九０年代以來校園台語文運動概況-0

學生台灣語文促進會

0. 前言

這篇文章欲[beh/boeh,要] 來介紹90年代學校內底台語文運動相關社團的情形,對這個運動做一個初步的整理,並且提出一寡 [chit-koa2,一些]觀點。

所謂的「台語」,是指台灣本土的語言,包括福佬話、客話、原住民語,但是 這篇文章限定範圍,kan-na[只]揀福佬話的部分來討論,因為這篇文章的討論重點囥[khng3,放]佇[ti7,在] 文字化運動,一般學校內的客家社團並無將文字化的空課[khang-khe3/khoe3,工作]當做是最主要的 拍拚目標;少數的原住民社團嘛[ma,也]是類似的情形。

這篇文章是集體創作的成果,集合一寡參與其中的朋友的意見[註]。但是, 因為寫作時間卡匆磅[chhong2-pong7,匆忙],而且,一寡朋友卡奧[o3,難]聯絡著,致使無法度佇文章內底 整理出尹[in,他們]的觀點。總是,這只是一個初步的整理,期待參與這個運動的朋友有機會繼續將 觀點補充予[hou7]chiau5[完整]。

文章用福佬話文來書寫,拼音系統採用白話字(教會羅馬字),為著排版的利便, 無標聲調,符號嘛有淡薄仔修改,讀者假使感覺讀起來卡食力,會使[e7-sai2,可以]先參考附錄的字詞表 了後才來看文章。