第五章結論kap建議
5.1結論
5.1.1研究結果
本研究是uí關心台灣語文ê前途，所發展出ê 行動研究。台灣語文，除了華語以外，Hō-ló台語，客家語kap原住民語是hông疏忽ê語言，有消失ê 危險。1945年國民黨來台，用「天下為公」ê 大帽壓制台灣所有ê語族講仝款ê語言—華語，以少數人控制台灣ê語言生態，造成台灣語言漸漸被華語汰換。1987年解嚴，語言壓制減輕，砼-koh 台灣語言仝款受著自然死亡ê 陰影，繼續消亡。本研究uí「教育」ê角度，思考救亡之道，盡一寡力。
研究方法採三個階段：
1. 用文獻探討了解台灣語言ê處境
Uí 日治時代kap終戰后政府ê語言政策攏是獨尊「國語」，單一語言ê 同化政策。𣳈-koh 人民並無滿足現狀，先后tī日治時代kap終戰后展開一波一波 ê 「鄉土文學」、「台灣話文」、「母語文學」運動，用母語創作ê文學作品一篇一篇發表。
𣳈-koh 母語文學至少受著二項阻力，第一，因為欠缺教育權，學生無機會tī學校學著母語寫作ê作品kap方法，所以母語文學無觀眾，相對tō無市場；第二，因為出名作家、學者ê阻擋，認為「母語文學」，是「小眾ê」，是「阻礙溝通ê」，是「分化 ê」，用各種理由阻擋母語文學ê發展。
隨著多元文化主義ê風潮，母語文學有了理論ê根據，爭取語言平等權、語言教育權，而且擁護族群ê歷史記憶，族群感情kap文化ê特色，而且爭取所有語言ê「永久發展」。
Hō-ló台語讀寫系統發展到tan有三種情形：全漢、漢羅、全羅，已經有法度完全表現台語讀寫ê需要，砼-koh母語教育iaú無全面落實，標準化ê空課閣有一段遠路。
2. 根據教學理論、Hō-ló台語文學作品，設計一套Hō-ló台語文讀寫課程
Chit套Hō-ló台語文讀寫課程有兩個設計方向，第一，是借文學作品ê欣賞培養寫作能力，寫作ê讀寫系統並無限制，uí三種情形：全漢、漢羅、全羅中選一種來書寫Hō-ló台文。第二，是借討論ê方式開闊學生ê眼光，包括客家文學、原住民文學ê思考。
本課程設計，目標精神比實際內容khah重，tō是講課程內容是會tàng隨地區ê特色來改變。
3. 經過兩學期 ê 實際教學，修改課程
兩學期ê實際教學tú著一寡問題，利用行動研究的方法，修改課程。因為台東ê特殊情況，原住民占台東人口有三分之一，所以課程中有誠重ê原住民議題。Tī別所在ê上課內容應該bē-tàng相仝。
以下是研究結果ê整理
1. 文獻探討ê啓示
(1) Uí文獻探討了解1987年以來，母語教育kap母語文學發展快速，應該把握時機，克服困難，繼續推展。因為語言是人ê自願行為，語言消失是不知不覺te進行，當伊變成事實ê時，tō無力回天。
(2) 文學ê「大眾」、「小眾」，「工具論」、「文化論」等等之爭，應該是有明朗ê哲學依歸，雙方若會tàng 理智論事，互相了解，無必要ê 攻訐行為tō會tàng避免，而且互相完成完整ê思想體系。
(3) 教育部既然承認Hō-ló台語、客語、原住民語是「本國語言」，應該承認母語文學進入國文課本ê正當性。
(4) Hō-ló台語讀寫系統雖然有三種情形：全漢、漢羅、全羅，砼-koh漢羅系統雖然推展上晚，卻是目前ê顯學。
2. 課程實踐ê結果
(1) 課文內容方面：
a. 引起動機部分無夠工夫，先uí「為啥物boeh Hō-ló台語讀寫開始」，引起學生 ê 好奇，可能是khah好 ê 安排。
b. 課文 ê 安排應該由淺入深，安排順序若是「故事，笑話」＞「Hō-ló台語漢字」＞「白話字」＞「文學作品」，可能是khah好 ê 安排。
c. 白話字節數增加，若程度好 ê 班級可能三節課是有夠，若程度bái可能愛加延2點鐘以上。
d. 選擇 ê 作品愛閣kha慎重，課文 ê 選擇、評估攏愛閣用khah濟工夫去進行。
(2) 學生ê學習情形：
a. 羅馬字ê學習情形：有兩三個學生達著老師ê要求，砼-koh人數siun少，羅馬字教學算是失敗ê。
b. 學生書寫Hō-ló 台語作品情形：學生有成功ê作品出現，教師對chit部分ê教學結果khah滿意。學生kah意 ê讀寫系統偏向全漢、漢羅，砼-koh 學生所寫出來ê作品數量偏向漢羅，因為用全漢目前無完全有適合Hō-ló 話 ê漢字，所以學生使用ê時會tú著大量「借意」ê情形，看ê人無法度知影音是安怎唸，只好用華語唸，變成華語文去-ah。
c. 學生ê討論情形：討論意願無夠，頂下學期比較，頂學期khah好，砼-koh 頂學習大部分是針對文學作品ê討論；有兩個議題出現仝款ê信念：第一，對母語 ê 態度是傾向「看重家己的母語kap尊重別人講母語」；第二，對族群合諧 ê 態度，學生普遍有民主、自由、平等、尊重、反利益、反冤仇 ê 觀念。
5.1.2研究限制
5.1.2.1 研究者方面
1. 研究者是Hō-ló人，無原住民及客語 ê 語文能力，所以上課限制會曉Hō-ló台語chiah來上課，砼-koh實際來上課ê學生中，有一寡bē曉Hō-ló 台語，無法度兼顧所有ê學生。
2. 研究者 砼 是特別受著台語文 ê 教師訓練，靠家己 ê 興趣去自修台語拼音系統(白話字)，所以本論文所教 ê 是白話字教材。
3. 研究者大學ê時是讀數學系，教冊ê時轉向電腦教學，對語言、歷史、哲學有khah青疏，所以思考部分可能有khah無周到。
5.1.2.2 學生方面
1.學生siūn少，學習動機閣無強，選修ê學生大部分是選無別課本來修。
2. 學生過去ê 學習背景，「填鴨」、「華文」、「漢字」ê 思想，阻礙討論ê客觀性。
3. 學生過去tī 國小國中無受過母語 ê 教育，對羅馬字無了解，感覺生疏無kà意，羅馬字教學部分，結果並無滿意。
5.1.4預期貢獻
提供Hō-ló台語讀寫課程教材設計ê思考方向：
1. Uí多元文化角度kap語言人權ê爭取顯示母語文字化ê正當性。
2. 為boeh快速教育學生讀寫 Hō-ló台語，免為走chhoē本字延誤教育ê時機，羅馬字ê教學kap使用是方便閣有效率ê。等到Hō-ló 台語讀寫成作一個風氣，若有需要，閣進行本字ê追踪，mā是一個策略。
3. 用Hō-ló 台語文學作品 (小說、散文、詩) 做學習ê範例，是直接閣實際ê方法。
4. 學生實際創作，tan開始難免有漢字烏亂taù，羅馬字烏白拼寫 ê情形，正是教師介入改正ê時機。「Uí錯誤中學習」是本課程ê策略之一。
5. 討論教學、批判思考是改變以早「填鴨」ê教法，h儎 學生成作有批判力有實踐力 ê 主體，無toè人 ê 意見gōng-gōng-seh。
6. 實際ê教學經驗，提供可能出現ê教學問題，做以后課程ê修整。
5.1.4日后研究課題
1. 「母語文學」ê爭論ia-boē落幕，愛建立閣khah嚴格ê思想體系。
2. 課文kap節數 ê 安排攏愛閣調整，由淺入深是基本原則。
3. Hō-ló 台語文學作品愛閣深研，chhoē出適合高中生研讀ê範文。
4. 羅馬字ê教學方法愛閣khip收實際經驗，h儎教師會tàng tī短期中達到教學目的。
5. 討論教學方法愛閣khah細緻，教室情境安排mā愛調整，chiah會tàng引起學生討論ê氣氛kap興趣。
5.2 建議
研究者進行本研究 ê 過程tú著真濟限制kap現象，其中提出兩點建議：
5.2.1 加強高中職母語文教育
研究者uí 三方面提出建議：
1. 改換「鄉土文學」課名
本研究是偎靠tī 台東高中「鄉土文學」課程中進行。研究者希望直接以「Hō-ló台語文學」 ê 課程名稱來開Hō-ló台語書寫課程，砼-koh台東高中目前只有「鄉土文學」，除非愛經過校務會議通過修改課程名稱，動用行政 ê 過程。「鄉土文學」 ê 名稱是無啥妥當，會hông誤解成「鄉村 ê 」、「鄉愁 ê 」、「二等 ê 」，需愛經過修改才妥當。
2. 母語文學進入國文課程
Chit個議題所影響ê範圍khah闊，砼 是單一學校會tàng改變。研究者經過兩學期 ê 觀察，發現上課 ê 動機是歹上課 ê 上大因素。學生雖然來選課，砼-koh 心同款無tī 課堂，一方面是因為台東高中 ê 選修規定是學生一定愛選修，搶無著kah意 ê 課mā愛去上無kah 意 ê 課。另一方面是鄉土文學課程目前猶 砼 是升學考試 ê 指定科目，家庭與社會關念māh儎學生bē重視Hō-ló台語。若有法度母語文學進入國文課程，自然學生、家長為著學生ê前途，會重視母語教育。
3.發揮選修課功能
現在高中職重視學校本位教育，正是教師發揮專長 ê 時陣，有 ê 老師 砼 是無愛有創造 ê 教學行動，是 砼 知boeh toh位做起，母語文教育正是h儎 有興趣發揮專長 ê 教師一個機會。母語教育 砼-na是研究者所提供ê Hō-ló台語課程設計模型，比例講，老師會tàng以「實驗班」ê 方式開課，ah是老師開課ê時，註明上課語言是Hō-ló台語，雖然老師可能是上數學課。
5.2.2 映望政府注重Hō-ló台語文字化 ê 空課
5.2.2.1 創造Hō-ló台語文 ê 大環境
研究者tī 研究 ê 過程發現，學生大部分攏是頭一擺看過「Hō-ló台語文學」作品。其實「Hō-ló台語文學」作品已經有真濟數量，為啥麼學生 砼 知leh？ tō是伊 ê 名聲無夠，宣傳無夠，老師無教。咱tī 電視中會tàng看著母語 ê 節目、母語歌唱比賽攏是創造環境 ê 一個作法，砼-koh tī 報紙、冊局，台語冊出現 ê 影跡無kài普遍，in大部分藏tī圖書館，若有，mā是以論文、字典出現 ê 方式khah濟，台語文章iaú 無普遍進入大眾。Tī-chia 提供兩個意見做參考：
1. 發行用全Hō-ló台語出版ê報紙
若準有一間報紙行是用全台語出版，提供h儎作家投稿，h儎台語文有興趣 ê 人看，che tō是「創造台語文 ê 大環境」 ê 方法之一。若準政府閣有金錢 ê 贊助kap關心，伊tō khah bē中途khiau去。瑞士有四種語言，攏有家己 ê 報章雜誌；研究者誠欽佩《台文通訊》chit款 ê 組織，雖然經費有限，卻一直為台語文字 ê 發展te扑拼。以上兩例攏是創造台語文 ê 大環境 ê 方法kap實務。
2. 爭取各電腦作業系統(Operation System)內建Hō-ló台語符號
雖然已經有Taigi unicode，砼-koh目前 砼 是內建 ê 符號，tī電腦網路boeh讀寫Hō-ló台語文(譬如word，網頁，pdf)攏愛家己安裝Hō-ló台語符號。除非對Hō-ló台語有誠深ê感情，一般人若tī網頁看著亂碼，有可能tō隨跳過，che對全面推展Hō-ló台語是有kài大ê阻力。
5.2.2.2 加速Hō-ló台語文標準化
到底台語文 ê 讀寫系統是boeh用toh一種？che 砼 是研究者所會tàng決定 ê ，目前kān-na知影使用台語文 ê 讀寫系統足亂，tī 學者之間 ê 文章，使用文字tō幾若種，普通人boeh使用 ê 困難度當然會lú 懸。
台語文 ê 讀寫系統若無統一，會造成資源浪費，互相束縛，使用人隔岸觀火，砼 敢踏入火場。政府若短期無法度協調意見無同 ê 派系，mā應該時常主動邀請專家研究，用重視 ê 態度，科學 ê 制度，研究出上接近理想 ê 系統，才是對納稅人上大 ê 負責態度。