九０年代以來校園台語文運動概況-4

學生台灣語文促進會

因為傳播媒體,到目前 普遍來講,並無支持台語文運動,所以這條路並毋是真好行,但是嘛因為按呢,益閣有真儕議題通好來 拍拚。

這幾冬來佇社會上,本土意識漸漸浮峘,使用母語的尊嚴嘛慢慢仔受著大家 的接受,這會是一個真大的支持力量,支持大家繼續來做。

回顧這幾年所做的,咱才來發現,當塊[teh,在]做的時陣,大家攏真拚勢[拚命],想著 應該愛做的,著一直衝落去。chit-ma2翻頭來看,發現所做的成果嘛是真可觀,算是交出一張提會出來 的成績單仔;當然,這並無表示該做的代誌攏做好a。以前做過,應該繼續接落去做的,包括縣市長母語 教育實行程度的追蹤、台語文工作者會凍繼續進行、繼續推拺[thui-sak,推動]台語相關課程排入 通識課程、辦高中生台語營隊向少年的新生代湠台語的根、佮社會的台語文運動者有閣卡好的交流 ……等等,希望後進少年輩的台語文運動者,會凍繼續來完成。

學生除了佇學校愛將角色扮演予好,將台語文湠予開,嘛應該卡捷[chiap8,常]佮 社會結合,舉辦予社會會凍共同參與的活動,親像台灣民俗的暗會,踏出校園,結合社會力量。

另外,針對以前佇學校做台語文運動,但是目前已經畢業的朋友, 最近嘛有按算 欲組聯誼會, 將這寡分散出去的力量閣合倚[oa,靠近]來,咱期待大家佇無仝的所在,共同繼續來奮鬥。

附錄 :

一、常用字詞表