第三章研究方法kap過程

 

 

3.1 研究對象

 

國立台東高中自89學年(2000年9月)開始轉型綜合高中，91學年(2002年9月)起高二有6節是共同選修 ê 時段(林光輝，2004：133)。我 tī 93學年 (2004年9月)上下學期用「鄉土文學」課程名稱開兩門課(附錄1，2)，頂學期有17人選修。因為無語言限制，各族群攏有，阿美族4人，布農族2人，卑南族1人，Hakka 1人，外省囝仔1人，其他是Hō-ló人，kā-nā有4人會曉講Hō-ló台語。無法度攏用Hō-ló台語上課，是用觀念 ê 建設為上課 ê 主要目標。因為頂學期 ê 經驗，tī 下學期就限制會曉Hō-ló台語 ê 學生chiah會tàng來上課，有20人修課。我以兩學期 ê 學生為對象，頂學期無限制Hō-ló台語能力，下學期有限制 (表3-1)，打算對兩學期 ê 教學行動中，設計出一套Hō-ló台語文讀寫課程，h儎后人做研究與教學 ê 參考kap研究。

 

表3-1 研究對象kap上課語言

 

學期

選修人數

限制Hō-ló台語

會曉講Hō-ló台語

上課語言

頂學期

17人

無

4人

華語為主

下學期

20人

有

14人

Hō-ló台語為主

 

 

3.2 研究限制

3.2.1 研究者語文能力 ê 限制

因為研究者是Hō-ló人，用Hō-ló台語文教學是研究者 ê 理想。雖然研究者是用多元文化 ê 觀點來發展論文研究，iā tō是 砼 管是toh一族 ê 語言攏是平等 ê ，𣳈-koh研究者無原住民及客語 ê 語文能力，所以tī 頂學期無法度用Hō-ló台語上課，暫時用華語代替。頂學期 ê 學生中，因為學生Hō-ló台語能力無好，所以chhōe ê 教材中，有原住民語、Hō-ló台語、客語、華語 ê 文章，主要建立學生台灣主體性 ê 觀念與語言平等 ê 觀念，學期結束líau，學生同款無法度用毋語寫文章，讀Hō-ló台語文部分mā kān-nā bat Hō-ló台語 ê少數學生讀會出來 (附錄-3)。

因為安呢 ê 原故，我必須集中研究 ê 範圍，限制語言能力，kah研究囥tī 台語文教學，chiah會tàng做出效果來，頂學期 ê 上課結果，kān-nā 做一寡參考。

另外，因為研究者 砼 是特別受著Hō-ló台語文 ê 教師訓練，因為對華文為主ê教育系統存疑，失去興趣，靠家己 ê 興趣去自修台語拼音系統(白話字)，所以本論文所教 ê 是白話字教材。

研究者大學ê時是讀數學系，教冊ê時轉向電腦教學，因為chiap-chiap上網看世事，chiah有機會tī網路頂頭看著Hō-ló 台語文學發展ê情形。當初認為，Hō-ló 台語囥 tī我ê腦中，只要想辦法kā腦中ê音變做字，應該bē kàì 困難chiah著，而且我所看ê母語文學作品kap相關ê 用字方法，攏h儎 我信心滿滿，應該會tàng 完成教學kap研究，而且感覺高中欠缺Hō-ló台語教師，無我，誰boeh教lè？所以放心tō kā liaû落去。誰知設計kap教學過程困難重重，第一，教學需愛牽涉著歷史研究，我是科教出身，對歷史研究等於是初生ê囝仔；第二，Hō-ló 台語ê 漢文音韻背景我完全砼-bat ，若讀著相關ê 研究，比例講，啥麼叫做「山寒一開」我tō砼-bat，白話音kap讀冊音ê智識mā kān-nā 停tī常識ê階段；第三，教學需愛牽涉著哲學研究，比例講，多元文化主義tō是一個足大ê哲學議題等等。Hō-ló 台語世界若萬底深坑，我砼 知天地幾斤重，有路砼 行，行山坪，真是自chhoē死路，砼-koh mā激出我ê責任感出來。所以我是na讀冊na教冊，有ê智識ià-boē消化tō koh 吐出來，che是我khah欠缺 ê所在。

 

3.2.2 學生siūn少，學習動機閣無強

高中學生 ê 思想，uí小學到今一路行來，攏是脫bē開中華文化政策，輕視台灣本島 ê 歷史背景，會tàng講這個實驗舞台背景本身tō是無公平 ê ，而且tī 台東高中鄉土文學選修課動機無強 ê 少數人身上，想boeh得到滿意 ê 結果是kài困難 ê 。大多數學生表示因為kà意 ê 課去hông搶líau去，所以chiah來修chit門課，有 ê 學生想boeh改選修，砼-koh老師無愛h儎 伊轉，tī 學校行政 ê 立場mā無歡迎學生轉siūn濟，因為若比15人khah少，課tō開bē成。

因為學生學習ê動機無強，對課堂所安排ê討論議題，討論方式並無興趣，閣學生過去ê「填鴨」學習背景，學生無慣習討論ê情境，若寫tī紙內較無問題，若叫in講話，尤其叫in講Hō-ló台語，敢若 boeh in ê 命仝款，本研究所安排討論教學並無達著研究者ê理想。𣳈-koh 無表示這課程到別位實行mā bē成功。

學生過去tī國小國中閣無受過母語 ê 教育，對羅馬字無了解，感覺生疏無kà意，所以羅馬字教學部分，結果並無滿意。

 

3.3 研究方法

本研究用文獻分析、文件分析kap行動研究法，說明如下：

 

3.3.1 文獻分析

目的是蒐集有關Hō-ló台語文字化 ê 相關文獻資料，了解三個Hō-ló台語文字化 ê 三個問題：(一)為啥物boeh讀寫Hō-ló台語？(二) boeh讀寫啥物？(三) boeh安怎讀寫Hō-ló台語？文獻分析分做五節，第一節「多元文化kap語言人權」、第二節「台灣語文政策回顧」kap第三節「台灣話文運動回顧」是提供台語文讀寫必要性 ê 思考。第四節「高中國文課程 ê 檢討」是檢討高中語文教育。第五節「Hō-ló台語文讀寫系統」是提供boeh安怎讀寫台語文 ê 思考。

Uí文獻分析 ê 過程chhoē出設計課程 ê 資料。課程 ê 內容主要是讀kap寫Hō-ló台語文學，欣賞Hō-ló台語所寫 ê 詩、散文、小說kap笑話，然後練習寫日記kap批信。

 

3.3.2 文件分析

上課 ê 過程除了讀寫Hō-ló台語文學以外，閣有談話、討論 ê 過程。文件分析 ê 資料包括學生tī 網站討論 ê 文章、上課學生所寫 ê 心得、作業kap討論草稿，以及老師 ê 上課日誌與學生 ê講話記錄。是學生回應 ê 重要資料來源。

 

3.3.3 行動研究

本論文以行動研究 ê 方法進行設計，tī課程設計chìn-前先釐清行動研究 ê 精神。台語文學課程目前砼 是高中體制內 ê 必修科目，伊充滿實驗性kap無確定性，而且與台灣 ê 政治環境有密確 ê 關係，選舉 ê 結果有可能影響母語教育 ê 進行，砼 知影下一步 ê 結果如何，是我決定用行動研究來做 ê 主因。另一方面，教師是一個實行者，同時mā是一個研究者，因為傳統 ê 心理學、社會學、歷史學kap哲學等等有一個kài大 ê 缺失，tō是無法度有意義來解決教學與實務 ê 問題所以產生行動研究 ê 需要。行動研究是一種反思 ê 歷程，伊 ê 目的是boeh改進實踐 ê 缺失，以chhoē著最適合 ê 平衡點。(蔡清田，2004：5,6)

James Mckernan(蔡清田，2004：21,22) 區分行動研究 ê 理論模式有三種：第一是科學——技術觀點 ê 模式，第二是實務——考慮周到 ê 模式，第三是批判—解放 ê 模式。

科學——技術觀點 ê 模式 ê 代表人物之一Lewin發展一種「計畫、事實發現與實行」 ê 模式：taī先有一個「觀念」，經過目標kap意義 ê 查驗以後發展出「一般計畫」，然後開始「行動」，行動 ê 結果做第一階段 ê 「查驗」，閣來做第二階段 ê 「行動」，第二階段 ê 「查驗」，第三階段 ê 「行動」，第三階段 ê 「查驗」……經過一擺閣一擺 ê 「行動」與「查驗」使理論與實務充分結合，所以Lewin 被稱呼做「實務 ê 理論家」伊認為理論與實務之間，愛有交互 ê 作用。

實務——考慮周到 ê 模式 ê 代表人物之一Elliott提出一種以一個循環為單元 ê 模式：

第一循環:

確認觀念 >查驗(事實ê發現與分析) >一般計畫(做歸若遍ê行動試驗) >實施 >監控與查驗

第二循環:

修訂觀念 >修訂計畫(做歸若遍ê行動試驗) >實施 >監控與查驗

第三循環:

修訂觀念 >修訂計畫(做歸若遍ê行動試驗) >實施 >監控與查驗

…………

David Ebbutt閣修改Elliott ê 看法，認為行動研究 ê 過程上好是連續 ê 循環，砼 是Elliott ê spiral模式。

Mctaggart et al. (蔡清田，2004：29-33)提出一種批判—解放 ê 模式：

計畫 >行動 >觀察 >反省 >修正計畫 >行動 >觀察 >反省 >……

 

這種 ê 模式扮演停止過去 ê 回顧，反對可能 ê 未來 ê 行動，跳脫理性 ê 技術化。

對以上三種模式，咱看到chiap-chiap出現 ê 名詞觀念、計畫、行動、觀察、反省、查驗等等，正是行動研究 ê 典型樣貌.，敢若是一個大車輪仝款，每一個活動攏是其他活動 ê 回顧kap前瞻(黃嘉雄，2000:225)。Chia是研究者需要 ê 理論根據，以達成教學與實務 ê 結合。

行動研究除了是一種不斷研究反省以后計畫行動 ê 研究以外，閣有以下 ê 特點：(一)伊kā理論kap實踐 ê 關係是看做中介辯證 ê ；(二)伊是一種團體合作 ê 歷程；(三)伊是情境化 ê ，研究結果是boeh改善情境，砼 是做理論 ê 概化解釋；(四) 伊尊重實際工作者(如教師)，kà工作者看做研究者，砼 kān-nā是執行者(黃嘉雄，2000:226)。

𣳈-koh 教師tī 行動研究中會出現角色衡突，是行動研究者愛注意 ê 問題。因為教師to是研究者，教師kap研究者 ê 角色有tàng時是衡突 ê ：(一) 教師所堅持 ê 是「堅定 ê 信念」，砼-koh研究者是抱著「懷疑 ê 態度」；(二) 教師解決問題是採用直接 ê 思考，研究者是用理性、客觀研究來思考問題；(三) 教師上課愛顧著教室 ê 情境，研究者是集中tī 少數 ê 變項事件面頂；(四) 教師愛符合學生 ê 需求，研究者注重 ê 是分析空課，客觀合理；(五) 教師注重實用性，研究者重普遍性 (陳惠卿，2001:118) 。

因為行動研究是針對特別 ê 個案做研究，砼 是chhoē共通性概化 ê 研究，所以伊有「知性」kap「感性」 ê 兩方面 ê 目的，伊是：

 

從教師―研究者自己的角度出發，經過自己的反省思考與實踐行動來修正或是改變自己主觀的理論。他不是局外人士的主導控制之下，用另外一種被認為客觀有效的科學理論去替換「有缺陷」的主觀理論。

(陳惠卿，2001:73)

3.4 研究流程

本研究 ê 流程架構kap時間分配是安呢：

 

 

 

 

 

 

 


圖3-1 研究流程圖

 

表3-2 研究時間表

年月  

項目

2003年

2004年

2005年

5

7

9

11

1

3

5

7

9

11

1

3

5

7

9

11

發現問題

v

 

 

 

 

 

 

 

 

 

 

 

 

 

 

 

文獻探討

v

v

v

v

v

v

v

v

v

v

v

v

v

v

v

v

確定研究主題

 

 

 

 

v

 

 

 

 

 

 

 

 

 

 

 

設計網站

 

 

 

 

 

v

v

v

v

v

v

v

 

 

 

 

申請開課

 

 

 

 

 

 

v

 

 

v

 

 

 

 

 

 

準備教材

 

 

 

 

 

 

v

v

v

v

v

v

v

 

 

 

上課

 

 

 

 

 

 

 

 

v

v

v

v

v

 

 

 

修正課程