台語文字電腦化發展 ê 現況kah問題 --
以HOTSYS®台客語文系統為例
摘要
本論文說明台語文字資訊化對台語文化 ê 復興重要意義。並且以HOTSYS® 台客語文系統發展過程tú
著
ê 問題，來探討台語文字（羅馬字）電腦化 ê 現況kah
問題。煞尾提出未來發展方向 ê 建議，誠做執政當局參考，儘速協助本土語言順利完成資訊化 ê 重要工課。
一、台語文字電腦化 ê重要性
本土語言滅亡危機
21世紀將是弱勢語言會使繼續生存的 ê 時代。世界各地的語言以驚人 ê 速度teh流失、死亡。過去五百冬內，世界上 ê 語言消失超過一半以上，估計數以百計 ê 語言將在這個世紀末消失（Sasse 1990﹕1）。Chit-má 世界上有將近六千種
ê 語言，到了21世紀末90％的語言會死亡、滅種（Krauss1992）。台灣本土語言流失 ê 情形也相當嚴重。台灣本誠有二十幾種不同 ê 語言，但是有一半已經死亡了（李壬癸 1997）。根據鄭良偉教授 ê 觀察，台灣人母語滅種 ê 徵兆，表現 t„ 母語使用 ê 人口減少、母語使用 ê 場合縮減以及使用母語 ê 能力減退（鄭良偉 1990）。調查台灣本土語言使用 ê 學者指出福佬話、客家話都有衰微 ê 跡象（Young 1988）; 尚悲慘是，原住民語言已經走向滅種之路（黃宣範 1995）。語言學家張裕宏教授甚至憂心teh 指出原住民語、客家話和台語將一個續一個 ê 在台灣島上消失！文建會羅文嘉副主委指出若是情勢無改善，免kà 20冬，客語就會消失(明日報5/29/2000)。因此beh按怎挽救這種語言消失滅亡 ê 趨勢，甚至促成伊 ê 復興，實在是咱這輩台灣人 ê 重要責任！
資訊化是本土語言復興 ê 關鍵因素
Beh按怎改變本土語言滅絕 ê 危機，h³ 本土語言重新koh活過來？其中尚界重要 ê 關鍵就是按怎h³ 本土語言資訊化（電腦化），h³ 伊滿足現代資訊社會溝通 ê 需要。文字化(graphization)、標準化(standardization)、現代化(modernization)是語文規劃（corpus planning） ê 主要內容，也是語言資訊化
ê 基礎工程。文字化指 ê 是按怎將語言用文字表記 ê 問題；標準化則是進一步追求寫法一致、要求文字使用規範化；現代化是指將語文發展到符合現代社會需要，會凍成做現代文化、科技、經濟、資訊交流 ê 便利工具。講倒轉來，資訊化對語言 ê 文字化、標準化、kah 現代化仝款扮演著尚重要 ê 角色。
語言資訊化 ê 範圍誠闊，包括文字電腦化、語音電腦化等等。其中文字電腦化這項會使講是尚界重要koh 尚基礎 ê 工程。比如講，濟濟 ê 學者已經發覺，現代 ê 母語教育若干單注重口語，無適當 ê 書面語配合，註定是愛失敗 [張學謙，2000；kah 內面 ê 參考資料]。而書面語 ê 發展t„
chit-má 現代社會，一定愛透過語言資訊化 ê 協助，才有可能做到標準化、現代化。因此，本文干單beh 探討台語文字電腦化 ê 課題。
台語文字
ê 定義
廣義
ê 台語文字包括漢字kah羅馬字。除了漢字以外，福佬話所使用 ê 羅馬字，一般號做教會羅馬字iah 是白話字、台灣字（本文稱台語羅馬字），伊 ê 歷史已經超過一百冬。T„ 台灣，以台南府城為中心，1885年《台南府城教會報》創刊，陸陸續續有真濟出版品，雖然經過日本時代kah 國民政府時代政治力量 ê 壓制，˜-koh 後來政治khah 開放，台語文運動漸漸受著重視，使用台語羅馬字 ê 出版品，ùi 早期
ê 傳教、編字典、台語教材，到這陣koh 有文學創作、翻譯作品、學術論文、長短篇小說...等等台語文字，面向真濟而且豐富，koh卡重要 ê 是，使用 ê 人並無限定教會人士。台灣各原住民族 ê 語言屬南島語系，無聲調 ê 問題，t„ 電腦文書處理方面khah 無問題，˜-koh 福佬話kah 客話 ê 羅馬字需要處理聲調 ê 部分。所以t„ 電腦處理方面會khah 麻煩淡薄仔。現此時處理台語漢字kah 有聲調 ê 台語羅馬字尚界成熟、利便kah 具代表性 ê 電腦軟體應該是HOTSYS® 台客語文系統。因此後壁咱就以這個系統做例，來說明chit-má 台語文字電腦化 ê 現況kah
問題。當然koh 有其他 ê 電腦軟體[見楊允言，2000]，不過˜ 是本文beh 探討 ê 對象。
另外，講著台語文字電腦化一定愛提起TW301（台語文字輸入系統，鄭良偉，1993）。TW301是美國夏威夷大學東亞語文研究所鄭良偉教授t„ 1990年發展 ê 軟體，提供彼當時台文工作者一個真利便 ê 工具，貢獻誠大。TW301是利用BIG-5、倚天中文系統t„ MS-DOS頂面做基礎來發展
ê。‹-koh
因為電腦作業系統 ê 進入圖形界面（微軟公司sak 出一系列中文視窗版本），TW301雖然對台語文運動幫贊真大，嘛無法度阻擋這個趨勢，註定愛行入歷史。
二、HOTSYS®台客語文系統
背景kah 基礎
HOTSYS®正式 ê 名稱是HOTSYS®-HAKSYS®，是tòa t„ 美國南加州 ê 蘇芝萌先生所構想、發展
ê 軟體。HOTSYS® ê「HOT」是HoloTaibun
ê 縮寫，HAKSYS® ê 「HAK」是Hakka ê 縮寫。蘇先生是電腦兼航太工程師出身，對電腦系統、軟/硬體 ê 掌握度真有夠，尚界要緊
ê ，這個軟體有團隊 (Team work) ê 概念。根據了解，目前使用台語羅馬字
ê 台文工作者，大部份攏用HOTSYS®。
蘇先生t„ 1991年 ê 時，參加南加州 ê 台文習作會(Taiwanese Writing Forum)，嘛開始接觸TW301等台文軟體，漸漸開始構想組織「HOTSYSˆ台文電腦發展協調站」，並且進行相關軟體 ê 研發kah
協調
ê 工課，包括T/Windows 輸入法、永遠 ê 台文計畫（目標是20萬台語詞）、數字/
調符轉換系統、要求微軟公司 ê Word愛增加HOTSYS® 建議 ê 功能、TP( Taiwanese Protocol)白話字標準 ê 制訂、設立網站提供大眾掠HOTSYS® （http://www.HOTSYS-HAKSYS.com/)加入HAKSYS® 處理客話、……等等，這寡攏會凍說明HOTSYS® ê 目標不止仔大。
HOTSYS® ê 發展，是以Windows 作業系統做基礎，1994年正式提出，hit 陣是英文版Windows加雙橋漢字系統，這是t„ 美國 ê 台灣人beh t„ 個人電腦頂面使用漢字 ê 一種方式；˜-koh t„ 台灣，Windows 3.1 有中文版，無啥人會去用雙橋系統，所以HOTSYS®
就繼續改版。1996年sak出中文Windows 3.1 ê HOTSYS® 版本，後來微軟繼續出Windows 95/98作業系統，HOTSYS® 嘛攏tóe 有著，sak 出配合 ê 版本。圖形介面 ê Windows作業系統問世了後，DOS系統 ê 市場真緊就 kiu 去，自然引起TW301 kah HOTSYS®使用者消長 ê 情形。除了Windows作業系統，HOTSYS® 另外一個基礎是Word文書處理軟體。
技術問題：調符、漢字輸入法
調符 ê 部分，t„ Word文書處理軟體頂面使用
ê 英文字，主要是Times New Roman kah Arial兩種字型，HOTSYS®另外造HoloWin（卡óa Times New Roman）、HakkaWin!（卡óa Arial）koh Hobo（bo表示bold，粗體，通好運用t„ 標題）三種字型。T„ Windows系統，漢字 ê 顯示方式kah DOS無siâng，使用1 byte ê 字型無需要去sè 漢字內碼 ê 縫，所以˜-tä° 128-160，連161-255 tö 會使使用tit 。按呢，帶調符 ê 台語羅馬字，包括大寫 ê 攏會得入來（請參考附錄一 ê 表）。
漢字輸入法 ê 部份，Windows作業系統本身嘛有提供類似詞庫輸入法 ê 物件，˜-koh HOTSYS® 採用無仝 ê 方式。設使利用詞庫輸入法，使用者就會使根據家己 ê 需要來修改，TW301就是按呢，HOTSYS® 認為若h³ 使用者凊采去修改會造成版本無一致 ê 現象，是真˜ 好
ê 代誌。所以，伊另外發展T/Windows台文輸入法，會使將伊當做是獨立出來
ê 應用程式。觀念上，詞庫 ê 部份包起來，使用者無法度將詞庫叫出來改。
T„ 這個詞庫內底，kah TW301 仝款有多音詞、簡拍法、直拍法等 ê 功能。另外值得提起 ê ，就是E/T永遠 ê 台文計畫。 這個計畫 ê 目標是beh 收集二十萬詞（目前iah 未達到，˜-koh 已經超過五萬詞，包括江永進教授翁仔某捐贈 ê 詞），kah TW301無超過一萬詞比起來，詞條加誠濟，無仝腔口
ê 攏收（像tibah、tubah），無仝用字 ê 嘛盡量收（像「拍字」、「扑字」），而且除了基本 ê 動詞、名詞、形容詞、副詞、…以外，koh 收動詞組、名詞組、形容詞組等等，可比「台灣人 ê 」、「我是」、「123巷」…嘛攏有收。
詞條濟並˜ 是無缺點，詞條愈濟，仝一組齒，重覆 ê 機會嘛愈大，T/Windows輸入法提供一個真好用
ê 功能，咱揀過 ê 詞，以後會排t„ 頭前，可比拍「e7」出來「1會
2下
3廈…」，咱揀 2 （chh…h
F2），以後koh 拍「e7」 ê 時，順序就變做「1下 2會 3廈…」。所以用一段時間了後，卡無用著 ê 詞條就會慢慢仔走對後壁去。
另外，HOTSYS®會自動將使用者拍 ê 數字轉做調符，可比咱拍「phang2」，HOTSYS®會自動kä 換做「pháng 」，這是運用Word自動校正 ê 功能，˜-tä° 按呢，koh 根據Word提供 ê 巨集(Macro)，用VBA寫一寡公用程式（Utilities）。可比講將羅馬字部份轉做斜
ê 紅字，koh 會凍將通篇 ê 調符轉數字、數字轉調符，這是顧慮著無使用HOTSYS® ê 人kah t„ Word以外 ê 軟體（可比WWW）使用 ê 時，愛有一套方便交換
ê 檔案格式。
貢獻
HOTSYS® 因為是t„ Windows系統頂面運作，排版印刷品質加誠好，所以，大部分原來使用TW301 ê 台文工作者，攏改用HOTSYS® ，包括教會公報、台文通訊、台文罔報、蓮蕉花台文雜誌、台灣字等 ê 台文雜誌，koh 親像5%台譯計畫等等，另外koh 有誠濟無公開 ê 物件攏是使用HOTSYS® 。
HOTSYS® iah 未出來 ê 時，bat 有反對使用台語羅馬字
ê 台文工作者批評，講Windows系統頂面beh 造調符iah 是輸入真費氣。暗示台語羅馬字t„ Windows系統是行未通 ê 。總是，HOTSYS® 做到--a ，親像HOTSYS® ê 廣告詞：HOTSYS® 台文系統讚koh phä°!
優點kah問題
綜合以上所講 ê ，HOTSYS®
有下腳 ê 優點：
(1)
證明台語羅馬字電腦化其實是推廣kah 心態 ê 問題，根本著˜ 是技術問題。
(2)
伊是目前所知唯一用自發性團體力量（Teamwork）合作完成 ê 台語相關軟體，t„ 台語文運動山頭滿四界、這山卡高過彼山 ê 環境之下，這點實在真可貴。
(3)
輸出品質好，h³ 人未凍用這點來嫌台文作品iah是批評台語羅馬字。
(4) 帶聲調 ê 羅馬字現拍現出現，增加拍字 ê 速度。