訪問Tada Kei (多田惠)先生

 

Tada Kei(多田惠)先生，是東京大學語言學系博士班ê學生，研究台灣話ê文法。伊時常參與台語網ê討論，mä是[台文通訊]t„日本ê聯絡人。2003年十一--月，伊t„東京用Hö-ló話接受陳雷、蘇正玄kap張秀滿ê電話訪問。張秀滿整理。

 

問：請你簡單介紹你家己。

答：我叫Tada Kei。1972年t„東京出世，東京大學語言學系畢業。Chit-má t„東京大學語言學系讀博士班第二年。我ê研究是台灣話ê文法，指導教授是一個研究土耳其語系ê語言專家，伊小khóa會曉講中文。我已經結婚，我ê太太是台灣人，我是台灣人ê kiá°婿。阮有一個四歲ê gín-á。

問：你是按怎對台灣kap台語有興趣--ê?

答：我ê外公是一個醫生，伊少年ê時做軍醫，bat去過台灣。我chëng細漢tö聽伊講真chë台灣ê代誌，講台灣是一個好所在，台灣人真好。了後，我koh看著王育德先生寫ê台語課本，感覺伊對台灣ê疼足大，h³我真感動，開始對台語有興趣。

問：你ê牽手對你學台語敢有影響？

答：我是五年前結婚--ê。Hit陣，我t„東京ê日語學校beh chhöe台灣人教我台語，t„ hia熟säi我ê太太。伊介紹我去東京ê台灣人教會ê台語班學台語。伊對家己ê台語無信心，所以，我並無tùi伊學。‹-koh chit-má我寫ê文章攏會經過伊來修改。

問：T„你beh學台語進前你敢bat去過台灣？

答：我有去--過，大部份攏是放假ê時陣去--ê。時間雖然無長，˜-koh我t„ hia有kap一個朋友ê老母學白話字，伊是教會ê長輩。過去我讀王育德先生ê冊，是白話字ê理論，t„台灣是實質ê練習。

問：你感覺學白話字對你學台語敢有幫贊？

答：足大ê幫贊。若無白話字，我無法度學會曉台語。我chit-má家己teh做語言學ê研究，普通mä會用白話字來標音。

問：『台文通訊』是用漢羅寫--ê，你敢攏看有？

答：看有是看有，˜-koh有ê漢字ê音我讀bë出--來。

問：『台文通訊』最近有想beh增加全羅ê份量，你ê看法按怎？

答：我了解現此時ê『台文通訊』為啥物beh用漢羅，是beh h³一kóa無讀過白話字ê人接觸台語，認bat白話字。若增加全羅ê份量，對一kóa讀台語ê日本學生kap一kóa年紀khah大ê長輩，當然真好。另外，『台文罔報』chit-má有客語文學，¢g望『台文通訊』也會tàng增加客語園地。T„日本ê台灣人內底mä有真chë客人。

問：  你ê博士論文是研究台灣話ê文法，敢會tàng介紹你ê資料來源？

答：  我有去台灣收集一kóa資料，mä有做田野調查。有一部份我用台語網頂面ê會話來做研究。

問：請你介紹你t„日本kap台灣人團體接觸ê情形？日本ê台灣人對台語文ê看法按怎？

答：我kap日本ê台灣人接觸主要是台語教會ê會友、台灣留學生kap在日台灣人社團。我感覺in攏對台語文真有興趣，˜-koh這個興趣攏kan-na是興趣，˜是真正beh家己去學。可能是因為日本有用漢字，in感覺羅馬字t„日常生活ê需要khah少。

問：敢會tàng請你介紹日本ê大學台語文開班ê情形？

答：日本有七間大學開台語課，東京外國語大學(Tokyo Gaikokugo Daigaku)[東京都]、麗澤大學(Reitaku Daigaku)[千葉縣]、大東文化大學(Daito Bunka Daigaku)[東京都]、慶應大學(Keio Daigaku)[東京都]、名古屋外國語大學(Nagoya Gaikokugo Daigaku)[愛知縣]、愛知大學(Aichi Daigaku)[愛知縣]、天理大學(Tenri Daigaku)[奈良縣]。有ê學校教台語ê歷史已經真久，親像天理大學，已經幾十年。另外，東京外國語大學ê中文系有專業班，台語是必選ê課。

問：學校以外敢有其他ê台語教學？

答：有，上有歷史--ê是東京池袋台灣人教會。伊ê老師是一個足gƒu教ˆ阿媽。我最近mä有t„教會內底教白話字。教一kóa台灣人ê二世。

問：T„日本教台語攏用啥物教材？來學台語ê攏是啥款人？

答：教材攏是羅馬字，t„日本教台語--ê，大部份攏教羅馬字。來學台語--ê，日本人khah chë。可能是台灣人原本tö會曉講台語，in感覺khah無需要。

問：阮知日本ê翻譯真發展，chit-má t„日本敢有翻譯ê台文作品？

答：日本ê翻譯確實真發展，真chë種語言攏有翻譯本。˜-koh台語文猶無人做。目前khah chë ê翻譯是中文ê台灣文學、原住民文學kap翻譯日本時代ê台灣文學。

問：T„大學內教台語，敢有用著近代台語文學ê物件？

答：我想是無，因為學生ê程度無hiah kôan。大部份ê老師本身也kan-na教台語，˜是文學ê專家。‹-koh，我想日本ê台灣文學者應該知影近代ê台語文學kap台語文運動ê情形。T„日本ê冊局，猶bë tàng買著這方面ê冊，所以，學台語ê學生攏ài家己tùi台灣買--轉-來。

問：可能是因為台語文運動ê時間猶真短，才十五冬左右。

答：是，時間真短。‹-koh t„台灣人ê歷史內底，白話字ê文獻真chë。‹-koh一般ê研究者，攏用中文來研究台灣。Chit-má愈來愈chë少年ê研究者，發現台語kap白話字ê重要，我想這個情形漸漸會改變。

問：你對近代(1980年以後)ê台語文運動ê看法？

答：Che是真重要--ê。‹是kan-na文學ê運動，因為台灣長期受中華民國ê教育，台灣人˜ bat家己ê文化。透過台語文運動，in才發現台灣人有家己ê文化，有家己ê文學，有家己ê歷史，kap所講ê中國人，攏無仝款。台灣chit-má已經民主化--ah，˜-koh t„教育、文化方面攏猶未台灣化，本土化iah bë完成。這個時陣，台語文運動是足重要--ê。台語文是台灣文化ê基礎。一定ài繼續做，宣傳h³ khah chë人知影。

問：一般ê日本人對台灣ê看法按怎？In敢有認為台灣是一個獨立ê國家？

答：一般ê少年人對台灣無真了解，有ê甚至分bë清台灣kap韓國。政府機關ê人因為in有一個中國ê政策，in khah無愛講台灣是一個獨立ê國家。‹-koh一般出社會ê人tö khah知影台灣kap中國ê無仝。我bat t„一間台灣公司ê日本辦事處拍工，有一chäm台灣ê頭家有想beh kä工廠sóa去中國，日本ê客戶攏問按呢敢好？台灣ê產品日本人放心，若中國ê產品in會煩惱品質無好。

問：我知你bat參加過世界台文營，你對世界台文營t„日本開ê看法？

答：Che是真好ê機會，對t„日本ê台灣人抑是研究台灣ê學者攏有真大ê幫贊。T„ chia ê台灣人in對台語文攏真有興趣，mä會邀請台灣ê學者來演講。‹-koh in邀請來--ê，攏˜是白話字ê學者，也˜是台語文運動ê主流。

問：你敢有機會介紹咱ê台語文h³在日ê台灣人？

答：我chit-má ê方式是介紹『台文通訊』h³ in讀，t„台灣人ê社團辦ê台灣文化研究會，介紹白話字kap台語文運動h³ in知。

問：『台文通訊』t„日本ê台語教室內底敢有應用ê所在？

答：有，一部份有用『台文通訊』做教材。所以希望寄來日本ê份量會tàng增加。

問：你畢業了有啥物計劃？

答：我畢業了想beh去台灣tòa，h³我ê gín-á t„台灣ê環境學會曉台語。因為我讀語言學，希望會tàng t„台灣ê學校教冊。若有機會，無定mä會tàng翻譯近代ê台灣文學。