNbeh
khi goa 3F e pangkeng, goa to kong hia siuN loan,
tiam khehthiaN to ho, hokachai, inui goa pangkeng laitoe
1koa siuchip lai e chuliau long khng hianhian, nasi
hou i khili, sui e hou i chang--tioh.
UisiaNme i bo siongsin goa e anne choe3 ? Kong sitchai,
suijian goa ikeng chaiiaN chinchoe taichi, chong--si,
goa chiah lai hakhau bogoaku ( hitchun iahbo moa 2kogeh)
jichhiaN goa ka hakhau sia Program, tui hakhau sng si chin
u pangchou ( inui goa simlai ikeng chhengchho, goa na beh
ti tiannau tengbin piN3, ma e tan goa likhui i-au, nabo, masi
thiam kaki ) soui goa khaksit u thiaukang piaubin siong
chng choe3 chin hapchok e khoan, hou in jimui goa bo siaNme
buntoe, anne goa ti kaubuchhu beh iaNin 1koa chuliau ma
khah lipian (u e lausu hou hakhau liat ti oumiatoaN
laitoe, beh iong iaNinki kunpun si bosiaN kholeng, in na
khoaNtioh i iong to e ka choutong, ka i chhe mahoan )
Tongjian, chite sichun lausu e lekliong iahkoh bo chiptiong,
chinchoe lang mkaN, susit siong, tu khaisi cho, khaksit ma
bo chhengchho to 1e lausu khia ti lan chitpeng, kanna etang
iong chhitham e hongsek.
te 2 kang, 4/20 lepai, goa khi peng pochoa, putchi-a sitbong,
suijian kichiahoe e siausit u khan chhutlai, chongsi long si
khan ti toehng pan, peng bo chiuN choankokpan.
===============Kesiok==================
From - Fri Mar 20 13:37:26 1998
Date: Fri, 20 Mar 1998 13:35:16 +0800
Subject: Khaikang 22(Ungian)
Takke ho.
Suijian si toehng pan e pochoa u khan nania, mkoh
tui hakseng lai kong, anne to ikeng hou in chin
hoaNhi, hoaNhi ulang etang thoe3 in chhut 1khaukhui.
Goa tongjian e liiong gun kaubuchhu e iaNinki in
chitkoa pochoa chuliau, thauthau-a pun hou 1koa
hakseng, aulai, mchaiiaN si to 1e jiatsim e
lausu iahsi hakseng, ti amsi e sichun chiong
pochoa e chuliau iaNin khng ti mui 1keng kausek,
soui te 2 kang chaikhi lai siongkho e hakseng
u kihoe khoaNtioh, simchi u e pan tih siongkho
e sichun, hakseng chiong chuliau thoan lai thoan khi,
hakseng long chiok hoaNhi e.
Hakhau hitpeng peng bo koh ka goa kio khi, tansi
in khaisi siuNbeh chha tautoe si siaNlang cho e,
aulai u 1e lausu i chin putheng, inui i pun
pochoa chuliau hou kitha e lausu khoaN, soah hou
1e jiaupea lausu po hou Na5siu3khim5 chai, kiatko
chite lausu to hong kio khi, Na5siu3khim5 ai i sia
hoe2ko3su, i mkheng, hakhau to kio i si thaulou,
aulai i kaki si5 (nasi li mgoani si, in masiong
e khui 1e kau3pheng5hoe7, kong chite lausu u siaNme
souchai mtioh, kangkhoan beh ka li kai2pheng3 )
Sitche siong, chite lausu peng bo chham-u, soui i
khah soe. Buntoe si, i aulai sutoeha koh kah
Na5siu3khim5 chihchiap, kholeng koh ka i bit-ko
siaNmelang e khoan, soui u kesiok hou i ka3, to
hou i tiam iakanpou kesiok ka3, chuchiong i koh
tngkhi iakanpou ka3, gun chiah hoathian, i chittoaN
sikan kah gun khaikang, long siuNbeh ui gun chia
chaiiaN 1koa taichi. Gun punlai siuNbeh ka i
tausaNkang, i na m kamgoan, siuNbeh chhiaN TanEngheng
isu koh khui 1pai kichiahoe lai ka i peng5hoan2,
chong--si i kaki boai, soui gun to bo ka i
tausaNkang.
UisiaNme i bo ai, che engkai si u goanin. Icheng
pat u 1e kaukoaN masi boesong hakhau e chokhong,
to si5 thaulou. Nasi kanna si5 thaulou si kantan,
tansi i koh kongkhai ma7 hakhau, i e hatiuN si,
Na5Siu3khim5 uhoattou hou i bohoattou ti Hoalian
chhe tioh thaulou.
Koh u lenggoa 1e theiok lausu, siN Lim5, i khah ai
lim chiu, u 1pai, i lim chiu lim soah, ju siuN
ju boe song, to kha tianoe khi kaubuchujim in tau,
ka kong : li ka goa khah soeji 1tiam, mthang hiahni
hiaupai. Hitchun kaubuchujim si kiaN kah beh si,
to ittit kong, Lim lausu ma ka i kong siaNme taichi
bo engkai bo engkai.
Hakhau liah tioh chite kihoe, to koh khaisi pangoe
ai Lim lausu sia hoe2ko3su, i tongjian mkheng, koh
khah hai e si, u 1kang hapan esi, Na5siu3khim5 khia
ti "Shoa kha" hia ka chhiN, i ma ka chhiN tngkhi"
chitsiaN phai phang.
Ke kuikang liauau, hakhau to koh khui 1e kauphenghoe
(kauphenghoe e sengoan tongjian msi iong soan e, si
in kaki chiteng e, laitoe u 2, 3 e lausu, inui tu lai
e sichun khoaNkhilai koai koai a, soui u ti kauphenghoe
e miatoaN lai, tansi lekliong kunpun bo kau.
Chitpian khui kauphenghoe, chhamu khongcheng e chitkoa
lausu inui ikeng khah u kenggiam a, soui u chhoan
lok-im ki jipkhi. hoegi si hautiuN chuchhi (hautiuN
si kale-ang-a) kaubuchujim kong kah baksai lau baksai
tih, kong i amsi hou chite Lim lausu khionghat, hai i
tak kang long siu7tioh8 siNmia e uihiap, lian in
boukiaN e anchoan ma hou i chin hoanlo. aulai koh u
1koa lausu ma chite lausu, koh kong 4/18 kong-u tianthui
laitoe e thoantoaN si Lim lausu tah e ( khakkhaksitsit si
goa tah e, bo khi 1tiuN goanlai si in lau khilai beh
cho chengku e, suijian Lim lausu si gun chit peng e,
tansi tah thoantoaN hitkang i peng bo chhamka ), koh
ulang kong i siongkho bo jinchin ...tengteng.
Liauau to beh tauphio koatteng simsi beh khaitu chite
lausu, suijian si bo ki3mia5 e tauphio, tansi li sia
e sichun long si ti toh-a-teng, li beh hoantui li beh
chanseng patlang long khoaN e tioh, soui u kui e lausu
, suijian siuNbeh tau hoantui phio, tansi kiaN hakhau
e chhe in mahoan, to tau chansengphio.
Tauphio e kiatko si 6phio chanseng, 3phio hoantui,
thongke ai i 1kogeh ilai likhui hakhau.
Chite hoegi, peng bo thongti Lim lausu khi. Che si
5geh ha7sun5 e taichi.
======Kesiok====================
From - Sat Mar 21 09:39:21 1998
Date: Sat, 21 Mar 1998 09:39:13 +0800
Subject: Khaikang 23(Ungian)
Takke ho.
Aulai, gun kesiok phahpiaN, thauke binchintong hite
theiok lausu (siN Li2), i khi chhetioh Hoalian suhoan
hak-iN 1e kausiu, i si Hoaliankoan kau3kai2hoe7 e
sengoan, i hia u chinchoe kitha koanchhi senglip
kausuhoe e chuliau.
U chitkoa hianseng e chuliau, tui gun e pangchan
khaksit chin toa, inui chinchoe bunkiaN tosi kanna
piautoe kai 1e, to cho ho a, chittoaN sikan, gun khui
chinchoe hoegi, annoa khui ? Gun 1 khaisi uitioh
mai hou hakhau hoathian, long soan ti hapan liauau
sai chhia khi Hoalianchhi chiahpng sinsoa khuihoe,
saichhia e sichun koh boesai chohe sai, inui hakhau
ikeng tih chu-i 1koa lang, nasi u siaNme khah teksu
e tongcheng, in e saichhia te3 aupiah, soui gun bokang
sikan, kiaN bokang lousoaN, u-e thiaukang seh hng lou.
Tan kau khah aulai, hoathian hauhak ikeng bochaitiau
choutong gun a, chiah ti hakhau hukun bou 1e lausu toa
e souchai chuhoe.
Theiok e Li lausu i koanchenghu hitpeng ma u seksai e,
soui pan hengcheng e chhiusiok ma khah kin, gun 5geh tiong
choiu khaisi tiupi, chuliau 6geh chhoe chhoan hose,
6geh hasun to soanpou senglip.
5geh toe, hakhau koh hoatseng lenggoa 1kiaN toa taichi.
chitkeng hakhau 2choan pouhun u 7 kho, 5choan pohun
1 kho, chuiau si 2choan, chincheng u thekhi, 1ni-a itteng
ai toa hakhau ( bat u hakseng, suijian in tau toa ti Taipak,
taisi akong ama toa ti Siuhong, soui siuNbeh sinchheng
toa goakhau, hakhau putchun, inui anne hakhau to boetang
than i e chiN, na anne houkhau na chhian lai chia kam esai ?
hakhau masi kong boesai, itteng ai moa 1tang chiah esai)
2ni-a chiah esai toa goakhau, takke tongjian long ma
soantek beh toa goakhau.
Hakhau taikhai si hibang etang koh than khah choe chiN,
soui chit hakki koh koaNkin beh khi sin e soksia, pengchhiaN
iaukiu chitma 1ni-a, beh seng 2ni-a e hakseng, e hakki
long ai toa soksia.
ChitsiaN hakseng kintiuN a, te 1, soksia iahkoh tih khi,
jichhiaN uitioh koaN kangtheng, chinchoe kehkeng longsi
iong pang-a keh e, msi kou ammngthou e, jichhiaN punlai
4e lang e pangkeng beh chiN 6elang.
Hakseng sikoe siuNpanhoat, aulai hoathian, hakseng
chhiuchheh sia chin chhengchhou, 1ni-a ai toa hakhau,
2ni-a esai tiam goakhau toa, hakseng e taipiau (kho hak-
hoe e kanpou ) to khi ka kaukoaN mng, siuNboekau
kaukoaN 1ku : hakseng chhiuchheh suisi etang siukai a!
to ka in sak tngkhi a. Uitioh che, huntochhu koh masiong
kongpo 1 e siausit, chuiau tosi kong, sin hoat na chhutlai,
ku hoat to bo chunsng ( tosi hakseng chhiuchheh tengbin
sia e hittoaNoe ) in tiam hakhau 1tang, chongsng etang
ti sengoah siong bian siu hakhau e khongche (soksia,
3tng ), kiatko siuNboekau hakhau bu chite chhutthau.
==============Kesiok===================
From - Tue Mar 24 11:52:47 1998
Date: Tue, 24 Mar 1998 11:52:41 +0800
Subject: Khaikang 24(Ungian)
Takke ho.
Ti 4/19 Tanengheng e kichiahoe liauau, gun ma hibang
hakseng etang khia chhutlai. 1khaisi gun si hibang
2ni-a khia chhutlai, inui nasi 1ni-a e khia chhutlai,
putkoan u sengkong bo sengkong, i iahkoh u 1tang e
sikan ti hakhau, anne, hakhau beh annoa tuihu i
sitchai boe ansng. Tansi, 2ni-a beh annoa tintang ?
5geh hasun pitgiapkho liauau, inui bian koh siongkho,
toapouhun e lang long ikeng tngkhi, in ai khaisi
chunpi koh khochhi ( 2 ni5che3 kisut hak-iN) iahsi
chhe thaulou, na ti pitgiapkho chincheng, takke e
siuNkong, tihbeh 2tang e sikan to anne thunlun2
kekhi a, na koh beh jia chite mahoan, kausichun
theh bo pitgiap chengsu. Khaksit u 1koa 2ni-a e
siuNbeh u tongchok, tansi 1e tongchok chisi cho
hosng e, tosi niatioh pitgiap chengsu liauau, cho
1koa phohoai seng3 e taichi, kisit tak8ni5 long anne,
inui hakhau laitoe u kamsikhi (Monitor), soui in
longsi ti jiplai hakhau e lousiong phunchhat ma7
hakhau, ma7 Na5siu3khim5. Susit siong, khah kaN cho e
hakseng toapouhun long bohoattou masiong pitgiap,
kholeng ai koh pou siu hak-hun ( in 1e hiohjoah pan
4 ki e su2siu, anne etang than chinchoe chiN,
kaubuchujim pat ti tengni e hiohjoah cho 1e thong2ke3,
thong2ke3 to 1e lausu tng3 goachoe hakseng, cho 1e
pai5hang5png2, nasi bo tng hakseng iahsi tng bo kui2e5
e lausu, i to e kong chite lausu bo kauiok e liliam )
1ni-a soksia e taichi, tisu in siuNbeh khia chhutlai
khonggi, tui gun laikong putchi-a i3goa7, gun kah 1koa
hakseng kanpou tholun, chhiaN in ai chiong 1koa khah
khu7the2 e soukiu chengli chhutlai, jichhiaN ka in
kong in e chhu2keng3, hibang in kaki ai chhengchho,
simsi beh khonggi, chhiaN in kaki lai koatteng.
In koatteng beh khonggi, koh lai e buntoe si : siaNme
sichun ? soksia e taichi hoatseng ti 5geh toe2, ansng
beh khonggi e si ikeng si 6geh chhoe, 6/15 lepai si
hau7kheng3, liauau koh ke kui2kang to ki5be2kho2,
ki5be2kho2 liauau to pangka. Nasi hau7kheng3 hitkang
lai khonggi, inui goakhau ulang e lai, soui kholeng
khah u hauko, tansi katiuN ma e lai, kholeng katiuN e
iaukiu in e gina mai chhamka khongcheng, jichhiaN
lang choe, tiuNbin khah loan, kholeng ma khah phai
chiong2ak. Aulai koatteng beh ti 6/11 pai 3 chaikhi,
inui hakhau beh liiong chite sikan cho hau7kheng3 e
chhai2pai5(u7ian2), chite sichun 2ni-a ikeng bo ti hakhau,
1ni-a e hakseng, ma boesai siuN cha ka in thongti,
ibian kausichun u jiaupe-a, hakhau hongbin iusou chunpi.
6/9 pai 1 si 5jitchoeh (toanngouchiat), hitkang amsi
hakseng chiah koatteng ai 6/11 khongcheng. Beh khaisi
chunpi mihkiaN, lokimki hakseng chhoan, maikhu gun
tausaNkang, pehpoutiau, iong phe7toaN ... (chia si chngkha
souchai, mihkiaN khah phai chhoan, jichhiaN ma kiaN
tongchok siuN toa inkhi hakhau e chu3i3 )
6/11 cheng 1am e poaNmi, chitkoa kanpou khaisi tiam
soksia laitoe thongti kitha e hakseng.
6/11 chaikhi 7:20 si tak lepai kouteng e seng-ki5
tianle, 8tiam liauau, kio hakseng seng hiohkhun 1e,
chunpi 8tiampoaN beh khaisi chhaipai. Soanpou takke
seng hiohkhun 1e e sichun, u 1epan e hakseng seng oa
kekhi sulengtai, hoah khonggi! khonggi! Chite sichun,
kanpou khaisi iaukiu takke chichhi, ai lau lohlai.
Hitkoa oa hakhau hitpeng e lausu (chuiau si kho chujim,
1koa choutiuN, chujim )tongjian kin kio hakseng likhui,
aulai hakseng che lohlai, gun chitkoa lausu khiam ti
goabin, inui che si hakseng e khongcheng, gun boesai
chite sichun to kah in chohe khonggi.
From - Wed Mar 25 09:15:12 1998
Date: Wed, 25 Mar 1998 09:14:45 +0800
Subject: Khaikang 25(Ungian)
Takke ho.
Hakseng khaisi khongcheng, chesi ti hakhau laitoe e taichi,
goakhau e lianlok, tosi gun lai huchek. Khongcheng khaisi
chincheng, ikeng u lausu lianlok Hoalian e muithe, soui
poaNtiamcheng liauau to u kichia lai, chittiam putchi-a
tiongiau, inui chitkoa hakseng bo khongcheng e kenggiam,
tu khaiai kholeng chinchoelang long e kiaN, u kichia lai,
in e kamkah hakhau to khah mkaN tui i annoa. Susit siong,
lausu chitpeng masi ulang chin kiaN, goa si lau7sin5chai7chai7,
huitit keke si mai cho nania, bo siaNme thangho hoanlo.
Kauiokpou hitpeng, si lenggoa 1e lausu huchek, i si Taitai
Longgiap kengchesou e phoksu, kinni 4geh chiah jiplai
hakhau, inui i icheng pat ti chenghu kikoan cho ke taichi,
i seksai Gou5kiaN e pisu, soui hakseng khongcheng iahbe
chhiauke poaNtiamcheng, GoukiaN to chaiiaN a, i cheksi
phai 1e ki3chitsu(技職司) e khotiuN che huihengki lai
Hoalian chhuli chitkiaN taichi.
Tongjian gun ma lianlok Tanengheng, tansi i lang ti Taipak,
i kong, nasi khongcheng kau te 2 kang (6/12 pai 4) anne i
itteng e koaN lai.
Inui gun hakhau e jipkhau kanna 1e, hakhau hongbin masiong
iong kiauchhia chiong thaucheng e lou hong si, hou kichia
boetang saichhia jiplai. Keng2oe7 koh chiong hakhau toamng
kuiN khilai, aulai kichia ui kau-a2 thiau jiplai hakhau,
kiatko kengoe koh jiok kelai beh phah kichia, chite kutong
ma inkhi kichia chin toa e putboan.
Gun ti goakhau ma chin boeng, chincheng gun beh chhamka
kausuhoe e lausu, long u seng kau 1koa chiN, gun to iong
chitkoa chiN boe2 khong3choaN5chui2, chhiaN hakseng theh
jipkhi khongcheng e hiantiuN, oa tau3 e sichun, khaisi
ouimthiN, goa koh kio 2ni-a e hakseng (chhamka su2siu e
hakseng) khi goakhau boe khinpian hou7saN, huitit chiah hukun
e kamatiam, chhiaukipchhitiuN, chiiau u khinpian hou7saN to
chong kheng5.
Na5siu3khim5 kah in 2chaboukiaN longsi sai hakhau boe2 e
VOLVO e chhia, chaikhi khaisi khongcheng liauau, in tongjian
long m chhutbin, Na5siu3khim5 i kin kio Chiong siansiN
(tosi kah Na5 khun chohe hite) sai VOLVO e chhia likhui
(piausi Na5 u taichi chhutkhi) sitche siong i bih ti
hengcheng toalau taitoe, inui beng5gi7 siong taipiau
hakhau kah hakseng kouthong e si hautiuN, buntoe si hautiuN
si kale, boetang cho siaNme koatteng, soui ai putsi chheng2si7
Na5siu3khim5.
Khongcheng khaisi bo goaku, ti kichia iahbe lai e sichun,
hakhau to kha tianoe kio chia e phaichhutsou e kengchhat
lai, kengchhat sui kau, mkoh che gun cha to u chunpi, inui
gun ikeng u kah chong2 kau3koaN u lianlok, kengchhat lai
e sichun, chong kau3koaN to chhutbin, kong chesi hakhau e
taichi, chhiaN kengchhat siansiN mai koan, kengchhat ma
siokhoa chaiiaN, soui sui sai kengchhatchhia likhui.
Chong kau3koaN ma iaukiu kitha e kaukoaN ti khongcheng hiantiuN
thai7beng7, tansi tuhui u chonghong, mai kansiap hakseng.
hakhau koh kio mui 1e kho chujim khi giu in e hakseng
tngkhi kausek siongkho, koh kio in ka hakseng kong,
na bo tngkhi siongkho, hakhau beh iong khong3kho3
chhuli, kausi e ki3ko3 (chite hakhau tiaNtiaN iong
ki3ko3 e hongsek tuithai hakseng, beh annoa siau-ko3,
tosi (1) lotong hokbu, sau piansou, chengli hoepou tengteng
(2) koan 1koa chu hou hakhau, anne kauiokpou pouchou hakhau
boe2 chu e chiN koh etang chiah lohlai ) Kiatko hakseng
tongjian bo hiulan in.
From - Thu May 07 14:01:07 1998
Subject: Khaikang 26(Ungian)
Takke ho, chin ku bo kong goa e kousu, inui sitchai si
khah boeng. Chitkuikang gun thauke bo ti leh, soui esai
thaukhui 1e. Goa kesiok kong ti Chengchiong siongchoan
khongcheng e taichi.
===================
11 tiamgoa e sichun hakhau chitpeng phai hautiuN
Tong5Iu3hoa5(唐幼華) kah toeha hoeke chujim
Pou3To7tong(傅道東)( inui chite "hoeke chujim kanna
kochit pitgiap, kunpun bo chukeh cho chujim, tansi
lang chin kankhiau, Na5Siu3khim5 putchi-a himsiong i ,
koamia hoeke chujim e si Tamkang taihak 1e kausiu,
kiochoe Lou5chiau3tong5 (盧照堂), hongsiaN kong
si i ka3 Na5siu3khim5 annoa nng hoatlut e khangphang
lai than hakseng kah lausu e chiN, gun long mpat khoaN ke
chit e chujim) Inui hautiuN beng5gi7 siong taipiau
hakhau, tansi kiaN i chhutchhe, bo soeji khi tapeng
hakseng siaNme iaukiu, soui phai Pou3 siansiN khi.
1khaisi, hautiuN iaukiu hakseng phai taipiau jipkhi
hengcheng toalau laitoe che lohlai kong, hakseng
tongjian hoantui, inui chaiiaN anne to khah e hong so
tiau. Aulai hautiuN bo koh kianchhi.
Hakseng seng thechhut 1koa buntoe, hautiuN kanna
ehiau kong "Lin na esai uihiap hakhau" chitlui e oe,
kongoe siokhoa tihtih tuhtuh, tianto toeha hoeke chujim
khah chaiiaN annoa phian hakseng, in chongsi u in
kaki chunpi ho e konghoat.
Bo kiatko, inui hautiuN mkaN tapeng hakseng e iaukiu,
hakseng ma kamkah toeha hoeke chujim bo chukeh
kongoe soui boai chhap i.
Oa2 tau e sichun khaisi lohhou, mkoh hakseng kesiok
ti chhautiuN.
Epou 2tiam choiu, Kauiokpou kichitsu(技職司) e
khotiuN chongsng kauui, hou hakseng hoaNhi 1e.
kantan kongoe liauau, hakseng kongchhut in e
soukiu, chongsi chite khotiuN nachhiuN bosiaN
louiong, i kong ai koh giankiu khoaNmai, anne
beh na etang kaikoat buntoe ? Aulai ikeng thoa kau
5tiam, hakseng chitpeng koatteng kesiok khongcheng,
seng likhui chhautiuN, laikau kausek e laukha,
pengchhiaN koatteng an amsi 6tiam khaisi, hunchoepan, chiong hakseng hunchoe 4pouhun, 6tiam kau 9tiam
te 1 pan, 9tiam kau 12tiam te 2 pan, ittit lun5 kau
te 2 kang chaikhi 6tiam.
Chitkang e am3po3 ikeng chiong siausit khan chhutlai,
u chiuN7 choankok pan2, lian Tai5si7 ma u po chhutlai,
suijian te2te2 kui biocheng nania, chongsi hou gun chin
hoaNhi, inui icheng siongchoe masi kanna kau toehng pan
e pochoa nia. Tiong-si7 e ia7soaN3 sinbun ( amsi 11:30
e ) koh u chiong amsi e khongcheng chengheng poto chhutlai)
Lenggoa, chit e kauiokpou e khotiuN, i punlai siuNkong
esai tngkhi Taipak a, kiatko hakhau sang i khi huihengki tiuN,
i kha tianoe ka kauiokpou poko, GoukiaN e pisu ka i
kong :" Taichi kaikoat liauau chiah etang tnglai !" Hai i
chiho chhe lukoan toa lohlai. Chite sichun, gun ikeng chaiiaN
Kauiokpou chhu3tiuN(次長) Li2Kian3Heng(李建興) miachai
e kelai.
From - Thu May 07 15:15:12 1998
Date: Thu, 07 May 1998 15:15:11 +0800
Subject: Khaikang 27(Ungian)
Takke ho :
Amsi, hakhau koh kio khochujim lai uihiap hakseng,
kong na kesiok lohkhi to beh ka in tng tiau.
Te 2 kang , 6/12 pai 4, inui kengke 1kang, hakseng
chitpeng ikeng khah u kenggiam, soui in khah uhoattou
in2chhoa7 cheng7che7 e hakseng e cheng5su5. Chaikhi
hakhau long bo phai lang lai kah hakseng kouthong.
Lausu chitpeng ma 1tit tih lianlok, chuiau si lianlok Tan5
Eng2heng lip8ui2.
Kesiok tih lohhou, mkoh 11tiam choiu, goakhau u 1keng
mi7tiam3 e thauke sang 1thang kiuNthng lai. Kui
12tiampoaN choiu, Li3kian3heng lai a, tongjian si hakhau
saichhia khi kitiuN chai3, soui chite sichun, Na5Siu3Khim5
ma poe5 i chohe chhuthian.
Likianheng khaksit si koaNtiuN chhutsin e, ma chin u kenggiam,
i suisi ka hakseng kong chinchoe oe, kong kauiokpoutiuN Gou5kiaN
ikeng chaiiaN hakseng khilai khongcheng, jichhiaN chin tiongsi,
soui phai i lai, i pocheng e hou hakseng moa2i3 e taphok chiah
e likhui, koh 1tit kong hakseng chin sinkhou, goani anne lamhou
lai khongcheng, tattit khimphoe , kauiokpou 1teng khekkoan,
boe khia ti hakhau chitpeng, hakhau nasi u bo thotong e souchai,
1teng e iaukiu hakhau kaichin... tengteng e oe.
Liauau, to khaisi iaukiu hakseng simsi etang jipkhi hengcheng
toalau laitoe che lohlai kong. Hakseng tongjian bo goani, i kong
kuilopian hakseng long bo tongi i chiho hongkhi.
Hakseng phai 1e lang kong in e soukiu, inui kengke
1kang, hakseng ikeng u chunpi, soui i e kongoe boesu
icheng tong2goa7 sitai iankang anne, 1chhut lian 1chhut
lohlai long bo leng2tiuN5, takke si 1tit phahphoka ,
khiati tengbin e Na5siu3khim5 kah Tong5iu3hoa5 bunsek
si chin phai khoaN. Kong soksia e buntoe, kong chuchheh
boe2chu, siu chiahpng chiN e buntoe, kong oaN pan 1tiuN
haksengcheng 500khou ... tengteng e buntoe, kitiong goa
insiong siong chhim e 1kuoe si : " Chhu3tiuN2, li chau ke
hiah choe keng hakhau, li kam u khoaNke to 1keng hakhau
soksia pi kausek khah choe e ? "
Li2Kian3heng chinliong khia ti chanseng hakseng e liptiuN,
mkoh 1poaNpai-a ma e kong " Hakhau senglip bo kuitang
(8tang), pan hakhau chin sinkhou, hibang hakseng ma ai
theliong chhong3pan7jin5 e khousim "
1tiampoaN choiu Tan5eng2heng lai a, gun chiah hongsim a,
inui kau chite khamcham, to mkiaN e hou Li2Kian3heng so
tiau a.
Tanengheng kong i icheng thak Kohiong ihak-iN 4ni esi,
inui sia 1phiN bunchiuN phoepheng hakhau, hou hakhau
thoe3hak8, kengke 15tang liauau, hakhau iong
"kiatchhut hau7iu2" e beng5gi7 iauchhiaN i tngkhi iankang.
I kong chinchoe i tui kauiok e liliam kah thaitou, goasiuN
hakseng khaksit chin etang chiapsiu i e liliam, inui i ti kongoe
e tiongng, ma u iaukiu hakseng piautat in e siuNhoat, hitchun
to u hakseng iaukiu hitkoa changam uihiap in e khochujim
chhutbin lai soatbeng, kong kau chia e si, hitkoa khochujim
long phiN-a mou3--leh kiaN likhui hiantiuN, chite sichun Tanengheng
ka hakseng kong, kekhi e taichi to chun soa, chitma chiiau
hakhau goani kaichin, hibang hakseng etang hou hakhau
chite kihoe.
Aulai tutjiankan u 1e lausu, i ti Huntochhu, long koaikoai-a
mkaN kong siaNme, tansi kholeng si cheng5su5 hou kuie
khihun enghiong soui i chio 1koa lausu khili tengkoan, ka
chitkoa lausu kong :" Lan ai kin than chite kihoe kong, nabo
i-au to bo kihoe a! " I to chhiaN hakseng hou i kihoe khi
tengkoan, khili liauau i chengsu chin kektong, ma7 hakhau
liiong kau3pheng5hoe7 e hongsek chiong 1e theiok lausu
si5tiau7, i kong i bo goani tau chansengphio (chanseng
ka chite theiok lausu koaN chau ) tansi kiaN hakhau tui i
putli, soui i mkaN tau hoantui. Li2Kian3heng sui kong,
hakhau beh kai2pheng3 1e lausu, ai koh sang khi kauiokpou,
kauiokpou nasi kamkah liiu bo chhionghun, ma etang thoe3
tnglai.
Kong kah chhaputto a, hakseng hongbin chiong chunpi ho e
hiap8gi7su theh chhutlai, thak 1pian hou takke thiaN,
ChhiaN Na5siu3khim5(chhongpanjin), Tong5iu3hoa5(hautiuN),
Likianheng(Kauiokpou koaNoan) Tanengheng (kian3cheng3jin5)
chhiammia, liauau kiatsok. Epou 3tiampoaN. Hakseng khaisi
ai tngkhi siongkho, jichhiaN chunpi bi5be2kho2, gun kamkah
tittioh 1tiuN seng3li7, tansi aupiah koh ai kesiok cho lohkhi.
Kaubuchhu hia u 1tai iaNinki, inui chuiau si beh in3 kho2kng3,
soui si kosok e iaNinki, i na cho 1e pan2 liauau, to esai iong hite
pan2 lai cho kosok e iaNin, gun hoanlo hakhau kausi kongoe bo
sng oe, soui than kaubu chujim bo chu3i3 e sichun, liiong chittai
iaNinki chiong hiapgisu in 200 tiuN choiu, kau hou hakseng hou in
theh khi pun.
From - Thu May 07 15:42:30 1998
Date: Thu, 07 May 1998 15:42:30 +0800
Subject: Khaikang 28(Ungian)
Iha si hiapgisu e loeiong :
Chengchiong siongchoan hau7hng kah hakseng hiapgisu
Kah. Iha tiaukiaN hakhau cheksi kaisian
1. hakseng etang chuiu soantek simsi beh toa hakhau e soksia
(chuchheh e sichun boetang iaukiu seng siuchiN i-au chiah
thoe3 )
2. pou2 pan7 haksengcheng, 1tiuN boetang chhiauke 200khou
( ps: icheng si 1tiuN 500 )
3. Hoanhiongcheng(返鄉證) pou2hoat esi chimchiok siuchiN
( ps : Toa ti goa koanchhi e hakseng, nasi beh tngkhi ai
theh
chittiuN toaN-a hou Hun3to7chhu3 tng3, nasi
phangkiN
pou2pan7, to ai siu 200khou, 1tiuNchoa 200khou )
4. kaisian chhengka chetou ( chhengkatoaN boesai siu chiN)
( ps : hakseng na chhengka ai thiam chhengka toaN, tansi
chhengkatoaN ma ai siu chiN)
5. Khaihong tianthui lengkhi suiong
( hengcheng toalau u tianthui, kanna kauiokpou ulang lai
e si chiah etang che, kitha e sichun long boetang suiong,
tiannau kausek ti hengcheng toalau 4lau e souchai, masi bo
lengkhi )
6. Siathoan u hapli e chu7chu2koan5
(ps : kauiokpou tak ni long u pouchou 1koa chiN hou hakseng
siathoan, toapouhun long hou hakhau chiah khi )
7. Khaihong siathoan oahtong khongkan
8. Pangka e sichun boesai kiokpek kuiN soksia
(ps : chincheng u thekhi, pang 3kang e i to kuiN soksia, toa
Kimmng, Machou iahsi bo beh t ngkhi chhu e e hakseng
to chin huikhi )
9 Engkai senglip kausuhoe, teng5 chouseng kau3pheng5hoe7,
lai pochiong lausu hakseng e koanek
(ps : Kau3pheng5hoe7 peng msi soanku sanseng, si lausu tu
jiplai, in khoaN to 1e lausu kholeng khah koai, to
soan in cho Kau3pheng5hoe7 e seng5oan5 ; kausuhoe e
pouhun, tosi gun ailai beh cho e tongchok, seng hou
hakhau
i-au boetang iong kitha e hongsek ka gun choutong.
)
From - Fri May 08 15:23:24 1998
Date: Fri, 08 May 1998 15:23:21 +0800
Subject: Khaikang 29(Ungian)
(Hiapgisu e pouhun)
It (=A4A) Iha e tiaukiaN hakhau ai ti 86nitou teng hakki
khaihak e sichun oanseng.
1. Khopun e chiN boesai chuchheh e si seng siu,
jichhiaN engkai etang u chiatkhau
2. ChiahpngchiN boesai seng siu, chhaiiong titchiap hu
hiankim e hongsek, jichhiaN ai kaisian hakhau e he2sit8
3. phou-a ai kang3ke3, jichhiaN si chuiu lai boe2
(ps : chincheng si chuchheh e si to sng chailai, sng khilai
e kiatko 1pun poh-poh e chokgiap phou-a ai 50khou)
4. Bo tiannau kho3 e boesai siu tiannau sitsip e huiiong
5. Kaisian hakhau lai e lou7
6. Iaukiu hakhau hokchong e kesiau hapli, ikip ai iong khah ho
e pou3liau7
7 SoesaN e chiN boesai seng siu.
(ps: Tongjian koh si chuchheh e sichun to siu chiN a)
PiaN2(=A4=FE) Iha e tiaukiaN hakhau ai ti 86ni 12geh
chincheng kaisian
1. kausek laitoe chng tianhong
(ps : U chinchoe kausek bo chng tianhong)
2. kian7choan5 kauhak siatsi hethong
( ps : Chuiau si kong tiannau e siatpi )
3. Sengoahkoan2 lokseng liauau, seng khi2 kausek
( ps : Sengoahkoan2 si hakhau beh thanchiN e
mihkiaN, tosi nachhiuN siong-tiam3-koe
e hengsek, anne hakseng ti chia siauhui, koh
esai than 1pit chiN5. Kausek khaksit bosiaN
kau3 )
Teng(=A4B) Ngou2choan e pouhun ....
( Ngou2choan pou7 kanna 1e kho, tongjian, in khah kholian,
inui in ai ti chia 5tang. Chit pouhun khah bo siaNme
tekpiat e souchai, goa to thiau3--ke3 )
From - Fri May 08 15:45:34 1998
Date: Fri, 08 May 1998 15:45:33 +0800
Subject: Khaikang 30(Ungian)
Hakseng e khongcheng ti 6/11-12 (pai 3 kah pai 4 ),
goantoe 6/15(lepai ) hitkang beh pan hau7kheng3
kah pitgiap tianle, inui anne liamsi chhusiau, mkoh
chin chhiokhe e si, 6/16 Hoalian e toehng pochoa
Kengseng jitpo (更生日報) kengjian khah kong
hakhau pan hau7kheng3 oahtong pan kah laujiat
kunkun. Tongjian che si hakhau cha to hou posia
e sinbun ko2, posia kengjian ma bo phai kichia lai
hakhau.
Lenggoa 1kiaN taichi si hoatseng ti goa e sinkhuteng.
Khongcheng liauau, gun chiong mui 1hun pochoa e chuliau
iaNin khilai, inui gun hia u iaNinki. Pai 6 hitkang, goa
ai siong kuikang e pan, hitkang Kaubu chujim bian
siongpan, soui goa to chiong iaNin e chuliau khng ti
Kaubuchhu thaucheng, hou kengke e hakseng kaki theh,
u e hakseng khoaNtioh koh kiaN kiaN mkaN theh, goa
khoaNtioh to e kio in kin theh khi, siongho ke theh kui2 hun7
pun hou kitha tongoh.
Pengsiongsi Na5siu3khim5 boe lai kaubuchhu, pai 6 epou
4tiam choiu, i mchaiiaN annoa na e lai chia, khoaNtioh
binsek sui pian3, kong 1ku :" Lin tui che chiahni u chhubi!"
sunchhiu chiong hit thah in3 ho2 e chuliau theh chau. Ke bo
goaku, i koh jiplai, titchiap chong khi iaNinki hia, chiong
pochoa ma siu chau, koh mng ti hia in3 khokng e lausu :
"Chitkoa pochoa si siang khng ti chia ?" Hite lausu tongjian
kong mchaiiaN. I to koh likhui, tngkhi 2lau (gun kaubuchhu
ti hengcheng toalau 1 lau, i ti 2 lau ) Aulai, hautiuN to kha
tianoe kio kaubuchhu laitoe lenggoa 1e chabou lausu
khili, goa khoaN si thiaukang e, chhinchhai mng i 1koa
buntoe liauau, chite lausu to beh lohlai, Na5siu3khim5 to
ti 2lau e lauthuikhau kah i kongoe, i seng kong i chaiiaN
siaNlang tih in3 hitkoa pochoa ( susit siong i mchaiiaN),
kongkong leh, koh mng chite lausu , kam chaiiaN si siaNlang
in3 e, chite lausu tongjian kong mchai.
Na5siu3khim5 longchong kah i kong beh 1tiamcheng,
goa 5tiam hapan e sichun i iahbe lohlai, inui goa beh
koaN hechhia tng Taipak, soui seng likhui, kau Taipak
liauau kin kha tianoe hou chite chabou lausu, mng i
hakhau u tui i annoa bo ? I kong bo, "Ungian goa ka li kong,
Na5siu3khim5 kong li pian3thai3! " Goanlai si Na5siu3khim5
1tit kah i kongoe, ma 1tit siuNbeh tho3 i e oe, i long kong
mchai, tansi Na5siu3khim5 1tit kong i kaki chaiiaN si
siaNlang, koh pou2 1ku : "Hite in3 pochoa e lang si pianthai!"
Hakseng khongcheng e taichi kau chia ko3 1toaNloh, koh
lai, tosi gun kausuhoe e taichi.
From - Fri May 08 16:18:02 1998
Date: Fri, 08 May 1998 16:16:11 +0800
Subject: Khaikang 31(Ungian)
Takke ho, chitma khaisi lai kong kausuhoe e taichi.
Kijian hakhau chiahni okchit, soui lausu chitpeng
na etang u 1e chouchit, beh pan taichi khah bo pan.
Thau3ke3 1e theiok lausu (i si Binchintong tong2oan5,
Amis ) i lianlok tng beh chouchit Hoanliankoan kausuhoe
e 1e Hoalian suhoan hak-iN e lausu lai ka gun kong,
jichhiaN hou gun chinchoe pokui e chuliau.
Kantan kong, Taipakkoan cho liau siongkai ho,
in 1e hakhau senglip kausuhoe liauau, to chiong
chuliau chhoan hose, chutong hou kitha beh senglip
kausuhoe e hakhau, inui u hianseng e chuliau,
(chuiau si 1koa panhoat, pio2keh e mihkiaN)
soui chin kin to koh u kausuhoe senglip.
Hoalian chitpeng kui e chengti sengthai pitkeng kah
Taipak bo kangkhoan, iuki toapouhun e hakhau
(kok-hau iahsi chhoutiong ) inui lausu e jinsou
bo chhiauke 30e, bohoattou senglip, pitsu ai
kah kitha hakhau chohe senglip, tansi chia e
hautiuN khah thokchhai, ma esai kong si thou2pa3ong5,
to kohkhah khunlan.
Gun hakhau u 70e lausu, khau khi cho chukoan e chiongkun
20e si bohoattou tintang e, inui gun ti tiupi long msi
ti kongkhai e souchai chinheng, soui gun etang chiongak e
lausu ma chhaputto kanna 20 e. ChittoaN sikan, gun 1tit
tih khuihoe, jichhiaN hunkang, chuiau beh giu kitha e lausu
jiplai.
Senglip kausuhoe ai u 1koa hengcheng e chhiusiok,
paukoah khi Koanchenghu tengki, ai khan pochoa,
ai cho chinchoe miatoaN tengteng. Sikan siong, kasu si
chiau3pou7 lai5, kholeng iahbe senglip to 7gehtoe
a, kunpun bohoattou cho siaNme taichi, hokachai tosi
chite Binchintong e theiok lausu, inui i kah Koanchenghu
siahoekiok e lang u seksai, 3 lepai chiah chau e chhutlai e
kongbun, i iong 1 lepai e sikan oanseng.
Gun e sengchek boebai, tuliau hitkoa choe3 chukoan e,
gun longchong giu tioh 50e lausu goani chhamka kausuhoe,
jichhiaN ti 6/25 chengsek senglip, jichhiaN soanku
lisu chusek, kamsu chusek, lisu, kamsu, goa hong soan choe3
lisu.
Kausuhoe te 1 e ai choe3 e taichi tosi pheng3su e buntoe.
From - Wed May 20 14:50:07 1998
Date: Wed, 20 May 1998 14:50:02 +0800
Subject: Khaikang 32(Ungian)
Inui ikeng kau hakki be2, soui pheng3su ma ikeng lohlai
a, suijian hakhau hibang gun chitkoa lausu likhui, chongsi
hoatseng chitkoa taichi liauau, piaubin siong in ma mkaN
siuNke chhiauke. Gun ai ti 7/5 chincheng ti pheng3su tengbin
chhiammia jichhiaN kau tngkhi, nasi bo kau tngkhi, tosi
bo beh koh tiam3 chia.
Gun kamkah phengsu u 1koa bo hapli e souchai
(1) in iaukiu souu e lausu long ai kiam hengcheng khangkhe.
Gun kamkah esai kiam, tansi engkai u 1e ki5han7, khopi
kong 2 tang, 2 tang i-au to bian koh choe3 hengcheng.
(2) phengsu tengbin kong sinsui chunchiau hakhau e kuiteng.
Hakhau e konghoat si inui i si sin hakhau, bohoattou tatkau
itpoaN hakhau e phiauchun. Gun hibang hakhau etang kong
chhengchho siaNme sichun chiah etang tatkau itpoaN hakhau
e phiauchun.
(3) Phengsu iaukiu lausu 1 lepai long ai ti hakhau 5 kang,
5 * 8 = 40 tiamcheng. Gun kamkah bo engkai chiong
lausu pat ti hakhau, inui hakhau e siatpi, chugoan long
chin chio, kasu gun siuNbeh cho giankiu, suiau chhutkhi
chha chuliau, kunpun bo hoattou (nabo to ai chhengka hou
hakhau khau sinsui ), hibang ti hakhau e sikan ai chhiauke
22 tiamcheng to ho ( gun e snghoat si, itpoaN kangsu 12 chiat
kho, koh cho 10 tiamcheng e hengcheng khangkhe , soui chichio
22 tiamcheng ti hakhau )
(4) Phengsu kuiteng nasi hakki tiong likhui, ai poe5 3kogeh e sinsui.
Gun kamkah chite tiaukhoan si bo pengteng e kheiok, hibang
siukai
Gun kaki ma gi2 1 hun phengsu e chho2an3, to kausuhui phai
taipiau khi kah hautiuN tam5.
Chingcheng u thekhi, hautiuN chisi 1e kale, soui i kunpun
mkaN tapeng siaNme. Soui tamphoaN e ketheng si, gun kah
i kongkong leh, i to kio gun seng likhui, kholeng i chite sichun
to iong tianoe kah Na5Siu3khim5 lianlok, jianau gun chiahkoh
jipkhi kesiok tamphoaN, anne onghoe kuilo pian.
Tongjian si bo kiatko, soui gun chitpeng iong ngi7 e, ka
hautiuN kong, nasi boetang kaikoat, gun beh lianlok
kauiokpou e lang lai, chhiaN in lai choe3 hiaptiau.
Kiatko hautiuN kengjian tapeng kauiokpou e lang lai
(tongjian chesi Na5Siukhim tongi e) kholeng in jimui
in u paak ka kauiokpou annai.
From - Wed May 20 16:49:55 1998
Date: Wed, 20 May 1998 16:49:47 +0800
Subject: Khaikang 33(Ungian)
TamphoaN si ti amsi, tamphoaN pho3liat8 e te 3 kang,
kauiokpou to phai kichitsi (=A7=DE=C2=BE=A5q) e sitiuN Gou5Chhengki
(=A7d=B2M=B0=F2).
Tongjian, i lai hakhau liauau, kichia ma sui lai hakhau,
hakhau chitpian bo iong chhia chiong lou7 chah khilai,
si kuiN hau7mng5, pengchhiaN ka keng2oe7 kong
mai hou goakhau e lang jiplai, gun to phai 2 e lausu ti
hau mngkhau, nasi u kichia lai, gun to ka kengoe kong
beh chhutkhi, i chiho khuimng, gun chiah chhoa kichia jiplai,
koh chhiaN kichia lau 1tiuN mesi hou kengoe, hou i
etang hiong tengbin e kautai.
GouChhengki lai e sichun, kasuhoe e lausu long ti
mngkhau hoangeng, jianau to chhoa khi 1keng hoegisek,
kitiong 1e lausu choe3 si-gi5(=A5q=BB=F6), seng hou lausu
chiong hakhau bo hapli e souchai the chhutlai. Chite
tiuNhap, hautiuN ma mkaN hiN3haiN.
Liauau, hakhau choe3 boe7chio2 e niu7pou7 :
(1) lausu etang bian kiam hengcheng
(2) sinsui chiau itpoaN hakhau e phiauchun phah 9 chiat
(goanlai si 8chiat), te 2 ni 95 chiat, te 3 ni tatkau
itpoaN e phiauchun
(3) Nasi hakki tiongng likhui, hoat 1kogeh sinsui (goanlai si 3kogeh)
(4) lausu 1 leipai ti hakhau e sikan chichio 28 tiamcheng
(goanlai si 40 tiamcheng) (Punlai gun koh hibang etang
chhusiau "Shua kha" , tansi hakhau bo niupou )
Te 1 tiam si gun kamkah khah igoa e kiatko, aulai siuN7siuN7
leh, 1tiam-a ma bo igoa, goanin chin kantan, inui gun choe3 hengcheng,
to uhoattou siuchip hakhau 1koa ui5hoat e chuliau, i kamgoan ke chhiaN3
1koa kaki e lang lai koanli chitkoa mihkiaN.
Inui pheng3su ikeng in3 a, hakhau kong seng chiong sin e
phengsu loeiong iong iaNin e liam5 ti goanlai e pheng3su tengthau,
jichhiaN koaNkin khi in sin e phengsu, kau sichun sin e phengsu
nasi iong ho, chiah theh ku7 e phengsu khi oaN.
KhoaN khilai chiamsi si oanboan kaikoat a. 1koa lausu punlai
ikeng ansng beh likhui hakhau khi goabin chhe thaulou, inui
chitpai e seng3li7, hou in siuNbeh koh lau lohlai.
From - Fri May 22 15:47:02 1998
Date: Fri, 22 May 1998 09:02:45 +0800
Subject: Khaikang 34(Ungian)
Phengsu e buntoe hakhau tongi siukai, che ikeng si 6/28 choiu e
taichi. Te 2 kang, kaubuchhu 2 e kiam choutiuN e lausu, sui hou
kaubutiuN thongti kong, choutiuN choe3 kau 6gehtoe. Chiauli
kong, hakki kiatsok si 7 geh toe, jichhiaN 7 geh koh ai boeng sin
hakseng jip8oh8 e taichi, na beh chitma sui oaNtiau ? Goanin
chin kantan, chit 2 e kiam choutiuN e lausu si kausuhoe e sengoan,
kiam choutiuN 1kogeh ke nia 8000 khou, hakhau boegian hou in
theh chitkoa chiN. Tongjian, in 2 e ma bo tih ai choe3.
Punlai kuiteng lausu ai cho kah 97'0711 ( pai 5 ) chiah etang
hiohjoah (suijian si kong hiohjoah, chongsi hiohjoah kikan
ma koh ai lai, in e bu 1koa u e bo e kio li lai hakhau ) kiatko ma
masiong thongti gun cho kau 7/4 (pai 5), kio gun kin siu mihkiaN.
Inui kijian bo beh hou gun choe3 hengcheng, goa e pankongsek
engkai ai oaN tngkhi Chu-koan2kho e pankongsek, kiatko hia
e toh-a bokau, gun ka kho chujim kong, khochujim kio gun
kaki siuN panhoat khi poaN toh-a lai ( kio gun beh khi to poaN ?)
Hakhau e soktou ma chin kin, 7/1 khaisi, punlai kaubuchhu 1e
choanchit choe3 hengcheng e chitoan, in sui koh khi chhetioh
3 e hakseng lai tau choe3, (chhiaN hakseng khah sengchiN),
jichhiaN ma pou 1e choutiuN jiplai ( gun mpat kiN ke, tansi
ti iakanpou u kiam kho3, kholeng kah Na5siu3khim5 koanhe
khah ho ) mkoh ai i ti te te kuikang chiong kaubuchhu e giapbu
long chiah lohlai, goa khoaN i masi putchi-a thongkhou e khoan.
Phengsu e taichi iahbe kaikoat, inui phengsu ai ti 7/4 chincheng kau
tngkhi, hakhau kong beh oaN sin e phengsu hou gun, tansi ittit
bo siausit, hautiuN ma chin khiau, chittoaN sikan long chaukhi Taipak
bo ti hakhau, mng jinsu chujim kong hautiuN e taili lang si siang,
ma bo siausit, soui gun ma khaisi tih hoanlo a.
Nasi bo theh tioh sin e phengsu, piausi gun hoe5 pheng3 si iong
ku7 e phengsu hoe e, pianchoe to ai chunchiau ku phengsu e
ioksok, tansi na bo hoe, kau 7/5 i-au, li to sng chutong si thaulou.
7/2 pai 3 epou, kausuhoe kamkah boesai koh tan lohkhi a, soui
phai taipiau khi chhe jinsu chujim. Jinsu chujim phah lausu e
sukiaN to ti chite sichun hoatseng ......
From - Tue May 26 08:28:28 1998
Date: Mon, 25 May 1998 16:17:13 +0800
Subject: khaikang 35(Ungian)
Inui sin e phengsu kau 7/2 pai 3 iahbe lohlai, 7/4 pai 5
si hoe phengsu siong-au 1 kang, hautiuN koh bo ti leh,
kausuhoe koatteng phai taipiau khi ka hakhau mng tautoe si
annoa.
Longchong u 5 e lang, goa si kitiong 1 e ( mkoh goa kanna
khia ti piN--a ). Gun chiau3pou7 lai, hengcheng toalau 2 lau
seng khi hautiuNsek, inui hautiuN bo tileh, mng taili lang si
siang, ma bo kiatko, gun to choan khi kangkhoan ti 2 lau e
jinsusek chhe jinsu chujim.
Jinsu chujim ka gun phai, kong i mchaiiaN chithang taichi,
beh mng ai mng hautiuN msi mng i. Inui i kah gun toasoesiaN,
gun ma kah i toasiaN. Gun koh choan khi hautiuNsek, chite
sichun, jinsu chujim chong chhutlai, to ti 2 lau e lauthuikhau
siojiong khilai, i kong boai pheng3--li to boai pheng3--li,
li si beh annoa, huchek e lausu ma bo kah i khehkhi, kong
:" Li ai piN chhengchhou, li si hakhau e chitoan, si beh hokbu
lausu e, beh pheng3 lausu m pheng lausu lun boe tioh li."
Koh jiong 2, 3 ku3 liauau, jinsu chujim kong :"Goa kinajit
beh phah li, phah hou takke khoaN!" Chite lausu ma kong :
"Li na kaN phah li chinliong lai phah!"
Liauau, jinsu chujim chinchiaN to ka lausu phah lohkhi a.
Gun koaNkin chiong in hunkhui, tansi chite sichun, inui
tiuNbin khah hunloan, siojiong e sichun, hakhau hitpeng ikeng
u kuielang oa2--kelai a, Chongbuchhu e subu choutiuN to than
gun chiong jinsuchujim kah hong phah e lausu iong khui e sichun,
than chite kihoe iong kha ui aupiahbin cham lenggoa 1 e lausu.
subuchoutiuN si Na5siu3khim5 in sioti, inui bo haklek, soui
chitma tng ti kaki chitkeng hakhau thak iakanpou, i khochhi
long si theh toatiuNchoa chhutlai chhau ( toatiuNchoa tosi chiong
tongoh chengli e kanggi theh lai iaNin e ) kamkho lausu liah i
ma bo khahchoah, inui i long e bo taichi.
Chite sichun, lenggoa 1 e chhiNhun e chabougina chhuthian a,
i ui hoekesek (ti jinsusek kehpiah) chong--chhutlai, toasiaN
ma7 lausu na3 esai ti chia oupeh nau7! Gun ma kah i phai :" Li
si siang, pin siaNme loan kongoe ?" I kesiok ma7 lausu, jichhiaN
kong i ikeng po kengchhat a, beh chiong gun chitkoa lausu liah
khi kengchhatkiok.
Kengchhat chinchiaN sui lai, inui li gun hakhau bo goa hng,
hitchun gun long kiaN lohlai laukha, ti 1 lau e tiong-teng5,
jinsuchujim ma lohlai, tng kengchhat e bin, koh kong beh phah
chite lausu, chite lausu ka i kong :"Goa khia ti chia choe3 li
phah!" jinsuchujim chinchiaN koh siuNbeh phah, kengchhat ka gun
kong:"to hou i phah!" kiatko kitha e lang ka i keng khui.
hoatseng taichi e sichun ti epou 4 tiamgoa, aulai siusiong e
lausu kin khi piNiN giamsiong. hou jinsuchujim phah e lausu
bo siaNme goa7siong, tianto si hou subuchujim iong kha cham
hite lausu, i e sia-chu(Shirt) e liu-a hong khiu lohlai, amkun-a
aupiah ma hou subuchoutiuN jiau3 1 khang.
Inui u giamsiong poko, amsi gun to khi Hongsan(豐山)phaichhutsou
po3an3, phaichhutsou e kengchhat ka gun kong, chite phaichhutsou
choekun ikeng oaN ke 4, 5 e chu2koan2, goanin tosi Na5siu3khim5
bo moa2i3 chu2koan2, siuN panhoat ka in oaN tiau e.
From - Thu May 28 09:40:51 1998
Date: Thu, 28 May 1998 09:40:50 +0800
Subject: Khaikang 36(Ungian)
Ti kengchhatkiok e sichun, u Hoa5si7 e kichia lai. Goa bo
khoaN tiansi, mkoh goa e tongsu ka goa kong, poaNmi e sinbun
u hip tioh goa.
Te 2 kang, gun to ti hakhau khui kichiahoe, hakhau kangkhoan boai hou
kichia jiplai, huitit gun 1 e 1 e chhoa jiplai.
Goa siongsin, sin e phengsu hakhau cha to chhoan hose a, tansi
in ittit the kong si insoatchhiuN tongchko siuNke ban, chong--si,
chitpai koh hoatseng jinsu chujim phah lausu e sukiaN, kichia lai,
gun koh chiong hakhau ianchhian phengsu e taichi ka kichia kong,
hakhau kholeng ma hoanlo pochoa sia siuNke phai thiaN, soui tiongtau
khui kichiahoe, epou phengsu to lai a.
Aulai gun chiah chaiiaN, kisit jinsuchujim phah lausu si u keoe
e hengtong, kholeng si Na5Siu3khim5 kio jinsu chujim anne choe3.
Inui iahkoh tih siojiong e sichun, in to khi kio kengchhat a.
Kholeng si in hibang gun tangchhiu, jianau chiah khui kau3pheng5hoe7
chiong chitkoa lausu si5 tiau7, huitit in u hoattou enghu kengchhatkiok,
phahlang ia e bo taichi.
Kohkhah chhiokhe e si, jinsuchujim phah lausu e te 2 kang, tosi
7/3 pai 4, gun khui kichiahoe, jimsuchujim ti chite sichun chaukhi
Hoalian e piNiN khi giam7siong. Aulai, i khi hoat-iN ko3 lausu
phah i.
From - Thu Jun 04 17:30:41 1998
Date: Thu, 04 Jun 1998 13:44:55 +0800
Subject: Khaikang 37(Ungian)
97' 7geh chhoe 3, tiongtau khui kichiahoe, epou
hakhau to masiong chiong sin e phengsu chunpi
ho ( soui gun siongsin si cha to chunpi ho,
tansi bo siuNbeh hoat hou gun ) beh lau lohlai
e lausu to sunli chiong phengsu hoe hou hakhau.
Pai 5 siong-au 1 kang siongpan, bo siaNme taichi.
Gun bou punlai ti Taipak Sinchng e 1 keng kok-hau
choe3 kau3oan5, 96 ni nitoe goa lai Hoalian, hitchun
to hibang i etang ti 97 ni nichhoe (tosi e7-hakki)
lai Hoalian, tansi tiau boe kelai, goa ma chin hoanlo
goa chhe bo thaulou, i hiohjoah simsi etang tiau kelai
goa ma bo paak. Punlai kah i kong ho, kasu i tiau boe
kelai, goa to tngkhi Taipak.
6 geh khaisi, goa to takkang boe2 pochoa, khoaN=20
to 1 e hakhau u tih chhe lausu, ma kha tianoe khi
Hoalian, Kiat-an(=A6N=A6w), SinsiaN(=B7s=AB=B0), Siulim
(=A8q=AAL) e hakhau mng. Icheng lausu e tiautong, longsi
Taioanseng kauiokthiaN in tih hoatloh, thongit
chokgiap, tansi kinni Hoalian si mui 1e hakhau=20
kaki soan lausu. Soui goa sikoe khi theh pomiapio,
chau kuilokeng hakhau.
KauiokthiaN thongit hunhoat e sichun, inui si pi2
hunsou, soui longsi lau7 e lausu khah chiam iaN5bin7,
Hoaliankoan si choan Taioan binchek siong toa e koan7,
soui nasi chiau hunhoat, khah siaulian e lausu long e
hun khi khah chngkha e souchai (Hoalian lam5khu), tansi
hakhau kaki panli e chengheng to bokang a, tui chhi7khu
e hakhau lai kong, in e hakseng jinsou khah choe, siongtui
hakhau e taichi ma khha choe, in tongjian bo hibang=20
chhiaN3 1 e tan thoehiu e lausu, soui chengheng tui gun
khah iu2li7. Buntoe si, Hoalian kah Taipak pi khilai, iahsi
sng chngkha souchai, goa chiah lai chia bo goaku, bo
siaNme jinche koanhe, soui ma chin kiaN tiau boe kelai.
Goa longchong theh 10 kuikeng hakhau e pomiapio, ui
Pakpou(=A5_=AEH) ittit kau =
Siuhong(=B9=D8=C2=D7)Hongli(=C2=D7=B8=CC)chhoan
e Hongli kok-hau. Aulai soan chhaputto 4, 5 keng hakhau
( u e hakhau kamkah khoankeng bo ho, u e hakhau soan
lausu e sikan sio pong ), Te 1 keng, bo tiau, te 2 keng,
hokachai tiau a, anne to etang khah hongsim a.
Goa ma koatteng likhui Chengchiong siongchoan. Goa kamkah
goa ikeng bo chhiuN choe3 hakseng hitchun hiahni u chengsin=20
khi bu2 che, gun bou ikeng usin 3 kogeh, tiaNtiaN e kamkah
kankhou, chittoaN sikan goa ma ai chhe chhu, chinchoe taichi
koh ai choe3.=20
Goa khi Mnglok(=AA=F9=BF=D5)piN-iN.
Kisit, goa 96ni 4geh, iahkoh ti Taipak e sichun, to ikeng
kia lulekpio kekhi, aulai in ka goa kong in ikeng chhetioh lang.
Ittit kau kinni(97) 5 geh, i koh thongti goa khi bian7chhi3.
In goani iong goa, hou goa kamkah khah ansim, inui chichio=20
goa chhetioh thaulou, tansi ma bo masiong tapeng, chuiau si
iahbe khakteng gun bou simsi etang tiau lai Hoalian. Aulai i
khakteng liauau, goa ma koatteng beh khi Mnglok.
From - Mon Jun 15 08:27:55 1998
Date: Sat, 13 Jun 1998 16:25:44 +0800
From: "Iunn Ungian, Morrison"
Subject: Khaikang 38(Ungian)
Inui ikeng khakteng u thaulou a, Giokleng(=A5=C9=B2=DE) ma ikeng
tiau kelai Hoalian. 7 geh si goa etang sio chhoan 1 khau khui e
kihoe.
Kong hiohkhun sitchai si bo lah, gun khaisi chhe chhu3. Punlai
si siuNbeh chhe tiongkou e, siuNkong kholeng e khah siok, tansi
peng bo khah siok, soui lian sin khi2 ho e chhu ma khoaN.
Hoalian e toe7heng5 si tng5--e, sepeng si Tiongiong soaNmeh,=20
tangpeng si ThaiphengiuN (nasi khah lohlam, tosi HaihoaN soaNmeh)
Tih soantek toa e souchai, ai chu3i3 kuihang taichi :
(1) li chhikhu mai siuN hng ma mai siuN oa. Inui siuN hng
sengoah bo lipian, nasi siuN oa2, koh bo chngkha e kamkah,
inui chit kuini Hoalianchhi e pianhoa ma chin kin, ittit te3
Taipak tih kiaN. Na anne, to Sin-siaN(=B7s=AB=B0)hiong kah Kiat-an
(=A6N=A6w)hiong khah sekhap, nasi Siuhong (=B9=D8=C2=D7)hiong to =
khah hng
, suijian kengti khah be5lang5.
(2) mai siu kitiuN e enghiong. Hoalian u kitiuN, u bin5hang5ki,
ma-u chiantauki, kitiuN ti Pakpou(=A5_=AEH)( ti SinsiaNhiong,
Hoa lianchhie pakpeng ), soui SinsiaN bo sekhap, Kiatanhiong
khah thong. Susit siong, chit 1, 20 tang ilai, Hoaliankoan
e jinkhau long uichhi ti 30 goa ban lang, bo chengka ma bo
kiamchio, kitha e hiongtin lang julaiju chio, long chiptiong=20
lai Hoalianchhi kah Kiatanhiong.
(3) mai siu choa2chiuNchhiu2 e enghiong. Hoalian bo siaNme kangchok
kihoe, inui bo toa kongsi beh lai chia siat kangchhiuN. Taikhai
ti 1967ni choiu, Tionghoa choachiuNchhiu(=AF=C8=BC=DF=BCt) ti =
Konghoa(=A5=FA=B5=D8)
kanggiapkhu siatchhiuN, thiaNkong hitchun Hoalian lang chin hoaNhi,
chhiuNkoa thiaubu lai hoangeng, bo gigou kangchhiuN khui liauau,
in pang chhutlai e ian long chin chhau, Konghoa kanggiapkhu oa
haipiN, Hoalianchhi e lampeng, joahthiN e sichun chhe lamhong, kui=20
Hoalianchhi long bohoattou chausiam, nasi koaNthi chhe tangpak
kuihong,
chhiongkok(=C1a=A8=A6) pakpeng ma long phiN e tioh. soui khah oa =
Tiongiong
soaNmeh chitpeng khah boe siu enghiong. Soui tosi Kiatanhiong e
Khenghong
(=BCy=C2=D7), Kiatan(=A6N=A6w), Hokheng(=BA=D6=BF=B3), =
Lamhoa(=ABn=B5=D8), Tiuhiong(=BD_=AD=BB)
khah lisiong.
(4) Siongho ma mai siu hechhia e enghiong, tosi mai ti thihkilou piN,
tongjian, tangsoaN thihlou e chhiapang khah chio.
Hitchun Giokleng toa paktou, kah goa sikoe chhe chhu, aulai gun mama
ma u lai kah goa sikoe chhe, Hoalian e joahthiN chin joah. Hitchun
iahkoh toa ti Siuhong, goa than hiohjoah e kihoe chio gun laupe
laubu lai Siuhong toa, hiongsiu chngkha sengoah. Inui gun mama toa
khah ku, amsi goa koh chhoa i khi Siuhonghiong e oahtong tiongsim,
Siuhongchhoan si Siuhonghiong e hengcheng tiongsim, hia u chinchoe =
Amis,
inui in sinlek 8geh beh pan hong-lian5che3, soui amsi long e ti oahtong
tiongsim thaucheng liansip, gun mama chin ai thiaubu, soui takkang goa
amsi 9tiam to ka chhoa khi, tan kau 10tiampoaN chiahkoh saichhia khi
chai=20
i tnglai. Amis in chin jiatcheng, chio gun mama ti honglianche e sichun
ai lai, koh beh chio Amis e saN hou i chheng. Chongsi aulai gun mama
bo koh khi.
Gun choeau chhetioh 1keng ti Tiuhiong e sinchhu3, 3 lau5 thauthiN, toe
28 pheng
kianpheng 57 pheng, 500 goa ban. Khakteng liauau khaisi hoanlo chiN e
buntoe
(taikhoan), iahkoh boe2 kakhu. 8 geh khaisi ti Mnglok siongpan, hitchun =
chhu iah bohoattou toa lang, Siuhong hitpeng e chhu ikeng kau3ki5, soui
goa=20
poaN khi pengiu hia toa 1-cham.