A花，mài kä 人拖leh phah--lah
Kiãtgãk
Chëng 細漢讀冊A-soat tö chiâ° 欣慕「China文化」，是án-chóa° në？究真講--來tö 是China人講he 「北á話」尖嘴兼捲舌，sian 學都學bë-hiáu，iãh tiõh 罰錢 iãh tiõh hông 笑；iáu-koh 有課本內底寫hiah-ê 「5000年ê 文化」jöa 偉大 tú jöa 偉大，A-soat án-chóa° 讀tö 是kan-ta°感覺實在有夠hàm，sian 想都想無àu-k‾ nah ë pì° 偉大。「China文化實在太深、太高明，」A-soat 心肝頭tiä° án-ne 想，「tiõh-ài 好好á 來學」。
前chäm-á A-soat 聽人講台語保存唐朝古音，phëng 北á話koh-khah 古早，choa°-á tòe 人去學「TLPA」，去考「鄉土語言」教師，soah pì°-chiâ° 老師tiàm 國小leh phiàn gín-á。Siáng 知chit-má gín-á 加真 káu-kòai，不sám時都kä 老師läng，koh 講A-soat 嘴á 尖尖，bë-su 猴--leh。A-soat 氣kah，目屎kâm 目kî° kä gín-á 講：「老師極辛苦，beh 教lín 極高深ê China文化。老師照教育部ê 規定教lín TLPA，lín ài 體諒…。」
隔t¡g工A-soat hông 叫去校長室，h³ 校長chhoh：「是án-chóa° kä gín-á拖leh phah，koh 講是教育部ê 規定…。」A-soat sa無cháng，差sýt-á hông chhia-pùn-táu。Póe會 kui p¬ 久，chiah 知教育部早tö 取消教人TLPA ê 規定。
愈想愈iàn-khì，A-soat choa°-á 招朋友A花做夥去拜訪師父Tang-si。
去到tè，A-soat 問講：
「Tong-si 師父，是án-chóa° 我TLPA ê 功夫練愈深tö 愈sêng猴 në？」
「Óe，我˜是Tong-si，˜-thang 亂呼。你che 問題真好，人ë pì° 猴，koh pha-pha 走sì-kè tâu，確實是人類學大突破。其中必有縁故。Che tiõh-ài 來去請教發明chit套功夫ê 師公。」
「Ah 師公˜是講beh 閉關練功？‹ 敢見--人？」
「Chhé！Chhé！Chhé！siá°-mih ˜ 敢見--人，是˜ 愛坑--人。頂回是kóa名字寫˜-tiõh--去 niâ，仙人phah 鼓--lah，mài koh thçh起。行，我chhöa lín 來去i bih hia。」
眾人起行，來到in 師公bih hia。講著A-soat in 師公，人稱「未凸假凸博士博台語尫姨」，正是Ang-î 大師。A-soat 行禮煞koh kä 因端說分明。Ang-î 聽了笑bi-bi 講：
「Che 講破˜ 值3圓。‹-koh 尫姨kám hiah 好做？看lín 有慧根，kä 本門ê 心法秘招傳--lín。Bë-tàng koh 漏洩--出-去，知--無？」
眾人號齊應：「是─！」
「做尫姨上重要tö 是ài 有智識，˜-koh千萬˜-thang kâng 教，而且tiõh 激5 khang，hông ká-ná bat koh ká-ná ˜ bat；án-ne 人感覺你道行高深，自然tö ë 來拜師。」
「Ah 若˜ bat ê 智識në？」
「‹ bat mä tiõh 假bat，硬chì° 到底，khah 大聲--ê 贏--lah。」
「H²~，原來如此這(ché)般。」
「Ah 是án-chóa° 學本門ê 功夫了後，人ë ˜ chiâ° 人，soah sêng 猴 në？」A-soat 續落去問。
|
|
Ang-î ùi 尫架桌頂thçh 1 本《語音學入門》，péng 到國際音標，kí 母音(vowels) 正手pêng hit chöa h³ tãk-ê 看：「其實lín chhím學tö學--過-a，kan-ta°無去注意--著niâ。台語ê 圓唇母音有3 種，ài 尖嘴ê [u]，sió動--che tö ë-tàng 輕鬆發音ê [o]，häm 嘴á ài khah 開 ê [ɔ]。」
Tam 1 下嘴唇，Ang-î 繼續開示：「台語發音lóng-mä 輕鬆自然，講--ê khùi°活，聽--ê 爽快。無像he 北á話，講話嘴á 尖tuh-tuh。」
「Hâ°-á，原底lán 台語kap he 北á話有chiah-ê 差別--¬ …。我chín chiah 知！」A花親像chhoah-1-tiô。
「Koh 有--leh，連he 北á話ê 『ㄨ』雖bóng kap lán ê u beh kâng beh kâng，lóng讀[u]，˜-koh lán 台語tö 無像北á話嘴ài hiah 尖。Che 北á話講久--來，嘴tö ná 尖--來，無sêng 猴sêng siá°？」
「老師lóng 無kâng教…。」A-soat kãuh-kãuh 唸，sió-khóa teh 怨chheh ê 款。Hiông-hiông 想著siá°，A-soat koh hiâu疑問：「‹-koh lán 是leh 講台語ä？」
「Lán TLPA初初是用北á話ê 音來寫台語音，當然發音ë 增差kài chë；照北á話ê 音來讀台語，當然mä kap 北á話käng款，ë 尖嘴、sêng猴。像A花ê 名，台語音讀[hoe]真好勢，lán 照北á 話ê 音kä 寫做[hue]，若照lán ê 讀，嘴á tö khah 尖，tö ná來ná sêng 猴--a-lah。」
Chit 時Tang-si 插話：「偷學lán ê 步數，koh 翻頭kä lán 害kah 半小死ê 通派，前幾工in 派大學者苦--死講kóa 543，講kah 霧sà-sà，聽講全台灣無人看有。‹-koh 內底講白派kä 花寫做 hoe，無寫hue，讀著怪怪。Lán mä 是寫hue。In 是˜是beh kä lán 贊聲，合齊來對付白派？」
「都講你功夫學無透，beh 做師公koh 早--leh。通派通到北京去，kap 漢派無siá° 增差。白派kap lán是pë-á-kiá° 關係，ë-tàng thàng 全世界，beh 聯盟當然mä 是kap khah 親ê 白派kap。另日á 勢面好chiah kä 老pë chhia kah 倒。Heh…heh…」講到chia，Ang-î 大師又koh 笑bi-bi。
「Án-ne lán 是˜是ài 改正lán ê 寫法？」A花chhöe 著機會緊問師公。
「都講lín 功夫淺 ˜。Che ˜ tiõh--ê mä tiõh 假做tiõh，硬chì° 到tiõh，sio-siâng khah 大聲--ê 贏--lah。無，lín kioh是ROC是án-chóa° 猶原khiä 在在？」
「師公高明。」A花學著chiah chë 心法，暢kah。緊phâng 茶h³ in 師公。
Ang-î 講kah 歡喜，hah 1 嘴茶koh 續--落：「5000年ê China文化若學kah 透tö 是簡單1句──pçh-chhãt 比大聲--lah。」
「Tiõh！Tiõh！Tiõh！」A-soat 聽著差sut-á làu 下頦，˜-koh soah ná 想 ná tùi-tâng，「我lóng kä pçh-chhãt liãh準是真--ê，莫怪sian想都想無àu-k‾文化是偉大t„ toh？」
Tang-si tìm頭接落去講：「白派ê 人göng-tuh göng-tuh，lóng kioh是茶k‾安金iáu是hûi。Lán 吸收China 文化，ë-hiáu pçh-chhãt 比大聲，in beh nah 比 lán ë 過？Ha…ha…ha…」
「Bë bái，有得著我ê 真傳。我閉關ê 時tö 你來代理本派ê 掌門人。」Ang-î täi-chì 交帶煞，看A-soat講：「你chit-má 知iá°本派ê 功夫án-chóa° 來--ê-a，mä 知iá°是án-chóa° 學本派ê 功夫了後講台語嘴ë ná 來ná 尖。Chit-má 師公考--你，是án-chóa° 你講北á話ê 『我』nah ë lóng pì°做『偶』në？」
「我知！我知--a！Lán 蕃薯kiá° 講話輕鬆自然，後piah ê 母音˜是[i] ê 時，lán lóng kä [u-] 讀做 [o-]。北á話ê 『我』讀[uo]，本chiâ° tiõh-ài 尖嘴，蕃薯kiá°讀ê 時無愛尖嘴，tö kä [uo] 讀做 [oo]--a！」A-soat chiâ° 歡喜加bat 1 步，「莫怪我以早北á話lóng 講bë 好勢，原來lán 蕃薯kiá° 講話生本tö 是輕鬆khùi--ê。」
「我mä知--a！是án-chóa° 『國([kuo])語』lán 蕃薯kiá° lóng 講bë 好勢，tiõh-ài kä 當做『狗([koo])語』來講chiah ë 續嘴。」A花mä 有新發現。
師父級ê Tang-si mä 曉悟，說：「莫怪我kä 人教講台語有介音[i] kap [u]，無人聽有，我ka-t„ mä 教kah hoe-hoe。」
師公koh 開示：「蕃薯kiá° mä 是人，人 ë-tàng 發ê 聲，用母音kap 子音來說明， tö lóng總 ë-hiáu--a；根本免用hit 種àu-k‾ ê 介音觀念，愈講愈hoe niâ。」
Ang-î chit時目chiu 展大蕊繼續講：「‹-koh 你教--人猶原tiõh 用介音來教，人聽無chiah ë kioh是你學問飽、ka-t„ han-bän--lah。」
「確實高招。欽佩！欽佩！」Tang-si koh 想著重要ê 問題：「Ah 若án-ne-se° 落--去，人t„時 ë pì°-chiâ° 猴？」
Ang-î 捻嘴鬚，sçh-sçh 唸：「語言影響進化，che höan-sè ë-tàng thçh 著Nobel賞。」Hiông-hiông tì覺無嘴鬚thang 捻，Ang-î 緊hah 1 嘴燒茶，chiah koh liâu-liâu-á講：「你是學者，我問--你，siá°-mih 動物嘴á 尖尖？」
「Ah 都猴˜…？！Ai-ià，koh 有豬！！」
「Tiõh！Lán 祖公聽he 北á話lóng tiä° tiõh 尖嘴管，choa°-á kä 北á話號做豬á話，講豬á話ê 人tö kä 尊稱豬á。其實˜是 phì°-siù°--人，是leh o-ló in 文化kài 高明、khah 進化--lah。」
眾人聽kah chhìn汗流bë停，齊聲：「英明！英明！」
Ang-î koh thiah 分明：「人in China 文化ê 精神──pçh-chhãt 比大聲──lán 學kah 有透--a，chit-má lán tiõh 好好á 來實行，實行ê 方法käng款tiõh 學--in──kui工練siáu話。免幾冬久，lán tö是台灣上高明、上進化--ê。等我閉關，功夫練成，chiâ° 做仙了後，lín kä 本先覺練ê siáu話記錄--落-來，號做台語siáu說，tö ë-tàng chiâ° 做世界一流ê 文學作品、聖經兼啟示錄--a。到時lín pë Ang-î我tö流芳萬世--lah！」
「Ang-î kap TLPA，萬歲！萬歲！萬萬歲！」