符號e競爭

台語符號ê競爭─以TLPA kah白話字做例

楊允言

大漢技術學院資訊工程科講師

ungian@ms01.dahan.edu.tw

摘要

T„台灣，長久以來台語受著統治者ê壓迫，˜-koh t„ käng時陣，台語mä出現真chöe套書寫系統、音標系統。政治漸漸開放了後，台語開始有機會進入體制，kâng這個時陣，mä是chiah-ê符號競爭ê開始。Chiah-ê競爭，其實是背後一kóa人ê政治手腕，台語文工作者，拍拼tih為台語文ê前途奮鬥ê同時，koh-khah激烈ê符號競爭當tih進行，一個符號若beh出頭，著愛將比伊khah強勢ê符號ián倒，伊chiah有可能成功，這個強勢ê符號，tö是有180冬書寫歷史ê白話字。Chiah-ê符號ê競爭，對kui個台語文運動來講，可能負面khah chöe過正面。

通討論ê符號˜-nä一、兩套，本文beh將焦點集中t„台灣語文學會所制訂ê TLPA，討論伊按怎利用政治手段，起來kah白話字競爭，因為運作ê人lóng是學者，咱beh來檢驗in ê作法、手段，提供關心台語文發展ê人做進一步ê思考。另外，TLPA kàu今年tú仔好滿十歲，mä有需要做一下檢討。

關鍵詞白話字，TLPA，台語文

一、話頭：台語書寫系統百百款

David Crystal t„伊ê著作「語言的死亡」第五章內底，有歸納出受危害語言(Endangered Language) beh復興ê六個條件，這其中ê第五個條件是：「受危害語言族群若會tàng將語言寫做文字，受危害語言ê復興運動chiah通有進展」[Chiu2001 p257-262]。這段ê討論，有提起南美洲ê Quechua（客秋亞）語ê例[1]，Quechua語有兩種文字系統，這兩種文字系統lóng有支持者，這個爭議致使文字資料ê出版進度延chhiân，因為出版商無願意擔風險，揀其中一種出版，了後koh höng péng過，這是語言復興運動ê大阻礙，因為原底應該khiä t„ kâng一個陣線共同phah拼ê人，為著這個緣故分做兩派。

相信這段描寫，對每一個台語文工作者，心內lóng會有chiâ°大ê感慨。In是原來無文字，了後編出兩套文字系統tö發生chiah-n„大ê問題；台語原來有文字，chit-má ê台語書寫系統可能已經有chiâ°百套！

台語是˜是會sái算做「受危害語言」，無的確koh真有通討論，總是t„台灣百外冬來，台語受著統治者毀滅性ê壓制，雖然伊ê使用人口iah-koh有chiâ° chöe，這段時間內，台語ê變化真緊。

本文kan-na beh討論福佬台語ê部分，而且將重點hë t„書寫系統。根據吳守禮ê研究，台語ê書寫歷史，會tàng對1566年算起[G² 1995 p108]；用漢字來書寫台語，khah大ê問題是，台語一字多音ê情形真普遍，lóng用漢字寫，tiä°-tiä°會˜知beh按怎讀，並˜是真科學、有效率ê表記方式，總是使用台語ê人，生活t„漢字文化圈ê環境，漢字是一般人接受度siöng kôan ê台語書寫文字。

另外一個重要ê書寫系統是白話字，會tàng ùi 1832年Mé-lu-sýt(Medhurst)編《福建方言字典》算起，這套符號一開始ê主要目的，是基督教、天主教in beh h³ 大部份是漢字青瞑牛ê信徒會tàng t„真短ê時間看pat聖經等等ê物件，所設計ê一套符號，t„ hit個時代，確實mä有真好ê成果。白話字已經世俗化，目前並無限定是教會人士tih使用，phah拼tih推行白話字ê，教會外比教會內khah拼勢。總是，可能因為基督教t„清國時代傳來中國、台灣ê時陣，mä正當是西方國家侵略清國kah亞洲其它國家ê時陣，西洋人kah咱ê生張差異khah大，致使t„ 部份台灣人民ê心內，對教會ê印象是負面ê。這個負面ê印象，無的確是chiâ°做後來一kóa台語符號背後ê創造動力（反對白話字）。

日本時代，日本人對台灣做真chöe詳細ê調查kah研究，這其中mä包括台語，in利用kha-na(假名)kä台語編一套符號，並且用這套符號出版過真chöe ê台語教材、辭典、...等。除了這，民間mä有少數ê符號制訂出來。

中華民國政府時代，有將近40冬ê戒嚴，這段時間對台語kah白話字ê壓迫chiâ°厲害，致使伊ê發展受著限制，包括出版品ê流通等等。表記台語ê符號mä一個續接一個出現，政治解嚴了後，符號出現ê速度mä無變khah慢。李勤岸對這個現象有真趣味mä真無奈ê描寫：「倉頡滿四界」[Lí 1995 p168]。

楊允言kah張學謙pat討論非漢字ê台語拼音系統，lóng總整理出64套[Iûⁿ &Tiuⁿ 1999]，實際ê情形是，隨時tö koh會tàng chhë著新ê符號。這個原因是：(1) 這種紹介新書寫系統ê書böe少，˜-koh一般ê書店無好chhë； (2) iah-koh有人繼續tih創造新書寫系統。

Tãk家大概lóng同意，設使這款現象繼續落去，對台語文ê發展真不利，因為想beh踏入來ê人會驚著，反對台語文ê人mä有真好ê藉口。有人想beh整合，希望tãk家做伙坐落來好好仔chhiâu一下，˜-koh kàu目前為止，這款ê phah拼並無實際ê效果[2]。既然無共識，每一套書寫系統tö各憑本事拓展伊ê影響力，這包括互相ê競爭，beh說服人用這套，tö愛講這套外好別套外bái，大部份beh做選擇ê人lóng是t„資訊無對等ê情形下做選擇。

討論chiah-ê符號ê競爭，實際上是tih討論背後ê政治運作，本文主要beh討論TLPA kah白話字ê競爭。

二、 TLPA ê政治運作

2.1 TLPA ê成立背景

「台灣語文學會」ê原始發起人是洪惟仁、張裕宏kah董忠司，t„ 1991年8月17號成立，「董忠司過去很少直接參與台語研究、台語運動，但自1990年以後表現了不同凡響的積極性。[Âng 1992 p49]」

台灣語文學會成立了後，設音標小組beh制定一套新符號，有十八人參加，經過五pái ê會議，in ê做法是：

(1)先根據社會性、好寫、歷史文獻、好認、符號普遍性、好處理、音讀普遍性、好注音等八個標準來對羅馬字、ㄅㄆㄇ、諺文、假名、十五音等五種音標ê大方向做評分，結果是羅馬字分數siöng kôan；

(2) 將羅馬字音標分做教會羅馬字（白話字）、林繼雄式標調法、國際音標、王育德第三式、普閩式、科根化等六種，用頭前ê八個標準來評分，結果是白話字分數siöng kôan；

(3) Koh來針對in認為白話字需要修改ê所在做修改；最後完成「台語音標方案」（Taiwan Language Phonetic Alphabet，簡稱TLPA[th¬-lú-pà]）。白話字kah TLPA主要差別，請參看表一。

表一白話字kah TLPA主要差別
白話字	TLPA	白話字	TLPA
oa / oe	ua / ue	a°	ann
eng	ieng	ch / chh	ts /tsh
¬	oo	á / à / â / ä / ã	a² / a³ / a⁵ /a⁷ /a⁸

In講beh制訂TLPA ê原因是：(1)台語音標有真chöe套，阻礙台灣語言ê學習kah發展；(2)白話字無完全適合電腦。[Táng 1992 p51]

‹-koh，這kóa講法有需要進一步討論：

(1) 既然台語音標真chöe套會阻礙學習kah發展，按呢應該是通盤檢討，就現有ê音標揀一套出來，推薦tãk家使用，結果soah家己閣編一套出來，更加阻礙學習kah發展？[3]

(2) Hit陣，電腦已經會tàng處理白話字，鄭良偉教授t„ 1990年開發TW301[Iû° 2001a]，「白話字無完全適合電腦」並無正確；tö算堅持白話字愛修改，若按呢，比這費氣ê台語漢字、國際音標(IPA)，koh-khah有需要放棄iah是修改，˜-koh in並無按呢想，這chiâ°做雙重標準。近幾十冬來，電腦科技進步chiâ°緊，進步ê其中一個原因， tö是人有¢g望，¢g望電腦會tàng做啥做啥，˜-koh這個¢g望現此時ê電腦可能做böe kàu；台灣語文學會認為「白話字無完全適合電腦」所以愛修改白話字，這種思考kah電腦科技發展ê方向，tú仔好是倒péng。

(3) 音標小組ê部分成員，t„制訂進前並無實際台語書寫ê經驗，若按呢，音標小組ê決議kám有公信力？根據張裕宏ê講法，制訂TLPA hit當時，「真正想問題的沒有幾個人(現在要叫我想五個人都想不起來)；其他的人只是到場聽取意見、參加表決，有的人甚至只到過一次，不知過去，也不知未來，但是凡是出席的都有舉手表決權。[Tiu° 1998]」

(4) 用數字取代調符，是真值得議論ê做法，因為世界上ê拼音符號，並無這款例。

TLPA制訂ê時，至少有注意著mài kah白話字ê符號衝突。

TLPA beh推展，tö愛kä白話字壓落去，chiah有機會浮頭。

2.2 各縣市民間文學計畫

台灣民間文學整理計畫，是國科會支持ê一項十年計畫，清華大學中語系負責，ùi 1993年開始做。

一開始，因為負責民間文學計畫ê計畫主持人kah專任助理並無書寫台文ê經驗，in接受支持TLPA ê學者ê建議，採用TLPA。筆者kah in討論關係音標符號ê問題，in講in後來chiah知影有白話字，而且認為支持白話字ê人是保守派、反對TLPA、阻礙台語文發展。

In對白話字會有這款ê印象，表示有支持TLPA ê學者kä in講一kóa白話字ê歹話，致使in t„資訊無對等ê情形下，接受這款ê論點。

2.3 TLPA進入教育部

1989年台灣ê縣市長選舉，民進黨thçh著一kóa縣市ê執政權，想beh將母語教育列入國校正式課程內底，˜-koh當時ê教育部khiä t„反對ê立場，所以chiah-ê縣市，家己做家己ê，利用課外活動ê方式進行，算非正式ê課程[Iû° 2001b]。包括1992年屏東縣ê母語教材、1993年台北縣kah高雄縣ê母語教材lóng有採用白話字。

1994年教育部人文指導委員會（以下簡稱「人指會」）召開「鄉土語言輔助教材大綱專案小組」會議，發函請各縣市推薦會議人選，mä邀請一kóa專家學者。

當其時，真chöe縣市ê母語教材使用白話字，所以會議中有支持白話字ê聲音，開會了hit暗，tö有支持TLPA ê學者khà電話h³發言支持使用白話字ê人，kä講，若提起白話字，人想著教會tö無愛，所以開會ê時陣böe-sái支持白話字。當事者感覺真憤慨，連教育部承辦ê人mä對這件代誌有意見，總是，後來ê結果是，t„會議中有發言支持白話字ê人，後來tö無受邀請去開會。各縣市派去參加會議ê人，大部份是教育局承辦相關空課ê人員，in對台語文無了解，böe去表示啥麼意見，這個情形下，提供支持TLPA ê學者操控會議ê機會。

後來，台大語言所張裕宏受邀請參加會議，伊mä是台灣語文學會會員，想böe kàu伊t„會議中對TLPA提出反對意見，結果是以後ê會議mä無邀請伊。

後來，因為有人向國際標準組織申請將白話字部份符號加入Unicode（後壁會詳細說明），這件代誌kah TLPA其實無t„-tài，˜-koh對部份支持TLPA ê學者來講，白話字是TLPA推展ê對敵，in開始著急，1997年十月十三號教育部召開「研商訂頒閩南語音標系統事宜會議」，會議中，師大華語文所曾金金對TLPA提出反對意見，結果第二pái會議tö無受著邀請[Tiu° 1998]；開兩pái會了後，tö趕緊t„ 1998年正月12號做出「公告」TLPA ê動作。國推會「公告」TLPA ê代誌，下面會詳細說明。

2.4 TLPA符號ê修改

TLPA是以白話字做基礎，新制訂ê符號，原本ê設計，kah白話字100%相容(Fully Compatible)，˜-koh教育部人指會t„ 1994年召開ê「鄉土語言輔助教材大綱專案小組」會議，決定將TLPA ê ts/tsh[tC,ts/tC^h,ts^h]（原來白話字是ch/chh）改做c/ch，按呢一改，tö kah白話字無相容，mä已經違背當初台灣語文學會制訂TLPA ê想法。‹-koh後來台灣語文學會開會通過人指會ê修改方案。Kah白話字無相容是真嚴重ê代誌，表示TLPA無beh續接白話字所留落來ê文獻資料，一切自頭開始，mä否定in家己原來用心計較無beh kah白話字衝突ê苦心。

Beh修改ê原因，是感覺”tsh” siu°過長（三個字母），這個修改有一kóa問題存在。台灣語文學會開會通過修改方案，真清楚有政治考慮，因為有官方背書，TLPA khah sak會出去，總是這個做法，已經失去立場，對後來台語文ê發展，mä造成傷害。

2.5 教育部「公告」TLPA

1998年正月12號，教育部國推會「公告」「臺灣閩南語音標系統」，內容是：

台(87)語字第八七ＯＯＯ五七七號

主旨：公告「閩南語音標系統」、「客家語音標系統」及「方音符號系統」，自公告之日起正式使用。

說明：

一、為便利鄉土語言教材編寫與教學參考使用，以及提供鄉土語言音標系統，供財團法人資訊工業策進會送交國際標準組織納入ＩＳＯ1064資訊標準中，爰訂頒上項音標系統。

二、附「閩南語音標系統」、「客家語音標系統」及「方音符號系統」。

根據了解，這個「公告」是為著beh阻止白話字部份符號申請著進入Unicode ê機會所趕緊進行ê動作。這個消息mä有hë t„ 國推會ê網站。[4]這真清楚是政治動作，咱會tàng看著一kóa互相矛盾ê所在。

教育部自1997年開始有針對台語編寫國校三至六年級ê試用教材，所用ê音標是白話字。兩項代誌對照起來，咱發現教育部家己立場真亂。

假使教育部beh慎重處理台語音標問題，應該是教育部內部先請專家開會討論、開公聽會，做成決議了後送行政院，chiah-koh送立法院通過。國推會「公告」TLPA，真明顯是無beh照步來，家己內部開兩pái會議niâ，只要造成有公告ê事實tö好。

「公告」了後無外久，開始有抗議ê聲音出現，1998年5月初6，t„立法院ê教育委員會，舉辦一場「台灣語言音標問題公聽會」，新聞稿內底強調，

「教育部公佈的這一套沒有歷史深度、沒有社會基礎、沒有經典文獻、沒有教科書，可用的辭典更付闕如。相較之下，白話字的出版品樣樣都有、國內外皆然，而且相當豐富。教育部捨POJ而取TLPA的理由何在，實在令人難以想像。而其決策過程之草率，犧牲過去七年來許多縣市用白話字訓練出來的台語師資，以及那些習得白話字的學生，就更令人髮指了。」

「教育部雖然在媒體上宣稱，說這套音標系統只是推薦使用，並沒有強制性。但是政府機關的行事規章多年來給人民的感覺都是：遵循權威，否定市場機制。這種不能因應人民需求的保守作風，顯然無法獲得人民的支持，導致陰奉陽違的消極抵抗，徒然浪費國家公共資源。所以，教育部大可不必重蹈往昔公佈第二式「國語」注音符號欠缺強制性、十幾年無人採用卻飽受譏評的覆轍。因此我們要求教育部，乾脆撤銷推薦以公佈的TLPA，讓全國人民選擇最有歷史深度、最有社會基礎、經典文獻最豐富、工具書最浩瀚的傳統白話字吧。」

公聽會ê結果，當其時ê教育部長林清江當面指示，教育部通過ê「臺灣閩南語音標系統」需要koh「從長計議」。[5]

問題是，國推會ê網站並無暫時先撤銷這個「公告」，明顯技術違規。

後來，國教司tih處理九年一貫鄉土語言課程ê時，in ê決議是「未來將不再強調使用何拼音系統」。2000年教育部出版ê國校台語教材試用版，繼續是白話字˜是TLPA。既然教育部本身意見無一致，按呢，這個「公告」等於一張廢紙，完全無效力，問題是，部份支持TLPA ê人，因為有這份「公告」，tö四界kä人宣傳，這是教育部「公告」ê，尤其對無了解這段過程ê一般大眾，包括民間參考書業者，特別有效。

2.6 意外ê插曲：TLPA申請ISO？

T„ 教育部國推會所「公告」ê「臺灣閩南語音標系統」公文內底，koh會tàng看著「供財團法人資訊工業策進會送交國際標準組織納入ＩＳＯ1064資訊標準中，爰訂頒上項音標系統」，這是chiah-ê著急beh推sak TLPA ê學者鬧出來ê笑話，kh¢g t„「公告」內底tú仔好證明這份「公告」ê無正當性。

Unicode(萬國碼)是為著beh h³世界文字ê電子資料會tàng互相流通交換所制訂ê編碼，1991年第一版收集28,302字，kàu 2000年第三版收集49,194字，目前繼續tih整理、增加中。其中，Unicode 1.1版以後tö lóng kah 世界標準組織所制訂ê ISO 10646維持一致。

T„ 1996年ê時陣，戴凱序向ISO會議提出申請將白話字iah無t„ Unicode編碼內底ê符號加入Unicode[6]。因為台灣負責ê單位是資策會，所以in tö問資策會，資策會對白話字無了解，所以轉h³教育部國推會，結果，國推會ê回覆竟然是：台灣已經無人tih使用白話字。後來，這個申請案無結果。

咱˜知影國推會是啥麼人講這款無符合事實ê話，欺騙世界標準組織，對咱國家ê國際形象是會造成真負面ê影響。

因為這層代誌，國推會趕緊chhìn-chhái開會了後隨「公告」TLPA。tih「公告」台語音標ê時，soah t„無變清楚ISO 10646是啥麼ê情形下，將ISO 10646 mä寫t„「公告」內底，h³人看了iãh好笑iãh怨嘆。

第一，竟然將「ISO 10646」寫做「ISO 1064」！

第二，若beh向ISO 10646申請，是申請符號，˜是申請音標系統名稱。

第三，TLPA所有ê符號，lóng t„ abc英文字母kah 123數字內底，無特殊ê符號，根本無需要申請。

第四，阮直接向資策會負責ê人求證，伊講：根本無這回事。

這內底有一kóa支持TLPA ê學者參與其中，為著beh ián倒白話字，kä TLPA扶正，soah用這款步數。總是chiah-ê學者用心計較，替這份「公告」補這段話，tú好補充說明這份「公告」是完全無公信力ê。[7]總是，一kóa支持TLPA ê學者kä這份當作寶貝，chhë著機會tö宣傳，TLPA是教育部公告、ISO登記ê。in實在有需要思考，利用學術去做欺騙ê嚴重性。

2.7 課程綱要ê風波

因為教育部決定beh t„ 2001年開始實施九年一貫課程，所以針對七個學習領域，教育部國教司請專家起草課程綱要，其中，台語是t„語文領域ê本國語文部份。課程綱要ê草案t„ 1999年出來，台語課程綱要ê起草者，tú仔是台灣語文學會ê成員，所以，TLPA tö koh寫入去a。

課程綱要lóng總分做：基本理念、課程目標、分段能力指標、分段能力指標與十大基本能力之關係kah實施要點五部份。其中，「分段能力指標」kah「分段能力指標與十大基本能力之關係」這兩部份，有新、舊版本ê差異。

簡單講，舊版ê課程綱要內底，若是寫「教育部『公告』台灣閩南語音標系統TLPA」iah是「TLPA」ê所在，lóng改做「音標系統」，這個修改，是根據2000年11月初3九年一貫課程國教司工作報告部長督導會報ê會議中所做ê決議：

本部已於本年九月三十日公布「國民中小學九年一貫課程暫行綱要」。本份綱要公布後，因拼音系統爭議，使得本暫行綱要之語文內涵備受各界關注。由於閩南語語文綱要強調應使用TLPA系統，而客家語則明定使用漢語拼語系統，為消弭各界爭議，本司已請該二組負責人修正此部分綱要，未來將不再強調使用何拼音系統。

問題是，若是去國教司九年一貫課程ê網站去chhë資料，網站頂頭käng款是kh¢g舊版ê課程綱要。[8]

教育部對台語師資ê培訓，若是thçh來kah英語師資培訓做比phëng，咱通看出教育部對台語ê部份處理態度真潦草。問題tö是因為教育部ê消極態度，h³ chiah-ê支持TLPA ê學者有機會n¢g縫。In用舊版ê課程綱要，要求民間參考書出版業者，你著愛用TLPA chiah會sái，另外koh發函h³每一間國校，kä in講TLPA是教育部「公告」ê。Chiah-ê動作，對一kóa t„第一線從事台語師資培訓ê老師造成一定程度ê影響，有ê用白話字做師資培訓，教kah一半，校長kä伊講：「這má教育部用TLPA，你哪bôai用TLPA！」[9]

2.8 其它ê事蹟

除了以上所提起ê論點，tiàm chia，beh將筆者所聽著，支持TLPA ê人對白話字ê一kóa講法做一下整理。

1. In講，白話字是「廈門白話字」，是中國來ê，˜是台灣ê，所以無適合台灣。

2. In講，TLPA是教育部「規定」ê。

3. In講，歷史上白話字有tih修正，˜是一直lóng無變化，TLPA會sái講是順這個潮流tih改良；白話字kah TLPA是父子關係，TLPA是好kiá°，˜是了尾仔kiá°。

4. In講，假使chiah-ê參考書業者使用TLPA，結果以後˜是採用TLPA，按呢chiah-ê參考書業者ê損失，愛向教育部提出國家賠償。

針對chiah-ê講法，筆者ê看法是：

1. 咱使用白話字，˜是因為伊是教會ê物件，mä ˜是因為伊是中國來ê物件，是因為伊已經有真chöe ê資源，對台語文ê發展有真大ê幫贊。假使中國傳來ê物件tö böe-sái使用，是˜是漢字mä böe-sái使用？in提出這款ê論點，本身有真大ê矛盾，利用教會kah中國來污名化白話字，作法非常無妥當。

2. Ùi國推會有問題ê「公告」，連教育部長tö感覺無妥當，結果soah將國推會擴大變做教育部，「公告」擴大變做「規定」，這款講法有欺騙社會ê嫌疑。

3. 白話字t„歷史上，確實有演變ê記錄，˜-koh，伊按怎變化，變化前後符號無相衝突，而且伊ê名稱猶原叫做「白話字」。TLPA kah白話字符號有衝突，而且伊已經改名，koh-khah按怎講，加加是h³人感覺差別無kài大，無人會認為這是käng款ê物件。

4. 這篇文章已經將chiah-ê問題講kah真清楚，教育部本身意見無一致，「公告」mä有問題，2000年11月國教司ê會議koh講無beh強調任何音標系統，設使參考書業者使用TLPA，有可能是in家己ê選擇，mä有可能是因為in接受TLPA支持者h³ in ê無完整ê消息，這beh牽對國家賠償ê層次siu°過勉強。

三、台語文運動角度看符號競爭

歷史以來，台語ê出版品，佔siöng多數ê是用白話字kah kha-na，kha-na ê出版品lóng總有外chöe，根據陳恆嘉ê〈日治時代台語著作目錄〉，整理出有129本，用kha-na書寫台語，是當其時台灣總督府beh h³日本人學台語所發展ê，伊並無t„教育體制內教台灣人這套符號，戰後這套符號已經失去使用者；白話字相關出版品有外chöe，根據筆者kah一kóa朋友做伙ùi 2000年開始整理ê，目前收集著ê白話字出版品，包括教材111本、字/辭典47本、刊物22種、其它ê書刊（小說、散文、新詩、gín仔歌、醫學、宗教、...等等）381本，數量繼續tih增加[10]；TLPA ê資料有外chöe？目前並無一個參考ê數字，洪惟仁老師pat向筆者表示，TLPA這幾年t„學術界受著真大ê歡迎，總是筆者認為，TLPA會有這個贏面，過程並無光彩，而且學術界tih使用TLPA ê時，是以華語書寫為主，這部份其實無算是台語文。

參與台語文運動ê人，lóng會思考一個問題：這個運動ê目的是啥麼？筆者認為，咱至少有一個共同ê目標，tö是希望台語受著應該有ê重視，包括gín仔受台語教育ê權利，包括台語t„大眾媒體播送ê機會...等等。T„推sak這個運動ê時陣，咱會去傳達咱ê理念，會去抗爭，會去運用一kóa手段來引起社會大眾ê關心，種種ê作法，是合理ê，有正當性ê，這mä是一個運動beh推sak，siöng基本ê道德檢驗標準，假使這個標準hông拍破，這個運動tö無可能正常來發展，既然你得著某一個地位是用暗步來ê，別人böe服，有樣看樣，另工我有才調，舞一齣khah大齣ê kä你拼h³倒。台語文運動ê符號競爭，t„部份支持TLPA ê學者chhöa頭將規矩拍亂了後，這個危機已經出現a。

若是以這個角度來看，部份支持TLPA ê學者，無照一般社會運動ê方式來公平競爭，soah用in會tàng運用ê勢力，將TLPA kah無關心本土語言ê政府相關機構掛勾，掛勾了後反倒轉來壓迫其它符號，顛倒kä台語文運動sak去khah嚴重ê處境，h³人˜知beh按怎繼續推sak台語文運動！咱本來希望政府單位來重視這個問題，按呢chhiâu落去，soah h³ in一個khiä kôan山看馬相踢ê機會，h³ in t„這個議題頂面繼續拖，使用者聽kah花sà-sà，兩面為難，kui氣mài去khap台語文，延誤台語文復興ê時機，尤其tãk家lóng知，拖愈久，台語死愈緊。

四、結論：TLPA十歲ê檢討

經過一kóa人ê政治運作，h³ TLPA暫時取得一kóa地位，˜-koh伊取得地位ê過程真受爭議，tö親像伊hông kh¢g t„桌仔頂，˜-koh桌腳無在，隨時有可能因為另外一批人用類似ê步數，h³ TLPA ùi桌仔頂põah落來。事實上，這款代誌當tih進行[11]。

符號本身是無辜ê，值得議論ê是背後chiah-ê政治運作是˜是有正當性。寫這篇文章˜是beh反對tãk家使用TLPA，使用者本來tö有權利做選擇，只是t„選擇進前，使用者有權利得著充分ê資訊。

關係TLPA ê問題：

(1) 台灣語文學會當初beh自立山頭制訂TLPA，本身已經存在真chöe問題，尤其是將非正式ê數字標調方法當做正式ê表示法，chiâ°做世界上獨一無二用數字表示聲調ê音標，這個原因竟然kan-na是因為p„n-töa°處理電腦文書問題；

(2) 用學者ê力量，誘拐原底對本土語言採取消極立場ê教育部去否定各縣市ê母語教材，t„參加會議ê人無清楚，並且排除反對TLPA人士ê情形下，將TLPA sak h³教育部國推會人指會替伊背書；

(3) 人指會ê委員無了解前因後果sa來烏白改，修改TLPA ê結果，將原來台灣語文學會制訂TLPA無beh kah白話字衝突ê用心tàn一邊，想böe kàu台灣語文學會為著beh推sak TLPA，無顧原來ê想法，開會通過追認人指會修改案，開始h³ TLPA kah白話字對立；

(4) 為著beh阻止白話字向ISO申請加入白話字調符，用「台灣已經無人tih使用白話字」這款無符合實際ê講法欺騙世界標準組織，驚白話字浮頭將TLPA ê地位搶去，著急請國推會「公告」TLPA，公告siu°過chhóng-pöng將ISO 10646寫˜著，koh假影向ISO申請TLPA來欺騙社會大眾。後來ê公聽會，教育部長否定這份「公告」，教育部國教司mä重申無強調任何音標系統ê立場，而且教育部繼續出版白話字ê台語試用教材[12]；˜-koh教育部本身技術犯規，繼續t„網站刊出有問題ê「公告」kah課程綱要，這mä表示教育部態度siu°過chhìn-chhái；

(5) 部份支持TLPA ê學者用這份有問題ê「公告」四界去推銷TLPA，推銷去學術界、中小學、民間參考書業者、參加台語師資考試ê考生，另外，部份人koh為伊個人趁著一kóa經濟利益。

以上種種，h³人感覺TLPA ˜是用正當ê手段得著伊這má ê地位，講起來並無光彩。

接觸台語文ê人，包括國校學生，可能會因為chiah-ê符號ê戰爭，對台語文產生負面ê看法，總是，這個問題無通避免，台語文界無共識，教育部mä ˜敢khap，短時間內應該是無解。

只是咱希望，chiah-ê符號ê競爭，是透過khah公平合理ê手段做良性ê競爭，˜是用àu步得著短暫、無穩ê地位。本文˜是beh傳達「böe-sái用TLPA」ê觀念，每一個人lóng有權利選擇伊合意ê拼音系統iah是文字，˜-koh做推廣ê人böe-sái為著達kàu伊ê目的去欺騙社會大眾，這會造成台語文推展ê危機。

今年TLPA tö beh滿十歲a，這十冬來，in認為in t„學術界得著大支持，若換另外一個角度來看，1992年以後：

(1) 台語文工作者óa過去ê人數實在chiâ°有限；

(2) 台語文學作品，罕得看著使用TLPA ê；

(3) 正式出版ê台語刊物，kan-na一份《掖種》使用TLPA，而且已經停刊；其它親像《台語學生》(1992.7-1994)、《台灣百合論壇》(1995-1996.11)、《台文罔報》(1996.10~)、《蓮蕉花台文雜誌》(1999.1~)使用白話字、《TGB通訊》(1999.11~)、《TÂI-ÔAN-J‚》(2000.5~) lóng是使用白話字；

(4) 出版ê辭典，用TLPA有兩本，分別是樟樹出版社ê《實用華台對照典》kah五南出版社ê《台灣閩南語辭典》；使用白話字ê，包括1994年自立《實用台語小辭典》、《分類台語小辭典》，1996年立昌《國音對照台語字彙》，1997年師大地理系《台灣地名辭典》（上中下三本），前衛《台灣俗諺語典》（五卷），2000年萬人《台語字彙》，lóng總有12本。

簡單列出這四點，TLPA t„十冬前出世ê時陣，一kóa人對伊有深深ê寄望，想盡辦法beh h³伊t„世間khiä起，總是，方法、手段無好，台灣社會mä證明，這十冬來，TLPA並無成功。

謝詞

這篇文章真歹寫，總是，每一pái第一線ê台語文工作者受著支持TLPA ê人ê打壓了後來kä我投ê時陣，tö迫我家己愛緊將chiah-ê觀點整理清楚。寫這篇文章親像tih s¡g拼圖，一塊一塊慢慢仔鬥起來chiah khah清楚TLPA t„台語文運動ê定位。代先感謝真chöe無願意公開名姓ê報導人提供第一手ê資料，chiâ°做這篇文章ê基本材料，感謝台大語言所張裕宏教授，伊t„身體無爽快ê情形下，koh認真將初稿看了，h³筆者真chöe修改意見，koh提供第一手資料h³筆者，另外，mä感謝夏威夷大學東亞語文系鄭良偉教授、哈佛大學東亞語文系李勤岸教授、台東師院語教系張學謙教授、《台文罔報》編輯劉杰岳先生、《台文罔報》總編輯陳豐惠小姐、德州大學語言所博士班蔣為文先生、《台語網》負責人陳鄭弘堯先生，《台文罔報》編輯陳德樺先生、成大台文所專案計畫助理廖麗雪小姐等等ê好朋友，t„本文寫作期間，h³筆者真chöe寶貴ê意見。

參考資料

[Âng 1992] 洪惟仁：〈台灣語文學會成立經過〉，《台語文摘》第5卷第1期頁49-50，台北：台語文摘雜誌社，1992年1月。

[Chiu 2001] 周蔚譯，David Crystal著：《語言的死亡》，台北：貓頭鷹，2001年3月。

[Gî 1990] 宜蘭縣政府：《本土語言教育問題第一次研討會》，宜蘭：宜蘭縣政府，1990年6月。

[G² 1995] 吳守禮：〈保存在早期閩南戲文中的南管曲詞〉，《閩台方言研究集(1)》頁107-124，台北：南天，1995年3月。

[Hông 1991] 磺溪文化學會：《台語文研究會議─台語文字統一標準化運動論述集》，彰化：磺溪文化學會，1991年7月15號。

[Iû° 2001a] 楊允言：〈個人電腦處理台語羅馬字ê 探討〉，《資訊技術與應用學術研討會》，花蓮：大漢技術學院，2001年5月初7。

[Iû° 2001b] 楊智穎：〈解嚴後台灣鄉土語言課程發展的回顧與展望〉，《九年一貫課程與多元文化教育學術研討會》頁447-463，花蓮：花蓮師院多元所，2001年12月初6~初7。

[Iûⁿ &Tiuⁿ 1999] 楊允言、張學謙：〈台灣福佬話非漢字拼音符號的回顧與分析〉，《第一屆台灣母語文化重生與再建學術研討會》頁62-76，台南：台南市文化基金會，1999年6月19號。

[Kiú 2001a] 九年一貫鄉土語言台語(閩南語)教材資源中心網站，http://203.64.42.21/POJ

[Kiú 2001a] 九年一貫鄉土語言教育台語羅馬字進修教學網站，http://elearning.lib.ntttc.edu.tw/TGLMJ

[Lâu 2001] Lâu Kiãt-gãk，〈Unicode ê pit-kì〉，《TÂI-ÔAN-J‚》第6期，高雄：高雄台語羅馬字研習會，2001年3月。

[Lí 1995] 李勤岸：《李勤岸台語詩集》，台南：台南縣立文化中心，1995年11月。

[Tâi] 台語網頂面ê相關討論，http://groups.yahoo.com/group/taigubang/

[Tân 1992] 陳恆嘉：〈日治時代台語著作目錄〉，《台語文摘》第5卷第1期頁36-39，台北：台語文摘雜誌社，1992年1月。

[Táng 1992] 董忠司：〈台灣語言音標方案的擬議和完成〉，《台語文摘》第5卷第1期頁51-57，台北：台語文摘雜誌社，1992年1月。

[Thong 2000] 台灣通用語言拼音網站，http://abc.iis.sinica.edu.tw/

[Tiuⁿ 1998] 張裕宏：〈官版台語音標系統怎麼制定的？〉，《教會公報》2411期，1998年5月17號。

[Tiuⁿ 2001] 張裕宏：《白話字基本論：台語文對應&相關的議題淺說》，台北：文鶴，2001年3月。

[1] 客秋亞語是南美洲印地安語，使用這種語言ê人口有七百萬人左右，會sái參考網站頂面ê紹介 http://www.worldlanguage.com/ChineseTraditional/Languages/Quechua.htm 。

[2] 1990年6月23-24號，由宜蘭縣政府舉辦，t„中央研究院召開本土語言教育問題研討會，討論台語ê音標kah文字；1991年7月15號，磺溪文化學會t„彰化文化中心舉辦台語文研究會議，lóng是希望tãk家做伙坐落來討論出一個共識。‹-koh，除了tãk家利用機會推sak家己合意ê hit套符號以外，並無實際ê共識。

[3] T„電腦界有類似ê例，當初中文內碼mä是有真chöe套，包括BIG-5、shift BIG-5、電信碼、...等等，資訊工業策進會應該是khiä t„協調ê角度來處理，結果in家己koh去舞一套「公會碼」出來。後來是市場決定，BIG-5 chiâ°做大多數ê選擇。比較起來，台語音標欠缺市場決定這個條件。

[4] 這個公告，會tàng t„ 國推會ê網站 http://www.edu.tw/mandr/bbs/1-4-5.htm chhë著。

[6] 無t„ Unicode編碼ê意思是無一個內碼表示這個符號，˜-koh無表示böe-sái使用這個符號，因為符號會tàng用組合ê方式來處理。

[8] 台語課程綱要，kh¢g t„ http://teach.eje.edu.tw/data/890930九年一貫綱要/語文領域綱要內容/閩南語文.htm ，雖然後來會議決定要修改，mä真正有修改，國教司網站並無kh¢g修改後ê版本，修改後ê版本，請參考下面ê註。

[10] 值得提起ê是，最近成大台語文學研究所呂興昌教授當tih進行中ê台灣白話字文學資料蒐集整理計畫，koh h³真chöe白話字文獻「出土」，t„最近，這份文獻資料按算beh將呂興昌教授收集著ê資料補充入來。

[11] 可比講通用拼音乙式。通用拼音雖然有甲式kah乙式，總是，sak通用拼音ê人，lóng kan-na推sak乙式，in利用類似ê手法，tih向白話字kah TLPA奪權。總是這個問題，本文無按算beh討論。

[12]教育部鄉土語言教材編纂委員會出版ê《國民小學鄉土語言教材河洛語學習手冊第二冊(四年級)》t„ 2001年出版，是目前所知教育部最近一pái出版用白話字ê出版品。