蛇郎君 布袋戲
蕃薯園布袋戲團 起鼓
──《蛇郎君》出差波士頓
2002年 ê 台灣同鄉會 ê 年會暗會中，阮台語班臨時成軍演出《有耳無嘴》ê 話劇，受 tiõh 真濟人 ê 肯定，將按呢成立「台語進步社」，開始
beh 用所有 ê 可能方法來推動台語文運動。
頂年聽講戲劇專家陳清風教授 beh 來波士頓，阮就邀請伊來做專題演講，ho 阮 koh-khah 進一步了解台灣民間故事布袋戲ê文化意義。台灣一般布袋戲
lóng 演中國ê故事，戲一開始 tö 講：「三百年前中原....」，陳教授特別強調布袋戲是台灣 ê 文化之一，tiõh ài 演咱家己 ê 民間故事才有意義。伊
bat t„ 小Bush總統就任 ê 慶典活動中演《虎姑婆》ê 布袋戲參會 ê 人看。阮台語進步社受 tiõh 真大 ê 鼓舞，就準備 t„ 今年
ê 同鄉會年會 ê 暗會中來演出布袋戲。
李勤岸教授負責向 Chicago ê 陳教授連絡寄來 9-sian 布袋戲尪仔 kap《蛇郎君》ê 錄音帶、錄影帶，十二月十八日收tiõh
hit 工，tú 好是式宜兄 kap 美芬姊夫婦邀請阮去 in tau potluck 來慶祝聖誕節。我利用這個好機會來報告 beh t„ 同鄉會暗會演布袋戲
ê 計畫，並分配工作來分路進行準備。
我 t„ 台語進步社 ê 聯盟網站(
http://groups.yahoo.com/group/TPS_BOSTON )公開徵求演員，結果榮聰兄, 芷芳姊夫婦 kap 三郎兄來報名。根據我對每人
ê 了解組成團隊如下：總監：李勤岸 教授， 團長：林俊育，師傅頭: 連三郎、 王守義、 吳榮聰， 舞台效果：莊秋廣、 張佑榮， 布景：蔡式宜、 許淑貞、
黃惠珍， 音響：王守義、 林鴻敏、 徐久婷， 道具製作兼現場助理： 鄭芷芳。這個團隊 ê 盡心盡力 koh 合作無間，是我這世人感覺上好 ê 一
pái。
阮對布袋戲 ê 演出 lóng 無經驗，完全靠興趣 kap 信心來做；但第一 pái 排演，式宜兄就做好戲棚 ê 架勢，秋廣兄買來舞台效果
ê 噴霧器，演起來相當不止 á 逼真。阮決定由三郎兄弄(läng)「金花」kap「銀花」，守義兄弄「蛇郎君」kap「小蛇」，榮聰兄弄「樵夫」kap「媒人婆」，我來弄轎夫。三郎兄copy錄音帶
kap 錄影帶 h³ 各位帶轉去厝裡練習，三位師傅頭將家己 ê 尪 á 款好，歡歡喜喜轉去練撐 loh。
第二 pái 排演 ê 時，芷芳姊帶來花轎、八角井、花 kap 樹 á，樹 á koh 設計 kah 樵夫 chhò 倒 ê 時就斷落去，伊實在真有手工藝術
ê 天分。式宜兄 mä 帶來 koh-khah 配合需要 ê 設施，燈光配置加真好勢，師傅頭 ê 演技 lú 來 lú 逼真，大家信心滿滿 kä
排演--落-去。
第三 pái 排演 ê 時，芷芳姊 chah 來新娘鳳冠，工夫好 kah ká-ná 是真 ê。這頂鳳冠考驗師傅頭 ê 功夫，媒人婆 thçh
鳳冠來 kä 銀花戴冠，戴無好勢，金花 kä 伊 chhiâu h³ 好勢，一步一步來，師傅頭練到熟手為止，tùi chia ë-tàng看出大家
ê 用心。排演結束 ê 時，我請大家轉去思考這個 lú 來 lú 像(sêng)ê 布袋戲團 beh 號做啥物名 khah 好？
第四 pái 最後 ê 彩排，淑貞姊將伊畫 e5 背景、舞台裝飾 lóng 帶來，大家 ê 意見加加做一伙，生動 ê 舞台 bë 輸職業
ê 布袋戲團。三郎兄提議 ê「蕃薯園布袋戲團」，大家 lóng 講真 chán，我就用電腦將團名印出來貼 t„ 舞台門框 ê 頂面，一切進行順利，滿心大歡喜。鴻敏兄
mä 試大銀幕錄影 kap 字幕投影，錄影 koh 放 h³ 大家看，來看出家己應該改進 ê 所在。看了 koh 做一 pái ê 彩排，大家真滿意
koh 有信心。我請大家 to 睏 khah 飽 leh，準備明仔載 ê「初啼」。
我 t„ 台語進步社 ê B班上課中，教大家練「起鼓」ê「tàu句」。暗會第一 ê 節目就是布袋戲，演出前 ê 起鼓由游勝雄做陣頭，劉志攻、
石欽一、 游富吉、 何銀妹、宋惠萍、 洪中明、 歐宏偉、 蘇添貴、 孫淑真、方本仁、楊美玲等學員，「敲鑼打鼓」koh hoah:
「功夫若beh好....在本島！功夫若beh會....在本地！功夫若beh
gâu....tö ài看阮內面ê師傅頭!!!」
帶動高潮，觀眾開始注目TAA-Boston第一 pái 由鄉親自導自演 ê 台灣民間故事布袋戲，一切順利進行，劇終謝幕
ê 時掌聲滿場，h³ 阮真大 ê 鼓勵。
Soah 戲落來台 á 腳，鄉親有真濟 ê o-ló kap 鼓勵，大家 ê 肯定激勵阮 tiõh 繼續將台灣文化 ê 布袋戲發展推廣落去。蕃薯園布袋戲團已經受
tiõh Brandeis大學台灣學生社 ê 邀請，beh t„ 四月初去 in 學校 ê 亞洲文化週演出，這種 ê 台灣文化外交會成做蕃薯園布袋戲團
ê 工作目標，這 mä 是所有團員 ê 使命。(1/25/2003)
註解:Holo=福佬, ê=的, kap=和、與、及, ˜=不, he=那, beh=欲,
t„=在, h³=給、讓, mä=也, koh-khah=更加, in=他們, lín=你們, bë=不會, bë-sái=不可以, seng-lí=生意,
tiõh=著、對、到, tùi=從、由, koh=又再, thang=可以, ài=要、必須, nä=若, hiah-nih-á=那麼、如此, khah=較,
ë-tàng=能夠, tö=就, chhöa=帶領, ká-ná=好像, o-ló=讚美, gâu=真厲害, tau=家, tõh=燃, á=仔,
hông=被人, chhoh=臭罵, neh=呢, lóng= 都、全部, kh¬=元(台幣)。
(台灣羅馬字線頂免費教學: fjylin@yahoo.com.tw)