台語導言
台語羅馬字外國人學著卡緊，𠕇曉台語的人學著卡緊，偏偏仔會曉講台灣話的
人學著真慢。特別是中文已經真慣勢的作家學了比細漢囝仔閣卡慢，真che7人
學幾若擺，學攏𠕇曉，自嘆這世人可能無法度學會起來。
阮根據久長的經驗及語言心理的理論有下面的解釋。
已經熟練任何一種書面語的人，teh 讀冊的時無逐字看，也無需要逐字了解
。請試讀下面一段笑話。
陳念台律師
toa3 高雄的時，有一年的元宵節鋛某beh
出去看燈，陳念台反對講：
「厝內有燈，是按怎著愛出去？」
鋛某講：「出去看燈,
sun7-soa3 會當看人」
陳律師閣卡受氣講：「Kam2
講我是鬼 m7是人？」
語詞註解
兼：kiam
【同時又】
sun7-soa3
【順便】
toa3
【住】
鋛某
＝ 伊的太太
【他太太
＝ 他的太太】
是按怎：si7
an2-choan2 【為甚麼】
有人一世人頭一擺讀著台灣話。但是只要會曉中文的漢字，大概讀有的人佔
大多數。不過若ka7問看台語特別詞，單獨出現的時beh按怎讀，對初讀的人相當
困難。「鋛，閣，按怎」無前後文的是讀會正確的人大約只有一半。下面的註解
中，無看中文註解，會曉讀台語的語詞，也差不多有一半。若是看中文註解就上
少有75％的人讀會出來。
若是羅馬字ti7文中靠頂下文來三ioh
四ioh
，大部分的台語程度𠕇真bai2的
人攏ioh
會出來，不過若叫鋛無看前後文，下面的羅馬字讀會正確的，阮猶m7
bat抵著。除了bat學過的人，無可能讀正確。
發音練習
bo.2 ：
po.2*
oaN2 ：
oa2
kong ：
kong2 ： kong3
ioh : ioh8
若是加聲調發音的箭頭圖形，表達聲調的高低，昇高抑是降低，有人學著真
緊，有人學著真慢。若是有受過訓練的人實在是無師自通。但是每人攏會當訓練
，利用來表達聲調間的特點及分別。
下面的雙音詞就卡無仝款，因為有卡che7 線索，有可能ioh 出所代表的是啥
物詞。
cha-bo.2 ：
cha－po.
查某
： 查埔
an2-choan2 ：x
an-choa2 按怎
： x按紙
菍
椾
無逐字看這個習慣，無需要逐字會曉發音這個現象，對漢字來講也是按呢。
下面的漢字單字若是
ti7 文章裡大部分的人攏會曉讀出來，若是單獨出現會曉攏
讀正確的人就加真少。
某
： 補
碗
： 倚
光
： 講
： 㳜
約【猜】：藥
因為這個習慣，一般開始teh看漢羅的人攏𠕇集中精神去學羅馬字，攏靠前
後文來ioh
全文的意思。會了解就無閣去分析羅馬字的符號。也𠕇閣去研究家己
對羅馬字的了解及無了解的所在。
慣勢讀漢字的人卡無容易學羅馬字，咱需要了解，針對這個原因來克服。漢
字代表語言中的單音節詞素，詞素有發音閣有意思，所以使用漢字的人慣勢同時
處理意思及發音，無同時了解意思就m7
知beh 按怎發音。尚且發音閣是整個音節
來處理，無閣ka7分開聲調、聲母、元音。台語羅馬字的基本原則就是將台語兩千
二百外的音節ka7
拆開，歸類，處理做真基本，真少數的音素：
七個聲調，18個聲母，六個母音。
這種符號的處理方法咱每一人細漢的時開始學發音攏是按呢teh
學。到大漢ti7
下意識也是按呢。因為漢字的使用無需要追求遮的音素，就愈來愈失去少年學習
的能力。
針對這兩種困難，咱愛提供一寡活動ho.7學習者有集中精神學習羅馬字的機
會，會當無靠頂下文的語詞及文法，來讀羅馬字的發音及拚寫法。閣活動的設計
愛ho.7學習者特別注意基本音素的符號及發音的關係。
本書的設計是根據這兩種困難，提供充分的練習題。
各課的安排大概對容易的拚音法開始，漸漸進入深的。但是各人的能力及進
度攏無仝款，不時愛復習，特別容易的部分也無需要逐行練習；跳行，跳課攏有
可能。不過愛隨時測驗家己的學習需要及學習效果。為著方便老師抑是學生，本
書第十四課會當利用來測驗，決定特別需要加強的部分及無需要用時間去練習的
部分。