第一章 踏話頭
這篇論文是用Hō-ló 台文書寫 ê。為著達成台灣「母語文字化」ê 理想，設計Hō-ló 台語文讀寫課程。既然是boeh設計Hō-ló台語文讀寫課程，tō用Hō-ló台語思考方式來書寫。我認為Hō-ló 台語文字 ê 書寫，知行合一，隨時行動是非常重要 ê，用行動証明boeh文字化是無困難 ê，Hō-ló 台語文字是我隨身跟tòe ê 寶劍，是我生活 ê 一部分。雖然Hō-ló 台語tī 台灣 ê 使用人口上濟，伊閣是全世界第廿四大 ê 語言，mā是美國太空中心用來與外太空人扑招呼 ê 六十種語言之一(林央敏，1998：5)，伊tī 台灣卻是被壓制 ê 語言。文字化是「boeh」、「砼」ê 問題，砼 是「有法度」、「無法度」ê 問題。我 砼 願Hō-ló 台語文hông囥tī 手術枱teh 解剖、擺tī 博物館teh展覽，提出行動，映望伊回復活龍龍 ê 氣脈。
1.1 論文架構
本文分做五章，第一章為「踏話頭」，包括論文架構、研究動機、研究目的、待答問題kap名詞定義。第二章為「文獻探討」，多元文化 kap 語言人權、台灣語文政策回顧、台灣話文運動回顧、高中國文課程檢討、Hō-ló台語文讀寫系統等主題相關之文獻。第三章為「研究方法 kap 過程」，說明研究對象、研究限制、研究方法 kap 研究流程。第四章為「課程設計 kap 教學」，包括課程理論、課程設計、教學情境 kap 課程評鑑。第五章為「結論」，總結研究結果、對日後研究 ê 映望，而且提出幾點建議。
1.2研究動機
我對Hō-ló台語文 ê 關心，其實kài早就囥 tī 心肝頭，自我細漢讀冊 ê 時陣，國語課老師叫阮寫作文，我定定感覺生活中足濟物件、趣味 ê 俗語無法度用學來 ê「國語」寫出來，譬如講「灶腳」、「門口埕」等等，我若tī 作文簿仔頂頭去寫著Hō-ló台語文字，像「開錢」、「無法度」等等，就會h儎老師用紅筆扑叉仔，閣tī 文章 ê 後壁寫：「不可寫台語。」彼陣tī 我 ê 心肝底就開始產生懷疑，學校學 ê 字kap生活世界nái差hia濟？
有tang時阿母會問我讀冊 ê 內容，伊 ê「國語」(日語) kap我 ê「國語」(華語)無仝，我試用Hō-ló台語唸h儎 聽，chiah發現有誠大 ê 困難；我出外讀冊，有時想chhù，iā是無錢 ê 時，寫批轉去，chiah發現寫h儎 砼 -bat華語 ê 父母 ê 批真歹寫。我chiah發現「國語」kā我kap父母 ê 生活、思想隔開，冊讀lú koân，思想 ê 差別lú 明顯。我無法度欣賞阿母愛看 ê 歌仔戲，chiap-chiap因為講砼著母語去h儎父母責罵，親子 ê 感情因為教育 ê 關係lú 來lú 薄。
后來我tī 小說內底讀著「鄉土文學」這款 ê 作品，譬如王禎和、黃春明等所寫 ê，tī口白中滲Hō-ló 台語，讀起來誠有真實感，有跤踏實地 ê 感動。
做兵 ê 時，1980年左右，彼陣tú 是結束學校生活，行入另外人生階段，開始有自由思考 ê 機會。我kài愛畫圖，做兵放假若有閒就去畫廊看畫展，有一遍我去看一個油畫展，聽著畫家kap人開講攏用Hō-ló台語講，砼-bat世事 ê 我竟然問伊：「lín奈無講國語？」我到tan iaú會記lih畫家用親切溫和閣有自信 ê 表情回答我：「咱是台灣人，砼講台語，iah無boeh講啥？」這句話囥tī 心肝底，一直無去h儎 bē記lih。
自彼陣開始對研究Hō-ló台語產生興趣，我買一寡Hō-ló 台語冊轉來研究，譬如鄭良偉及鄭謝淑娟編著 ê《台灣福建話的語音結構及標音法》(鄭良偉，鄭謝淑娟，1978)，尾也chiah知影he tō是「白話字」。
后來閣tī 網路上kap冊中看到kài濟討論台語文 ê 文章，我chiah慢慢清楚，原來「國語」是用政治 ê 手段造成 ê，台灣 ê 語言政策ùi日本時代到1987年攏是單一同化 ê 語言政策，對台灣 ê 語言 (包括Hō-ló 話，客家話，原住民話) 並無重視；tī學校教育禁止學生講家己ê 母語，教師以國語做為學校ê 授課語言，高中國文課文中無半篇以母語寫出ê 文章；家長為著配合囝仔ê 教育，tī家庭以國語交談，有kài濟囝仔已經bē 曉講父母 ê 話； Hō-ló 台文 bat 以羅馬字kap漢文 ê 書寫方式tī社會推行，mā因為政府ê 禁止阻礙in ê 發展。種種原因造成語言 ê 流失，牽連各族群 ê 文化特色mā漸漸消失。
我bat試作小說 ê 創作，砼-koh對題材選擇 ê 經驗過程，發現kap我有感情 ê 代誌，攏kap細漢熟悉 ê 生活有關，砼 是華文所會tàng表現出來 ê。這個體驗，h儎 我無經過教育指導，家己覺醒，感覺需要去完成這 ê 空課。
筆者承受Hō-ló台語 ê 滋養，不忍伊受到安呢 ê 待遇kap命運，所以用做一個踏實 ê 台灣人 ê 心情來做我愛做 ê 代誌，希望會tàng形成共識，互相了解，h儎 所有 ê 語言文化tī建康 ê 環境中成長。
1.3研究目的
台灣uí 1987年解嚴以來，社會開放，文化多元，政府解除對母語禁止 ê 態度。tī 1997年ê 憲法增修條款通過「國家肯定多元文化」，正式宣佈國家多元文化ê 走向(李雪菱，2004:101)。
多元文化ê 觀念是重視異質，反對同化；打破一元，尊重多元(邱玉茹，2003)。Tī 語言上尊重各語族發展家己ê 語言 kap文字 ê 權利，而且語言變成國家ê資產，維護國家ê資產是無可懷疑 ê。
我身為高中教師，感覺高中到tan並無注重母語教育。雖然教育部無閣繼續禁止學生囝仔講台語，反倒轉規定國小一到六年級學生，愛對Hō-ló語、客家語、原住民語三種鄉土語言中選一種來修習，國中mā愛h儎學生自由選習。學校mā著按照地區ê特性kap學校資源開設Hō-ló語、客家語、原住民語以外 ê 鄉土語言供學生選習 (教育部，2003a：15)。𣳈-koh以上 ê 規定是tī 國中kap國小實施，並無延續到高中，高中生以早無受著母語教育，對Hō-ló台語iaú算是「文盲」。
我平常時愛看 ê Hō-ló台語文學作品，tī 學校 ê 國文課本看bē著，感覺真無采，我想boeh kā 我感動 ê 作品提出來kap學生分享。世界上足濟文學經典，像但丁(Dante, 1265-1321) ê 神曲、塞凡提斯 ê 唐吉訶德、沙士比亞(1564-1616) ê 戲劇……攏是母語文學(宋澤萊，2004:74)。若是用母語 ê 對白，卻砼 是母語 ê 描寫，這是分裂 ê 語言藝術。用母語思考 ê 作家，去寫出母語作品，提供h儎讀者母語思考，歸頭到尾攏是母語 ê 三度過程，才有產生一流文學藝術 ê 機運(胡民祥，1994：459)。目前tī台灣，用母語讀寫思考 ê 大環境ia bē造成，雖然tī台灣講Hō-ló語ê 人口上濟，砼-koh若用Hō-ló台文tōhông當做「異類」，iah-chiah是「看無」，雖然Hō-ló 台文以早tō存在，砼-koh 伊一字一字落無去，活潑 ê 俗語mā漸漸hông放bē記-lih。我感覺有需要普及，uí各種教育場所一點一滴來影響。
綜合面頂 ê 原因，所以想boeh設計出適合高中生 ê Hō-ló台語文讀寫課程成作高中階段Hō-ló台文讀寫ê 參考。為台灣 ê 文藝復興出一寡力，mā為國家ê 多元文化政策做出一寡心意。
1.4待答問題
本論文設計一套台語讀寫 ê 課程kap實驗，想boeh解決以下三個問題：
1.4.1 Hō-ló台語文字化必要性tī toh位？
莊萬壽(2003a：125) 講：「語文教育是戰後台灣喪失本土文化的主要因素，不僅瓦解了原來的母語結構，使北京話幾乎囊括了最大的語言版圖，而與之相配合的文字系統，更是無可取代的成為台灣必需的工具符號。」這種用政治手段造成 ê 生態改變，使台灣本來 ê 母語lú來lú少，所以我認為母語文字化 ê 問題愛囥tī 頭一項。
1.4.2 Hō-ló台語文boeh安怎讀寫？
Hō-ló台語文字ia-bē標準化，安呢 ê 環境boeh安怎教學生讀寫？閣bē h儎學生造成siūn大 ê 困擾？這部分介紹Hō-ló台語文字系統相關 ê 問題、討論、文學欣賞、拼音文字教學等等。最後映望有學生 ê 作品出現。
1.4.3 boeh安怎實踐批判ê台語讀寫教育？
學生自細漢到高中，已經受著相當 ê 制式教育。「國語至上」ê 觀念囥tī大部分學生 ê 思想裡，所以容易接受「國語」配合 ê 文字系統所發出 ê 各種資訊。Tī chia用批判教學 ê 理論配合相關論文h儎學生討論，思考台語文讀寫 ê 相關議題，希望這個教學課程會 tàng h儎 學生成作有批判力有實踐力 ê 主體，無toè人 ê 意見gōng-gōng-seh。
1.5 名詞定義
1.5.1 「Hō-ló 台語」
就是Hō-ló話、河洛話、台灣話語、褔佬話、台灣閩南語。Mā有人講「台語」，因為根據1989年 ê 一項推測Hō-ló人占台灣73%以上(黃宣範，1995：21）。伊是tī台灣使用ê閩南語，伊ê源頭是閩語中上大宗ê 閩南語，閩語閣是漢語中第三大的方言。伊是泉州腔kap漳州腔ê 混合體，變成不漳不泉，亦漳亦泉，閣kap古越語、南島語、荷蘭話、日本語、北方官話(華語) thaù-lām，已經kap南洋、新加坡、菲律賓所使用ê 閩南語無仝(林慶勳，2001:3-6)。閣因為thaù-lām六朝ê 白話層kap大約宋代時期ê 文讀層產成明顯ê 文白異讀ê 現象(楊秀芳，1996)。
1.5.2 「鄉土文學」
「鄉土文學」這個名詞有曖昧無清楚 ê 所在，尤其出現tī 高中 ê 課程中。鄉土深深連tī土地上，tī每一個人心裡刻劃出深刻 ê 感情，若準kā台灣當做家己 ê鄉土，對這鄉土產生 ê 文學，tō是台灣 ê 鄉土文學。日治時代及國民黨統治時代 ê 鄉土文學論戰攏kap台灣話文有關聯，有人認為用台文寫出來 ê 文學作品chiah是正港 ê 「鄉土文學」。𣳈-koh「鄉土」一詞砼 是kài妥當，日本時代tō有人建議直接講「台灣文學」(清葉、吳枚芳，1933：329)。對官方來講，伊是中央 ê 邊緣，只是區域性 ê 涵義。伊是一個高壓時代 in-in-iap-iap ê 名詞，砼-koh大家你知我知，伊是一個台灣主體思考 ê 代名詞。到kah八十年代台灣文學論者chiah改用「本土」代替「鄉土」，然後正式正名做「台灣文學」 (呂興昌，2001：294) 。
照理來講，「台灣文學」應該是生活tī 台灣chit-tè土地上 ê 人，iā是對台灣sóa出去 ê 人，用in ê 經驗所創造出來 ê 文學。𣳈-koh有寡「中國作家」 ê 成見，無願意in ê 作品hông當做「台灣文學」，所以台灣文學 ê 鼓吹者chiah kā「台灣文學」定義做本土意識、ah是本土語言、ah是反映台灣真相 ê 文學。(呂興昌，2001：295)
1.5.3 「華語文」
Tō是現在 ê 國語文，北京語文。教育部國語推行委員會tī 2003年2月10日第13次全體委員會議中，通過語言平等法草案(教育部，2003b)，無閣kā北京語叫做「國語」。